Tamil Top 10 News: உதயநிதிக்கு இபிஎஸ் கண்டனம் முதல் ஒரே போஸ்ட்டில் 20 போட்டோ - டாப் 10 நியூஸ் இதோ..!
Tamil Top 10 News: உதயநிதிக்கு இபிஎஸ் கண்டனம், மிக கனமழை எச்சரிக்கை, இன்ஸ்டாகிராம் வெளியிட்ட அப்டேட் உள்பட பல முக்கிய செய்திகளை இந்த தொகுப்பில் காணலாம்.
உள்ளூர் முதல் உலகம் வரை, தமிழகம் முதல் தேசம் வரையிலான அனைத்துவிதமான முக்கிய செய்திகளை இந்தத் தொகுப்பில் தெரிந்துகொள்ளலாம்.
ஏழை மக்கள் பணத்தில் கார் பந்தயம் தேவையா? - இபிஎஸ்
கார் பந்தயம் நடத்துவதற்காக மக்கள் பணத்தை திமுக அரசு ஊதாரித்தனமாக செலவிடுவதாகக் குற்றம் சாட்டியுள்ள சட்டமன்ற எதிர்க்கட்சித் தலைவர் எடப்பாடி பழனிசாமி, விளையாட்டுத்துறை அமைச்சர் உதயநிதி விளையாட்டாக செய்து கொண்டிருப்பது வேதனை அளிக்கிறது என்றும் விளையாட்டுத்துறை அமைச்சர் மக்கள் வரிப்பணத்தில் விளையாட்டு செய்கிறார் எனவும் கூறியுள்ளார்.
விவசாயிகளுடன் பிரதமர் மோடி கலந்துரையாடல்
டெல்லியில் உள்ள இந்திய வேளாண் ஆராய்ச்சி நிறுவனத்தில் அதிக மகசூல், பருவநிலையைத் தாக்குப்பிடிக்கும் மற்றும் உயிரி செறிவூட்டப்பட்ட 109 பயிர் ரகங்களை பிரதமர் நரேந்திர மோடி இன்று வெளியிட்டார். பிரதமர் வெளியிட்ட 61 பயிர்களில் 109 ரகங்களில் 34 வயல் பயிர்கள் மற்றும் 27 தோட்டக்கலை பயிர்கள் அடங்கும். இந்த நிகழ்ச்சியில் விவசாயிகள் மற்றும் விஞ்ஞானிகளுடன் பிரதமர் கலந்துரையாடினார்.