தமிழ் செய்திகள்  /  Nation And-world  /  Ht Elections Story: From Independence To Polls: Insights Into India's 2009 Lok Sabha Elections

HT Elections Story: ‘நாடாளுமன்ற தேர்தல் 2009!’ அத்வானியை பதம் பார்த்த மன்மோகன்! மீண்டும் காங்கிரஸ் ஆட்சி!

Kathiravan V HT Tamil
Feb 21, 2024 05:30 AM IST

“Lok sabha Election 2009: தமிழ்நாட்டை பொறுத்தவரை இலங்கையில் நடைபெற்ற உள்நாட்டுபோர் முக்கிய பிரச்னையாக வெடித்தது. இலங்கை உள்நாட்டு போரை நிறுத்த வலியுறுத்தி திமுக தலைவரும், அன்றைய முதலமைச்சருமான கருணாநிதி நடத்திய உண்ணாவிரதம் பெரும் பேசு பொருள் ஆனது”

நாடாளுமன்றத் தேர்தல் 2009
நாடாளுமன்றத் தேர்தல் 2009

ட்ரெண்டிங் செய்திகள்

இந்திய குடியரசு

நாடு விடுதலை அடைந்த பிறகு 1950 ஜனவரி 26ஆம் ஆண்டு இந்தியா தன்னை குடியரசு நாடாக அறிவித்துக் கொண்டது. முதல் முறையாக சாதி, மதம், இனம், மொழி, பாலினம், சமூக, உள்ளிட்ட எந்த வித பேதமும் இன்றி 21 வயது நிரம்பிய இந்தியர்கள் அனைவருக்கும் வாக்குரிமையை இந்தியக் குடியரசு வழங்கியது.

ஐக்கிய முற்போக்கு கூட்டணி ஆட்சி

2004 தேர்தலில் பாஜகவை விட வெறும் 7 இடங்களை மட்டுமே கூடுதலாக வென்ற காங்கிரஸ் கட்சி 145 இடங்களில் வென்று தனிப்பெரும் கட்சியாக உருவெடுத்தது. பாஜக 138 இடங்களிலும், மார்க்சிஸ்ட் கம்யூனிஸ்ட் கட்சி 43 இடங்களிலும் வெற்றி பெற்று இருந்தது. தமிழ்நாடு மற்றும் புதுச்சேரியை பொறுத்தவரை, திமுக தலைமையிலான கூட்டணி 40 இடங்களிலும் வெற்றி பெற்றது. பிரதமர் ஆவார் என எதிர்பார்க்கப்பட்ட சோனியா காந்தி, பொருளாதார நிபுணர் மன்மோகன் சிங்கை பிரதமராக அறிவித்தார். 

ஆதரவை விளக்கி கொண்ட இடதுசாரிகள்

அணுக்கொள்கை தொடர்பான கருத்து வேறுபாட்டால் ஆட்சிக்கு வெளியில் இருந்து ஆதரவை அளித்து வந்த இடதுசாரிகள் காங்கிரஸ் கட்சிக்கு அளித்து வந்த ஆதரவை விலக்கினாலும், பெரும்பான்மை உறுப்பினர்கள் ஆதரவுடன் ஆட்சி தொடர்ந்தது. 

நினைவுக்கூறத்தக்க திட்டங்கள்

தகவல் அறியும் உரிமை சட்டம், கட்டாய கல்வி உரிமை சட்டம், மகாத்மா காந்தி ஊரக வேலை வாய்ப்பு திட்டம், தேசிய சுகாதார கிராம புற இயக்கம், உணவுப்பாதுகாப்பு சட்டம் உள்ளிட்ட பல்வேறு மக்கள் நலத்திட்டங்களை காங்கிரஸ் தலைமையிலான ஐக்கிய முற்போக்கு கூட்டணி அரசு நிறைவேற்றது. 

