பட்டதாரியின் கன்னியாகுமரி – காஷ்மீர் மாட்டுவண்டி பயணம்: எதுக்குன்னு தெரியுமா?

இளைய தலைமுறை விவசாயத்தில் ஈடுபட வேண்டும், விளை பொருள்களுக்கு உரிய விலையை ஒன்றிய, மாநில அரசுகள் நிர்ணயம் செய்ய வேண்டுமென வலியுறுத்தி கன்னியாகுமரியில் இருந்து காஷ்மீர் வரை ஒற்றைமாடு பூட்டிய மாட்டுவண்டியில் பயணத்தைதுவக்கி உள்ளார். 

இவர் கூறுகையில், “கடந்த 1ம் தேதி கன்னியாகுமரியில் இருந்து மாட்டுவண்டி பயணத்தை துவக்கி, 3,600 கிமீ மாட்டு வண்டியில் பயணம் செய்து காஷ்மீரை 8 மாதங்களில் சென்றடைய முடிவு செய்துள்ளேன்“. கன்னியாகுமரியிலிருந்து பயணத்தை துவங்கிய அவர் நேற்று விருதுநகரில் செய்தியாளர்களிடம் இதனை தெரிவித்தார். 

“இன்றைய இளைய தலைமுறையினர் விவசாயத்தை மறந்து படிப்பிற்காக வேலை தேடி அண்டை மாநிலங்கள், வெளிநாடுகளுக்கு சென்று அடிமையாக வேலை செய்கின்றனர். இளைய தலைமுறையினர் விவசாயம் செய்ய கற்றுக்கொண்டு விவசாயம் செய்தால் முன்னேறலாம். வேளாண் விளை பொருட்களுக்கு போதிய விலையை மத்திய, மாநில அரசுகள் நிர்ணயிக்க வேண்டும். அழிந்து வரும் நாட்டு இன மாடுகளை காக்க வேண்டும். மாடுகள் அழிவால் இயற்கை உரங்கள் குறைந்து ரசாயன உரங்களை நம் மண்ணை கடுமையாக அழித்துவிட்டன. என் பயணம் முழுவதிலும் இவை குறித்தெல்லாம் விழிப்புண்ர்வு ஏற்படுத்தி வருகிறேன்“ என்றார்.