தமிழ் செய்திகள்  /  தேசம் மற்றும் உலகம்  /  Lok Sabha Election 2024: இறுதிகட்ட வாக்குப்பதிவு தொடங்கியது - அதிக இளம் வாக்காளர்கள் வாக்களிக்குமாறு பிரதமர் அழைப்பு

Lok Sabha Election 2024: இறுதிகட்ட வாக்குப்பதிவு தொடங்கியது - அதிக இளம் வாக்காளர்கள் வாக்களிக்குமாறு பிரதமர் அழைப்பு

Marimuthu M HT Tamil
Jun 01, 2024 07:59 AM IST

Lok Sabha Election 2024: 2024 மக்களவைத் தேர்தலின் ஏழாவது மற்றும் இறுதிகட்ட வாக்குப்பதிவு தொடங்கியது. அதிக இளம் மற்றும் பெண் வாக்காளர்கள் வாக்களிக்குமாறு பிரதமர் நரேந்திர மோடி குடிமக்களுக்கு அழைப்பு விடுத்தார்.

Lok Sabha Election 2024: இறுதிகட்ட வாக்குப்பதிவு தொடங்கியது - அதிக இளம் வாக்காளர்கள் வாக்களிக்குமாறு பிரதமர் அழைப்பு
Lok Sabha Election 2024: இறுதிகட்ட வாக்குப்பதிவு தொடங்கியது - அதிக இளம் வாக்காளர்கள் வாக்களிக்குமாறு பிரதமர் அழைப்பு (REUTERS)

ட்ரெண்டிங் செய்திகள்

7 மாநிலங்களில் உள்ள 57 மக்களவைத் தொகுதிகள் மற்றும் சண்டிகர் யூனியன் பிரதேசம் உட்பட 57 மக்களவைத் தொகுதிகளில் இறுதிகட்ட வாக்குப்பதிவு ஜூன் 1ஆம் தேதியான சனிக்கிழமையான இன்று காலை 7 மணிக்குத் தொடங்கியது. கடந்த ஏப்ரல் மாதம் 19-ம் தேதி தொடங்கி 486 மக்களவைத் தொகுதிகளில் 6 கட்டங்களாக நடைபெற்ற உலகின் மிகப்பெரிய வாக்குப்பதிவு நிறைவடைந்ததை இந்த நிகழ்வு குறிக்கிறது.

பல்வேறு இடங்களில் இறுதிகட்ட வாக்குப் பதிவு:

பீகார், இமாச்சலப் பிரதேசம், ஜார்க்கண்ட், ஒடிசா, பஞ்சாப், உத்தரப் பிரதேசம் மற்றும் மேற்கு வங்கம் ஆகிய ஏழு மாநிலங்கள் மற்றும் சண்டிகர் யூனியன் பிரதேசங்களில் வாக்குப்பதிவு நடைபெறுகிறது. இதற்கிடையே, மீதமுள்ள 42 ஒடிசா சட்டப்பேரவைத் தொகுதிகளுக்கும் இன்று வாக்குப்பதிவு நடைபெறுகிறது.

இந்தியத் தேர்தல் ஆணையத்தின் (இ.சி.ஐ) கூற்றுப்படி, சுமார் 5.24 கோடி ஆண்கள், 4.82 கோடி பெண்கள் மற்றும் 3574 மூன்றாம் பாலின வாக்காளர்கள் உட்பட 10.06 கோடி வாக்காளர்கள் வாக்களிக்கும் உரிமையைப் பயன்படுத்தி இந்த ஏழாவது கட்ட வாக்குப்பதிவில் பங்கேற்பார்கள் என்று எதிர்பார்க்கப்படுகிறது.