மூன்றாவது அணி 

ஏப்ரல் 16 முதல் மே 13 வரை நடந்த தேர்தலில் காங்கிரஸ் தலைமையிலான ஐக்கிய முற்போக்கு கூட்டணி, பாஜக தலைமையிலான தேசிய ஜனநாயக கூட்டணிக்கு மாற்றாக, இடதுசாரிகள் மூன்றாவது அணியை அமைத்தனர். தேசிய ஜனநாயக  கூட்டணியில் இருந்து விலகி இருந்த ஜெயலலிதா மூன்றாவது அணியில் இணைந்தார். 

பிரச்னைகள் 

மும்பை தாக்குதல், இலங்கை உள்நாட்டுபோர், நக்சல் ஆதிக்கம், ஊழல் புகார்கள், தாரளமய கொள்கைகள் உள்ளிட்ட விவகாரங்கள் ஆளும் அரசுக்கு எதிராக முன் வைக்கப்பட்டது. 

மீண்டும் வென்ற ஐக்கிய முற்போக்கு கூட்டணி!

பாஜக சார்பில் அக்கட்சியின் மூத்த தலைவர் அத்வானி பிரதமர் வேட்பாளராக முன்னிருத்தப்பட்டார். 2001 ஆம் ஆண்டு மக்கள் தொகை கணக்கெடுப்பின் அடிப்படையில் நடைபெற்ற தொகுதி மறுசீரமைப்புக்கு பின் நடந்த தேர்தலில், 206 தொகுதிகளில் வென்று காங்கிரஸ் கட்சி தனிப்பெரும் கட்சியாக உருவெடுத்தது. பாஜகவால் வெறும் 116 இடங்கள் மட்டுமே பெற முடிந்தது. 

இந்தியாவின் மிகப்பெரிய மாநிலமான உத்திரப்பிரதேசத்தில் 4 முனைபோட்டில் நிலவியது. மொத்தமுள்ள 80 தொகுதிகளில், சமாஜ்வாதி கட்சி 23 இடங்களிலும், காங்கிரஸ் கட்சி 21 இடங்களிலும், பகுஜன் சமாஜ் 20 இடங்களிலும், பாஜக 10 இடங்களும் வெற்றி பெற்று இருந்தனர். மன்மோகன் சிங் மீண்டும் பிரதமர் ஆக பொறுப்பேற்றார். 

இலங்கை தமிழர் விவகாரம் 

தமிழ்நாட்டை பொறுத்தவரை இலங்கையில் நடைபெற்ற உள்நாட்டுபோர் முக்கிய பிரச்னையாக வெடித்தது. இலங்கை உள்நாட்டு போரை நிறுத்த வலியுறுத்தி திமுக தலைவரும், அன்றைய முதலமைச்சருமான கருணாநிதி நடத்திய உண்ணாவிரதம் பெரும் பேசு பொருள் ஆனதுடன், அரசியல் ரீதியான விமர்சனங்களை ஏற்படுத்தியது.

அமோக வெற்றி பெற்ற திமுக

இருப்பினும், தேர்தல் பரப்புரையில் பெரியதாக எதிரொலித்த இலங்கை பிரச்னை தேர்தல் முடிவுகளில் பெரிய பாதிப்புகளை ஏற்படுத்தவில்லை. திமுக தலைமையிலான கூட்டணி 18 இடங்களிலும், காங்கிரஸ் கட்சி 8 இடங்களிலும், விடுதலை சிறுத்தைகள் கட்சி ஒரு இடத்திலும் வெற்றி பெற்றது. 

வியப்பில் ஆழ்த்திய தேமுதிக

அதிமுக 9 இடங்களிலும், மதிமுக, சிபிஐ, சிபிஎம் கட்சிகள் தலா ஒரு இடத்திலும் வென்றது. அதிமுக கூட்டணியில் 5 இடங்களில் போட்டியிட பாமக அனைத்து இடங்களிலும் தோல்வி அடைந்தது. திமுக, அதிமுகவுக்கு மற்றாக தனித்து களம் கண்ட விஜயகாந்தின் தேமுதிக கட்சி 10. 3% வாக்குகளை பெற்று வியப்பில் ஆழ்த்தியது. 

IPL_Entry_Point