World Samosa Day 2024: பசிக்காகவும், ருசிக்காவும் சாப்பிடும் தின்பண்டம்..அனைத்து வயதினருக்கும் பிடித்த சமோசா வரலாறு இதோ

சமோசா இயற்கையிலேயே நன்கு திருப்தி அளித்து வயிறு நிரம்பிய உணர்வை நீண்ட நேரம் தருகிறது. ஆண்டுதோறும், உலக சமோசா தினம் உலகம் முழுவதும் செப்டம்பர் 5ஆம் தேதி கொண்டாடப்படுகிறது. அந்த நாளில் இந்த சிறிய தின்பண்டத்தையும் அவற்றின் சுவையையும் கொண்டாடுகிறார்கள்.

உலக சமோசா தினம் வரலாறு

சமோசாக்கள் 10 ஆம் நூற்றாண்டில் மத்திய கிழக்கில் தோன்றியதாக நம்பப்படுகிறது. சுமார் 13 அல்லது 14 ஆம் நூற்றாண்டில், வர்த்தகர்கள் சுவையான தின்பண்டங்களை இந்தியாவுக்கு கொண்டு வந்தனர், அன்றிலிருந்து, சமோசாக்கள் முற்றிலும் இந்தியர்களின் விருப்பமான தின்பண்டமாக மாறியது.

சமோசாவின் மொறுமொறுப்பான சுவையான வெளிப்புறம் மைதா அல்லது கோதுமை மாவைக் கொண்டு தயாரிக்கப்படுகிறது, நன்கு பிசைந்த மாவு உட்புறத்தில் பட்டாணி, வெங்காயம், காய்கறிகள், பனீர், மட்டன் அல்லது சிக்கன் ஆகியவற்றில் விருப்பமானதை வைத்து முக்கோணமாக மடித்த பின்னர் பொன்னிறமாக மாறும் வரை ஆழமாக வறுத்தால் சுவை மிகுந்த சமோசா தயாராகிவிடும்.

சமோசா மாலை நேரங்களில் சாலையோரக் கடைகளில் கிடைக்கும் ஒரு பொதுவான சிற்றுண்டியாக உள்ளது. சமோசாவுக்கு சைடு டிஷ் ஆக புதினா அல்லது கொத்தமல்லி சட்னி பரிமாறப்படுகிறது. இது சுவையை அதிகரித்து, இனிமையான உணர்வை தருகிறது.

சமோசாவின் முக்கியத்துவம்

சிறியவர்கள் முதல் பெரியவர்கள் வரை மிகவும் விருப்பமான ஸ்நாக்ஸ் ஆக சமோசா இருந்து வருகிறது. அந்த வகையில் இது மிகவும் முக்கியத்துவம் மிக்க ஸ்நாக்ஸ் ஆக இருந்து வருகிறது.

அந்த வகையில் சமோசா இல்லாத தெருவோர கடைகளும், மால்களும் இல்லாத வகையில் பல்வேறு வகையான சமோசாக்களுடன் இந்தியர்களின் வாழ்க்கையில் இடம்பிடித்துள்ளது. காலை மற்றும் மாலை வேலைகளில் காபி அல்லது டீ போன்ற பானங்கள் குடிப்பது போல் சமோசா சாப்பிடுவதும் ஒரு பழக்கமாக மாறியுள்ளது.

பசிக்காகவும், ருசிக்காகவும் சாப்பிடக்கூடிய தின்பண்டமாக இருந்து வரும் சமோசா மனநிலை மாற்றத்தை உண்டாக்குகிறது.

சமோசா தினம் கொண்டாடுவது எப்படி

சமோசா தினத்தை கொண்டாட பல வழிகள் இருக்கின்றன. இந்த நாளில் நம்மால் முடிந்த அளவு சமோசா சாப்பிடலாம். பனீர் சமோசாவில் இருந்து சிக்கன் சமோசா, வெங்காய சமோசா என அனைத்து வகை சமோசாக்களையும் ருசித்து பார்த்து புகைப்படம் எடுத்து ஸ்டேட்டஸ் ஆகவோ அல்லது ஸ்டோரியாகவோ பதிவிடலாம்.

விதவிதமான சமோசாக்களை தயார் செய்ய கற்றுக்கொண்டு வீட்டிலேயே முயற்சிக்கலாம். செய்ய கற்றுக்கொள்வது. நெருக்கமானவர்கள், நண்பர்கள், உறவினர்களுடன் இணைந்து சமோசா விருந்து வைக்கலாம். நண்பர்கள் மற்றும் உறவினர்கள் அனைவரையும் வீட்டுக்கு அழைத்து சமோசா சாப்பிட்டவாறே வேடிக்கை கதைகளை பேசலாம்

உலக சமோசா தினம் 2024 கருபொருள்

2024 ஆம் ஆண்டு உலக சமோசா தினத்தின் கருப்பொருள் "வெவ்வேறு சமோசாக்கள் மூலம் உலகம் முழுவதும்" என்பதாகும். இந்த கருபொருள் சமோசாவின் பன்முகத்தன்மை மற்றும் உலகம் முழுவதும் அனுபவிக்கப்படும் சிற்றுண்டியின் பல்வேறு பதிப்புகளை எடுத்துக்காட்டுகிறது.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/