Ragi Puttu : ருசித்து ரசித்து சாப்பிடத்தூண்டும் ராகிப்புட்டு! நெய், தேங்காய், நாட்டுச்சர்க்கரையுடன் சுவை அள்ளும்!

தேங்காய் துருவல் – ஒரு கப்

உப்பு – சிறிதளவு

நாட்டுச்சர்க்கரை – தேவையான அளவு

செய்முறை

கடாயை அடுப்பில் வைத்து சூடாக்கி ராகி மாவை ஈரப்பதம் போகும் வரை வறுத்து எடுத்துக்கொள்ளவேண்டும். அதன் ஈரப்பதம் போன பின்னர் எடுத்து ஒரு பெரிய தட்டில் சேர்க்கவேண்டும்.

தண்ணீரை சூடாக்கி அதில் சிறிது உப்பு சேர்த்து, இந்த மாவில் லேசாக தெளித்து கட்டியாகாமல் கலந்துவிடவேண்டும். இதை இட்லி பாத்திரம் அல்லது நீங்கள் வேக வைக்க நவீன பாத்திரங்கள் வைத்திருந்தால் அதில் வைத்து வேகவைத்துக்கொள்ளலாம் அல்லது புட்டு குடத்திலும் வைத்து வேக வைத்துக்கொள்ளலாம். வேகவைக்கும்போது சிறிது தேங்காய் சேர்த்து வேகவைக்கவேண்டும்.

வெந்த எடுத்தபின்னர், அதில் தேங்காய்ப்பூ நாட்டுச்சர்க்கரை தூவி சாப்பிடலாம். புட்டு சாப்பிடும்போது வாழைப்பழத்தை சேர்த்துக்கொள்ளவேண்டும். ஏனெனில் புட்டு சிறிது ட்ரையான உணவு என்பதால் சாப்பிடும்போது தொண்டையை அடைப்பது போன்ற உணர்வை ஏற்படுத்தும். எனவே அதை தடுத்து வாழைப்பழம் இலகுவாக்கித்தரும்.

கேரளாவில் புட்டுடன் கடலைக்கறி அல்லது பாசிபருப்பு கறி பரிமாறப்படும். அப்பளம், தேன் கலந்தும் சிலர் உட்கொள்கிறார்கள். குருமா அல்லது காய்கறி ஸ்டூவுடனும் சேர்த்து சாப்பிட சுவை அள்ளும். ஆனால் இனிப்பாக சாப்பிடும் சுவை மிகவும் அலாதியானது.

ராகியில் உள்ள சத்துக்கள் மற்றும் நன்மைகள்

100 கிராம் ராகியில் 320 கலோரிகள் உள்ளன. புரதச்சத்து 7 கிராம் உள்ளது. கார்போட்ரேட் சத்துக்கள் 67 கிராம் உள்ளது. நார்ச்சத்து 11 கிராம் உள்ளது. கால்சிய சத்து 364 மில்லி கிராம் உள்ளது. இரும்புச்சத்து 4.62 மில்லி கிராம் உள்ளது. சிறுதானிய வகைகளுள் ஒன்றான ராகி பிங்கர் மில்லட் என்று ஆங்கிலத்தில் அழைக்கப்படுகிறது. ஊட்டச்சத்துக்கள் நிறைந்த ஆரோக்கியமான தானியம். அதில் உள்ள சத்துக்களை தெரிந்துகொள்ளுங்கள். நீங்கள் சைவ உணவுப்பிரியர் என்றால் கேழ்வரகு சிறந்த புரதச்சத்தை வழங்குகிறது. இதை நீங்கள் தினசரி உணவிலும் சேர்த்துக்கொள்ளலாம். இது சுவை நிறைந்ததும் கூட ஆகும். உங்கள் உடலுக்கு தேவையான கால்சியத்தை தருகிறது.