தமிழ் செய்திகள்  /  தேசம் மற்றும் உலகம்  /  Modi Cabinet: '4 இலாக்காகளுக்கு No சொன்ன பாஜக! நாயுடுவுக்கு 4! நிதிஷுக்கு 2!’ இதுதான் மோடியின் அமைச்சரவை!

Modi Cabinet: '4 இலாக்காகளுக்கு No சொன்ன பாஜக! நாயுடுவுக்கு 4! நிதிஷுக்கு 2!’ இதுதான் மோடியின் அமைச்சரவை!

Kathiravan V HT Tamil
Jun 09, 2024 11:19 AM IST

Narendra Modi oath: மோடியின் அமைச்சரவையில் நான்கு முதல் ஐந்து எம்.பி.க்களுக்கு ஒரு கேபினட் அமைச்சர் மற்றும் இரண்டு எம்.பிக்களுக்கு ஒரு இணை அமைச்சர் என்ற அடிப்படையில் கூட்டணி கட்சிகளுக்கு இலாக்காக்கள் ஒதுக்கீடு செய்யப்படும் என எதிர்பார்க்கப்படுகின்றது.

Modi Cabinet: '4 இலாக்காகளுக்கு No சொன்ன பாஜக! நாயுடுவுக்கு 4! நிதிஷுக்கு  2!’ இதுதான் மோடியின் அமைச்சரவை!
Modi Cabinet: '4 இலாக்காகளுக்கு No சொன்ன பாஜக! நாயுடுவுக்கு 4! நிதிஷுக்கு 2!’ இதுதான் மோடியின் அமைச்சரவை!

ட்ரெண்டிங் செய்திகள்

மோடி பதவியேற்பு விழாவில் உலகத் தலைவர்கள் 

நரேந்திர மோடியின் பதவியேற்பு விழாவில் இலங்கை அதிபர் ரணில் விக்ரமசிங்கே, மாலத்தீவு அதிபர் மொஹமட் முய்சு, வங்கதேச பிரதமர் ஷேக் ஹசீனா, மொரீஷியஸ் பிரதமர் பிரவிந்த் குமார் ஜக்நாத், நேபாள பிரதமர் புஷ்பா கமல் தஹால், பூடான் பிரதமர் ஷேரிங் தோப்கா உள்ளிட்ட 8000 பேர் கலந்துகொள்வார்கள். மற்றும் சீஷெல்ஸ் துணைத் தலைவர் அகமது அஃபிஃப். இந்தியாவின் அண்டை நாடு முதல் கொள்கையின் ஒரு பகுதியாக இந்த வெளிநாட்டு பிரமுகர்களை புது தில்லி அழைத்துள்ளது.

மோடியின் அரசியல் வாழ்கையில் கூட்டணி ஆட்சிக்கு அவர் தலைமை தாங்குவது இதுவே முதல் முறையாகும். சமீபத்தில் நடந்து முடிந்த மக்களவைத் தேர்தலில் பாஜக 240 இடங்களை மட்டுமே பெற்று உள்ளதால், தேசிய ஜனநாயக கூட்டணியில் அங்கம் வகிக்கும் சந்திரபாபு நாயுடுவின் தெலுங்கு தேசம் மற்றும் நிதிஷ் குமாரின் ஐக்கிய ஜனதாதளம் ஆகிய கட்சிகளின் ஆதரவை பாஜக பெற்று உள்ளது. 

30 அமைசர்கள் வரை இடம் பெற வாய்ப்பு

பிரதமர் மோடியின் அமைச்சரவையில் 27 முதல் 30 அமைச்சர்கள் இருப்பார்கள் என்று எதிர்பார்க்கப்படுகிறது. அவர்களில் மூன்றில் ஒரு பகுதியினர் தேசிய ஜனநாயக கூட்டணி கட்சியை சேர்ந்தவர்களாக இருப்பார்கள்.

நான்கு முதல் ஐந்து எம்.பி.க்களுக்கு ஒரு கேபினட் அமைச்சர் மற்றும் இரண்டு எம்.பிக்களுக்கு ஒரு இணை அமைச்சர் என்ற அடிப்படையில் கூட்டணி கட்சிகளுக்கு பதவிகள் ஒதுக்கீடு செய்யப்படும் என எதிர்பார்க்கப்படுகின்றது.