இறுதிக்கட்ட வாக்குப்பதிவில் மொத்தம் 904 வேட்பாளர்கள் போட்டியிடுகின்றனர். பிரதமர் நரேந்திர மோடி, பாஜக தலைவர்கள் ரவிசங்கர் பிரசாத், நிஷிகாந்த் துபே, காங்கிரஸ் தலைவர்கள் மணீஷ் திவாரி, சரண்ஜித் சிங் சன்னி, சிரோமணி அகாலி தளம் (எஸ்ஏடி) தலைவர் ஹர்சிம்ரத் கவுர் பாதல் மற்றும் ராஷ்டிரிய ஜனதா தளம் (ஆர்ஜேடி) தலைவர் மிசா பாரதி ஆகிய குறிப்பிடத்தக்க வேட்பாளர்கள், இந்த 7ஆவது கட்ட வாக்குப்பதிவில் களம் காண்கின்றனர். 

கூடுதலாக, இமாச்சலப் பிரதேசத்தில் ஆறு சட்டமன்றத் தொகுதிகளிலும் ஜூன் 1ஆம் தேதியான இன்று இடைத்தேர்தல் நடக்கிறது. இது மாநிலத்தில் காங்கிரஸ் அரசாங்கத்தைப் பாதிக்கும். ஏனெனில், முந்தைய ஆறு இடங்களிலும் காங்கிரஸ் வென்றுள்ளது. மேலும் இந்த இடங்களில் பதவி வகித்த எம்.எல்.ஏ.க்கள் மாநிலங்களவைத் தேர்தலில் கட்சி மாறி வாக்களித்தால் பதவியை இழந்தனர்.

பிரதமர் மோடி விடுத்த அழைப்பு:

முன்னதாக, 28 மாநிலங்கள்/யூனியன் பிரதேசங்கள் மற்றும் 486 மக்களவைத் தொகுதிகளுக்கான வாக்குப்பதிவு சுமூகமாகவும், அமைதியாகவும் நடந்து முடிந்ததாக தேர்தல் ஆணையம் தெரிவித்துள்ளது. வாக்கு எண்ணிக்கை ஜூன் 4-ம் தேதி நடைபெறும்.

2024 மக்களவைத் தேர்தலின் ஏழாவது கட்டத்தில் "அதிக எண்ணிக்கையில்" வாக்களிக்குமாறு பிரதமர் நரேந்திர மோடி சனிக்கிழமை குடிமக்களுக்கு வேண்டுகோள் விடுத்தார்.

இதுகுறித்து அவர் வெளியிட்டுள்ள பதிவில், "2024 மக்களவைத் தேர்தலின் இறுதிக் கட்டம் இன்று. 8 மாநிலங்கள் மற்றும் யூனியன் பிரதேசங்களில் உள்ள 57 தொகுதிகளில் வாக்காளர்கள் அதிக எண்ணிக்கையில் வந்து வாக்களிக்க வேண்டும் என்று அழைப்பு விடுக்கிறேன். இளம் மற்றும் பெண் வாக்காளர்கள் சாதனை எண்ணிக்கையில் வாக்களிப்பார்கள் என்று நம்புகிறேன். ஒன்றிணைந்து, நமது ஜனநாயகத்தை மிகவும் துடிப்பானதாக மாற்றுவோம்." எனத் தெரிவித்துள்ளார். 

முன்னதாக ஏப்ரல் 19, ஏப்ரல் 26, மே 7, மே 13, மே 20 மற்றும் மே 25 ஆகிய தேதிகளில் மக்களவைத் தேர்தல் நடைபெற்றது. மேலும், ஆந்திரா, சிக்கிம், அருணாச்சல பிரதேசம் ஆகிய மாநிலங்களில் சட்டசபைத் தேர்தல் நடந்து முடிந்துள்ளது. ஒடிசாவில் கடந்த நான்கு கட்டங்களாக மக்களவை மற்றும் சட்டமன்றத்துக்கான தேர்தல்கள் ஒரே நேரத்தில் நடந்துள்ளன.

டி20 உலகக் கோப்பை 2024

டாபிக்ஸ்