RelationShip : குழந்தையின்மை உங்கள் உறவையே பாதிக்குமா? அதை கையாள்வது எப்படி?

தம்பதிகளின் திருமண வாழ்க்கையில் இந்த பிரச்னை குறித்து கண்டுபிடிக்கப்படும்போதோ, பிரச்னைகள் ஏற்பட துவங்கிவிடுகிறது. முதலிலே இது உளவியல் மற்றும் உணர்வு ரீதியான அழுத்தத்தை ஏற்படுத்துகிறது. துவக்க காலத்தில் தம்பதிகளுக்கு பல்வேறு பிரச்னைகள் ஏற்படும். குழப்பங்கள், விரக்தி, கோவம், துக்கம், துன்பம், பாதிக்கப்பட்டவர்கள் போன்ற மனநிலை உள்ளிட்ட பிரச்னைகள் ஏற்படும். இது இறுதியில் உங்கள் தன்னம்பிக்கையை குலைத்துவிடும். இது நிறைய தம்பதிகளிடையே பிரச்னைகளை எற்படுத்துகிறது. நீண்ட காலமாக குழந்தையில்லையென்றால், அது உங்களின் பாலியல் செயலின்மைக்கு வழிவகுக்கிறது. மன அழுத்தம் ஏற்படுகிறது. சமூகத்தில் இருந்து தனித்து விடப்படுவீர்கள்.

ஒருவரையொருவர் குற்றம் சுமத்திக்கொள்வீர்கள். இதனால் தம்பதிகளிடையே மனக்கசப்பு ஏற்படும். இது குற்றஉணர்வை ஏற்படுத்தும். மருத்துவ ரீதியாக ஒருவரிடம் உள்ள குறை வெளிபட்டுவிட்டால், அந்த நபர் மேலும் மன உளைச்சலுக்கு ஆளாவார். இது துவக்கத்தில் பிரச்னைகளை ஏற்படுத்தாவிட்டாலும், நாளடைவில் பிரச்னைகளை உண்டாக்கும். இதனால் உறவு வறண்டு போகும். எனவே குழந்தையின்மை ஏற்படும்போது, எப்படி உங்கள் உறவை மேம்படுத்த வேண்டும் என்ற தெரிந்துகொள்ளுங்கள்.

உங்கள் இணையரை அவமதிக்காதீர்கள்

உங்களுக்கு குழந்தையின்மை குறித்து மருத்துவ ரீதியாக பரிசோதித்து முடிவு வந்தபின்னர், இருவருக்கும் ஒரே அளவு மனஅழுத்தம்தான் இருக்கும். குறிப்பாக இருவரில் ஒருவரிடம் குறை என்று முடிவு வந்துவிட்டால், அவர் மிகவும் அவமானமும், வெட்கமும் அடைவார். இதனால் மற்றொருவர் அவருக்கு ஆறுதலாக இருக்க வேண்டும். நீங்கள் பிரச்னைக்குரிய நபராக இருந்தீர்கள் என்றால், குழந்தையின்மை குறித்து உங்கள் பார்ட்னரிடம் அடிக்கடி பேசாதீர்கள்.

ஒவ்வொருவரின் அச்சம் குறித்து பேசுங்கள்

ஒருவரிடம் உள்ள அச்சத்தை குறித்து பேசுவதை தவிர்ப்பார்கள். குழந்தையின்மை பிரச்னைகளால் பெண்கள் அதிகம் பாதிக்கப்படுகிறார்கள். இந்திய சமூகம் பெண்களை அதிகம் விமர்சிக்கும் என்பதால் இதனால் அதிகம் பாதிக்கப்படுவது பெண்களே. எனவே குழந்தையின்மை பிரச்னைகள் குறித்து ஒருவரின் அச்சத்தை இருவரும் பேச வேண்டும். மனம் விட்டு பேச வேண்டும். ஒருவரை மட்டும் குறை சொல்வதை தவிர்க்க வேண்டும். இந்தப்பிரச்னைகள் உங்கள் உறவை பாதிக்கும்.

புரிந்துகொள்ள முயற்சி செய்யுங்கள்

நாம் ஆசைப்பட்டது கிடைக்காவிட்டால் நமக்கு மிகுந்த மனஉளைச்சல் ஏற்படுவது இயற்கையே. அதே நேரத்தில் ஒவ்வொருவருக்கும் மனஉளைச்சலை கையாள்வதற்கு தெரிந்திருக்கும். ஒரு சிலர் பிறரிடம் தனது கஷ்டங்களை பகிர்ந்துகொள்வார்கள். சிலர் வேறு ஏதேனும் வேலைகளில் தங்களை ஈடுபடுத்திக்கொண்டு தங்களின் மன அழுத்தத்தில் வெளிப்படுவார்கள். அதுபோன்ற ஏதாவது ஒருமுறையை பின்பற்றி உங்கள் மனஅழுத்த்தை போக்கிக்கொள்ள வேண்டும். புரிந்துகொள்ளாமல் இருப்பதை தவிர்க்க வேண்டும். ஒருவரையொருவர் நன்றாக புரிந்துகொள்ள முயற்சிக்க வேண்டும். ஒருவரின் குழந்தையின்மை பிரச்னையில் புரிதல் என்பது மிக முக்கியமான ஒன்று.

தொடர்ந்து பேசுங்கள், தேவைப்படும்போது உதவி செய்யுங்கள்

தொடர்ந்து பேசுவதுதான ஆரோக்கியமான உறவுக்கு நல்லது. ஒவ்வொருவரிடமும் பேசி, உங்கள் உணர்வுகளை புரிய வைக்க முயற்சி செய்யுங்கள். அதே நேரத்தில் ஒருவர் தினமும் குழந்தையின்மை பிரச்னை குறித்து பேசிக்கொண்டிருந்தால் அதுவே மனஅழுத்ததை ஏற்படுத்தும் என்தையும் உணரவேண்டும். பகிர்ந்துகொள்வதிலும் ஒரே பிரச்னை இடம்பெறாமல் பார்த்துக்கொள்ளுங்கள். யாருக்கு உதவி தேவைப்பட்டாலும் இருவரில் ஒருவர் எப்போதும், ஒருவருக்கொருவர் ஆறுதலாய் இருக்க முயற்சி செய்யுங்கள். உங்கள் நண்பர்கள், உறவினர்களிடம் பேசுவதும் உங்களுக்கு தீர்வு தரும்.

அதிகம் சிரிக்க முயற்சி செய்யுங்கள்

எவ்வளவு மன அழுத்தம் ஏற்பட்டாலும் சிரிக்க முயற்சி செய்யுங்கள். உங்கள் உறவில் மகிழ்ச்சி எப்போதும் இருக்க வேண்டும். இருவரும் சேர்ந்து சிரிக்கும்போது மகிழ்ச்சி ஹார்மோன்கள் அதிகம் சுரக்கிறது. அது உங்களை இலகுவாக்குவதுடன், உங்களை நன்றாகவும் வைத்திருக்க உதவும். இது ஒரு கால கட்டம். இதற்கு ஒரு தீர்வு விரைவில் கிடைக்கும் என்பதை மனதில் வைத்துக்கொள்ளுங்கள். நம்பிக்கையுடனும், அன்புடனும், ஒருவருக்கொருவர் ஆதரவுடனும் நடந்துகொள்ளுங்கள். உங்களிடையே மகிழ்ச்சி வருவதை உணருங்கள். அனைத்தையும் கடந்து நம்பிக்கை கொள்ளுங்கள். உங்களின் பிரச்னைகளுக்கு தீர்வு உண்டு என்று.