நிதிஷ் குமார் மற்றும் சந்திரபாபு நாயுடுவின் கட்சிகள் மொத்தம் 28 லோக்சபா இடங்களை வென்றுள்ளன. இந்த எண்ணிக்கை மோடி 3.0 அரசாங்கத்தின் இன்றியமையாத எண்ணிக்கை என்பதால், நரேந்திர மோடியின் அமைச்சரவையில் இவ்விரு கட்சிகளின் தலைவர்களுக்கும் பிரதிநிதித்துவம் கிடைக்கும் என எதிர்பார்க்கப்படுகிறது.

முழு அமைச்சரவையின் பலம் 81 வரை இருக்க வாய்ப்பு 

30 அமைச்சர்கள் இன்று பதவியேற்பார்கள் என்றும், முழு அமைச்சரவையின் பலம் 78 முதல் 81 வரை இருக்கலாம் என்றும் என்.டி.டிவி தெரிவித்து உள்ளது. 

நாயுடு கட்சியில் யாருக்கு வாய்ப்பு?

சந்திரபாபு நாயுடுவின் கட்சிக்கு 4 இலாகாக்கள் கிடைக்கலாம் என்றும், ஜேடியுவுக்கு 2 இடங்கள் கிடைக்கலாம் என்றும் தகவல்கள் வெளியாகி உள்ளது. 

தெலுங்கு தேசம் கட்சியின் ராம் மோகன் நாயுடு, ஹரிஷ் பாலயோகி, டக்குமல்ல பிரசாத் ஆகியோர் அமைச்சர்களாக பதவியேற்கலாம் என்றும் தெரிவிக்கப்பட்டுள்ளது.

நிதிஷ் கட்சியில் யாருக்கு வாய்ப்பு? 

நிதிஷ் குமார் கட்சி சார்பில் லாலன் சிங் மற்றும் ராம்நாத் தாக்கூர் அமைச்சர்களாக பதவி ஏற்க வாய்ப்பு உள்ளதகா கூறப்படுகிறது. இதில் ராம்நாத் தாக்கூர் பாரத ரத்னா விருது பெற்றவரும், சோசலிஸ்ட் தலைவருமான கர்பூரி தாக்கூரின் மகன் என்பது குறிப்பிடத்தக்கது.

16 லோக்சபா தொகுதிகளில் வெற்றி பெற்றுள்ள தெலுங்கு தேசம் கட்சி, நான்கு இலாகாக்கள் மற்றும் சபாநாயகர் பதவியை கோரியதாக கூறப்படுகிறது. 12 லோக்சபா இடங்களைக் கொண்ட ஐக்கிய ஜனதாதளம் கட்சி, 2 கேபினட் இலாகாக்களை விரும்பிதாக தகவல்கள் வெளியாகி உள்ளது. 

பெரிய இலாக்காக்களை தர விரும்பவில்லை 

இருப்பினும், உள்துறை, பாதுகாப்பு, நிதி மற்றும் வெளிவிவகாரம் ஆகிய நான்கு பெரிய இலாக்காகளை கூட்டணி கட்சிகளுக்கு பாஜக தர தயாராக இல்லை என்று தகவல்கள் தெரிவிக்கின்றன. 

ரயில்வே, சாலைப் போக்குவரத்து, சட்டம், தகவல் தொழில்நுட்பம் மற்றும் கல்வி போன்ற சில முக்கிய அமைச்சகங்களும் பாஜகவுடன் செல்லக்கூடும் என தகவல்கள் கூறுகின்றன. 

சிராக் பாஸ்வானுக்கு அமைச்சரவையில் இடம்?

பாஜக தனது கூட்டணி கட்சிகளின் அபிலாஷைகள் குறித்து பின்னர் விவாதிக்கலாம் என்று கூறியதாக கூறப்படுகிறது. அவர்களின் எதிர்பார்ப்புக்களை குறைத்துக்கொள்ளுமாறு கட்சி கேட்டுக் கொண்டுள்ளது என்று டைம்ஸ் ஆப் இந்தியா செய்தி வெளியிட்டு உள்ளது. 

5 மக்களவைத் தொகுதிகளில் வெற்றி பெற்ற லோக் ஜனசக்தி - பாஸ்வான் கட்சியின் சிராக் பாஸ்வானுக்கும் அமைச்சரவையில் இடம் கிடைக்க வாய்ப்புகள் உள்ளதாக, இந்தியன் எக்ஸ்பிரஸ் செய்தி வெளியிட்டு உள்ளது. 

டி20 உலகக் கோப்பை 2024