தவெக மாநாட்டுத் திடலில் மயங்கி விழுந்த தொண்டர்கள், வேளாண்மைத் துறையில் தமிழகம் முன்னணி.. மேலும் முக்கிய செய்திகள்

•  சென்னையில் வடகிழக்கு பருவமழை இன்று காலை வரை இயல்பை விட 59% கூடுதலாகவும், தமிழ்நாட்டில் 46% கூடுதலாகவும் பெய்துள்ளது என சென்னை வானிலை ஆய்வு மையம் தெரிவித்துள்ளது.
•   தவெக மாநாடு நடக்கும் விக்கிரவாண்டியில் கொளுத்தும் வெயிலால் தொண்டர்கள் மயக்கம் அடைந்தனர். வெயிலின் தாக்கத்தால் மயக்கம் அடைந்தவர்களுக்கு மருத்துவ சிகிச்சை அளிக்கப்பட்டு வருகிறது.

போலீஸார் காயம்

•  பசும்பொன் குருபூஜைக்கு பாதுகாப்பிற்கு சென்ற போலீஸ் வாகனம் தலைகீழாக கவிழ்ந்து விபத்துக்குள்ளானதில் 20 போலீசார் காயம். கூகுள் மேப்பை பார்த்துக் கொண்டு ராமநாதபுரத்தில் இருந்து கமுதி செல்லும் போது அதிகாலை 4 மணியளவில் கண்மாயில் கவிழ்ந்து விபத்து ஏற்பட்டுள்ளது.
•   த.வெ.க முதல் மாநில மாநாட்டின் நிகழ்ச்சி நிரல் வெளியானது. 2 மணிக்கு மேல் கலை நிகழ்ச்சி தொடங்குகிறது. 4 மணி முதல் 4.30 மணிக்குள் கொடி ஏற்றும் விஜய், 6 மணிக்கு விழா மேடையில் சிறப்புரை ஆற்றுகிறார்.
•   த.வெ.க. மாநாடு நடப்பதை ஒட்டி, முன்னெச்சரிக்கை நடவடிக்கையாக விழுப்புரம், முண்டியம்பாக்கம், விக்கிரவாண்டி பகுதிகளில் டாஸ்மாக் கடைகளை இன்று திறக்க வேண்டாம் என நிர்வாகம் உத்தரவு பிறப்பித்துள்ளது.
•   "தவெக மாநாடு சிறப்பாக நடக்க எடப்பாடி பழனிசாமி வாழ்த்து தெரிவித்துள்ளார்" என அதிமுக முன்னாள் அமைச்சர் ஆர்.பி.உதயகுமார் தெரிவித்தார்.
•  பிரான்ஸில் உள்ள பழமையான தேசிய நூலகத்தில் தமிழ்நாடு அரசுப் பள்ளி ஆசிரியர்களுடன் பள்ளிக்கல்வித் துறை அமைச்சர் அன்பில் மகேஸ் சென்றார்.

சீமான் கருத்து

•  விஜய் மாநாட்டில் வைத்துள்ள கட்-அவுட் அல்ல ; கருத்துகள்தான் அரசியல்; விஜய்யின் மாநாடு தாக்கத்தை ஏற்படுத்த வேண்டும். பிரபாகரனை நான் வைத்திருக்கிறேன் என்பதால் விஜய் வைக்காமல் இருந்திருக்கலாம்; அம்பேத்கரின் கட் அவுட் வைப்பது பெரிதல்ல; அவரின் கருத்தை எடுத்துச் செல்ல வேண்டும் என நாம் தமிழர் கட்சி தலைமை ஒருங்கிணைப்பாளர் சீமான் தெரிவித்தார்.
•   இந்தியாவிலேயே வேளாண்மைத் துறையில் தமிழகம் முன்னணி மாநிலமாகத் திகழ்கிறது விவசாயிகளுக்கு ரூ.5, 148 கோடி பயிர்க் காப்பீட்டு இழப்பீட்டுத் தொகை தரப்பட்டது; கரும்பின் விலை டன்னிற்கு ரூ.2,750 என்பது ரூ.3,134.75ஆக உயர்த்தப்பட்டது என தமிழக அரசு அறிவித்துள்ளது.
•  தமிழக வெற்றிக் கழகத்தின் மாநாடு நடைபெறும் இடத்தில் சுமார் 1 லட்சம் பேர் குவிந்தனர் விழுப்புரம் விக்கிரவாண்டி வி.சாலை பகுதியில் சுமார் 1 லட்சம் தொண்டர்கள் குவிந்துள்ளனர்.
•  தமிழக வெற்றிக் கழக மாநாட்டிற்குச் சென்ற டெம்போ வாகனம் கவிழ்ந்ததில் 11 பேர் காயம் சென்னை தாம்பரம் அடுத்த சேலையூரில் லாரியை முந்தி செல்ல முயன்றதில் ஏற்பட்ட விபத்தில் ஓட்டுநர் உட்பட 11 பேர் காயம் அடைந்தனர்.
•  குற்றாலம் அருவிகளில் குளிக்க சுற்றுலாப் பயணிகளுக்கு அனுமதி அளிக்கப்பட்டுள்ளது. அருவிக்கு நீர்வரத்து சீரான நிலையில் சுற்றுலாப் பயணிகளுக்கு வனத்துறை அனுமதி அளித்துள்ளது.
•  தவெக மாநாடு நடைபெறும் வி.சாலையில் சுமார் 2 கி.மீ.,தூரம் வாகனங்கள் வரிசை கட்டி நிற்பதால் கடும் போக்குவரத்து நெரிசல் ஏற்பட்டுள்ளது.