வகையினம்

தமிழ் செய்திகள் / தமிழ்நாடு / Redpix Felix Gerald: ’சவுக்கு சங்கரின் நண்பர் ரெட்பிக்ஸ் பெலிக்சை துரத்தும் சோகம்!’ சொந்த ஊரில் ரெய்டு செய்யும் போலீஸ்!

Redpix Felix Gerald: ’சவுக்கு சங்கரின் நண்பர் ரெட்பிக்ஸ் பெலிக்சை துரத்தும் சோகம்!’ சொந்த ஊரில் ரெய்டு செய்யும் போலீஸ்!

Kathiravan V HT Tamil Published May 17, 2024 06:08 PM IST

எங்களை பின் தொடரலாம்

Kathiravan V HT Tamil

Published May 17, 2024 06:08 PM IST

'Redpix Felix Gerald: சவுக்கு சங்கரின் நண்பரான ரெட்பிக்ஸ் யூடியூப் சேனல் நிறுவனர் பெலிக்ஸ் ஜெரால்டுக்கு சொந்தமான விவசாய நிலத்தில் போலீசார் ரெய்டு நடத்தி வருகின்றனர்’

’சவுக்கு சங்கரின் நண்பர் ரெட்பிக்ஸ் பெலிக்சை துரத்தும் சோகம்!’ சொந்த ஊரில் ரெய்டு செய்யும் போலீஸ்!

எங்களை பின் தொடரலாம்

பெண் காவலர்கள் குறித்து அவதூறாக பேசிய வழக்கில் கைது செய்யப்பட்டுள்ள ரெட்பிக்ஸ் யூடியூப் சேனல் நிறுவனர் பெலிக்ஸ் ஜெரால்டுக்கு சொந்தமான இடத்தில் காவல்துறையினர் சோதனையில் ஈடுபட்டு வருகின்றனர்.

பெண் காவலர்கள் குறித்து அவதூறு

பெண் காவலர்கள் குறித்து அவதூறாக பேசியதாக யூடியூபரும், பத்திரிக்கையாளருமான சவுக்கு சங்கர் கடந்த மே மாதம் 4ஆம் தேதி அன்று தேனியில் கைது செய்யப்பட்டார். இது தொடர்பான பேட்டியை எடுத்தற்காக ரெட்பிக்ஸ் யூடியூப் சேனல் நிறுவனரும், பத்திரிக்கையாளருமான பெலிக்ஸ் ஜெரால்டை டெல்லியில் போலீசார் கைது செய்தனர்.

5 பிரிவுகளின் கீழ் வழக்குப்பதிவு

இந்த விவகாரத்தில் சவுக்கு சங்கர் மற்றும் பெலிக்ஸ் ஜெரால்டு ஆகியார் மீது திருச்சி மற்றும் கோவை சைபர் கிரைம் போலீசார் 5 பிரிவுகளின் கீழ் வழக்குப்பதிவு செய்து உள்ளனர்.

சவுக்கு சங்கர் மற்றும் பெலிக்ஸ் வீடுகளில் சோதனை

இந்த வழக்கு தொடர்பாக சவுக்கு சங்கரின் வீடு மற்றும் அவரது அலுவலகத்தில் ஏற்கெனவே போலீசார் சோதனை நடத்தி ஆவணங்களை பறிமுதல் செய்து இருந்தனர்.

இதனை தொடர்ந்து ரெட்பிக்ஸ் பெலிஸ் ஜெரால்டு வசிக்கும் நுங்கம்பாக்கம் காம்தார் நகரில் உள்ள வீடு மற்றும் ரெட்பிக்ஸ் நிறுவனம் இயங்கி வரும் அலுவலகத்திலும் சோதனை மேற்கொண்ட திருச்சி போலிசார் எலட்ரானிக் உபகரணங்கள் மற்றும் சில ஆவணங்களை எடுத்து என்றனர்.

ரெட்பிக்ஸ் நிறுவனம் மன்னிப்பு

இந்த நிலையில் பெண் காவலர்கள் குறித்த சவுக்கு சங்கரின் நேர்காணலை எடுத்தற்காக ரெட்பிக்ஸ் யூடியூப் சேனல் மன்னிப்பு கேட்டு இருந்தது.

திருவாரூரில் காவல்துறை சோதனை

இந்த நிலையில் ரெட்பிக்ஸ் செய்தி ஆசிரியர் பெலிக்ஸ் ஜெரால்டின் சொந்த ஊரான திருவாரூர் மாவட்டம் மன்னார்குடி அருகே உள்ள கோட்டகச்சேரி கிராமத்தில் சோதனை மேற்கொண்டு வருகின்றனர். அங்கு உள்ள அவரது விவசாய நிலத்தை ஒட்டிய கட்டப்பட்டு உள்ள கண்டெய்னர் வீட்டில் போலீசார் சோதனை மேற்கொண்டு வருகின்றனர். காவல்துறை சோதனையில் பெலிக்ஸ் ஜெரால்டின் மனைவியும் உடன் உள்ளார்.

ரெட்பிக்ஸ் நிறுவனத்தின் விளக்கமும் மன்னிப்பும்!

இது தொடர்பாக கடந்த மே 15ஆம் தேதி ரெட்பிக்ஸ் நிறுவனத்தின் பொதுமேலாலர் ஜென் பெலிக்ஸ் சார்பில் வெளியிடப்பட்ட செய்திக்குறிப்பில், சவுக்கு சங்கர் பேசிய சர்ச்சைக்குரிய பேச்சில் RED PIX-க்கு உடன்பாடு இல்லை, அது RED PIX-ன் கருத்தும் இல்லை. இருப்பினும் அந்த காணொளியால் காவல்துறையில் பணியாற்றும் பெண்கள் வருத்தம் அடைந்துருப்பதால் RED PIX நிறுவனம் மன்னிப்பு கேட்டுக்கொள்கிறது என தெரிவிக்கப்பட்டு இருந்தது.

பெண்களின் மான்பை மதிக்கிறோம்

கடந்த 30-04-2024 அன்று Why Savukku Media is Targeted? என்ற தலைப்பில் நமது RED PIX ஊடகத்தின் ஆசிரியர் பெலிக்ஸ் ஜெரால்டு, சவுக்கு சங்கரை நேர்காணல் செய்தார் அந்த நேர்காணலில் தமிழ்நாடு காவல்துறையில் பணியாற்றும் பெண்கள் குறித்து சவுக்கு சங்கர் பேசிய சர்ச்சைக்குரிய கருத்து சவுக்கு சங்கரின் கருத்துதானே தவிர RED PIX ஊடகத்தின் கருத்து அல்ல. பெண்களின் மாண்பையும், சுயமரியாதையையும் மிக உயர்வாக RED PIX ஊடகம் கருதுகிறது சவுக்கு சங்கர் பேசிய அந்த சர்ச்சைக்குரிய கருத்து காவல்துறையில் பணியாற்றும் பெண்களுக்கு மிகுந்த மனவருத்தத்தை ஏற்படுத்தி உள்ளது என அந்நிறுவனம் கூறி இருந்தது குறிப்பிடத்தக்கது.