TASMAC Revenue: ’மது விற்பனை 45 ஆயிரம் கோடி ரூபாயை தாண்டியது! கடந்த ஆண்டை விட 1,734 கோடி அதிகம்'
TASMAC Revenue: மதுவிலக்கு மற்றும் ஆயத்தீர்வைத் துறை மீதான விவாதத்தில் அமைச்சர் முத்துசாமி கேள்விகளுக்கு பதில் அளித்து உரையாற்றினார். அப்போது அரசு சார்பில் வெளியிடப்பட்ட மதுவிலக்கு மற்றும் ஆயத்தீர்வைகள் துறையின் கொள்கை விளக்க குறிப்பில் டாஸ்மாக் வருவாய் குறித்த புள்ளிவிவரங்கள் இடம்பெற்று உள்ளது

TASMAC Revenue: ’மது வருவாய் 45 ஆயிரத்து 855 கோடி! கடந்த ஆண்டை விட 1,734.54 கோடி அதிகம்' சட்டப்பேரவையில் புதிய தகவல்!
தமிழ்நாட்டில் கடந்த 2023-24ஆம் ஆண்டில் 45 ஆயிரத்து 855 கோடி ரூபாய் டாஸ்மாக் மது விற்பனை மூலம் கிடைத்துள்ளதாக தமிழ்நாடு அரசு தெரிவித்து உள்ளது. இந்த எண்ணிக்கை கடந்த ஆண்டை விட 1,734.54 கோடி அதிகம் ஆகும்.
தமிழ்நாடு சட்டப் பேரவையின் நடப்பாண்டின் முதல் கூட்டம் கடந்த பிப்ரவரி 12ஆம் தேதி அன்று ஆளுநர் உரை உடன் தொடங்கியது. பட்ஜெட் மீதான விவாதங்கள் நடைபெற்ற நிலையில், துறை ரீதியான மானியக் கோரிக்கை விவாதங்கள் நடைபெறாமல் ஒத்திவைக்கப்பட்டு இருந்தது.
தமிழ்நாடு சட்டப்பேரவை கூட்டம்
இந்த நிலையில் துறைரீதியிலான மானியக் கோரிக்கை விவாதத்திற்காக தமிழ்நாடு சட்டப்பேரவை கூட்டத் தொடர் நேற்று தொடங்கி வரும் ஜூன் 29ஆம் தேதி வரை நடைபெற உள்ளது.