பார்த்தாலே நாக்கில் எச்சில் ஊறும் ருசியில் பெப்பர் சிக்கன் வறுவல்.. இப்படி ஒரு முறை செய்து கொடுங்க.. அடிக்கடி கேட்பாங்க!

மிளகாய் பொடியுடன் சிக்கன் வறுவல் செய்முறைக்கு தேவையான பொருட்கள்

சிக்கன் - அரைக்கிலோ

கறிவேப்பிலை - கொத்து

வெங்காயம் - 2

இஞ்சி பூண்டு விழுது - ஒரு ஸ்பூன்

பூண்டு பல் - எட்டு

கடுகு - அரை ஸ்பூன்

எலுமிச்சை சாறு - ஒரு ஸ்பூன்

மஞ்சள்தூள் - சிட்டிகை

மிளகாய் தூள் - ஒரு ஸ்பூன்

கொத்தமல்லி தூள் - இரண்டு ஸ்பூன்

நெய் - ஒரு ஸ்பூன்

உப்பு - சுவைக்க

இலவங்கப்பட்டை - சிறிய துண்டு

சீரகம் - ஒரு ஸ்பூன்

சோம்பு - ஒரு ஸ்பூன்

மிளகு - இரண்டு ஸ்பூன்

மராத்தி மொட்டு - ஒன்று

கொத்தமல்லி தூள் - ஒரு ஸ்பூன்

கிராம்பு - மூன்று

ஏலக்காய் - மூன்று

அன்னாச்சி மலர் - ஒன்று

பெப்ர் சிக்கன் ஃப்ரை செய்முறை

1. சிக்கன் வறுவல் செய்வதற்கு முன், மிளகு மசாலா தூள் தயார் செய்யவும்.

2. இதற்கு அடுப்பை சிம்மில் வைத்து கொத்தமல்லி, சீரகம், மராத்தி மொட்டு, சோம்பு, ஏலக்காய், கிராம்பு, மிளகு, சீரகம் ஆகியவற்றை வறுக்கவும்.

3. இவற்றை மிக்ஸியில் போட்டு அரைக்கவும். அவ்வளவுதான் மிளகு மசாலா தூள் ரெடி.

4. இப்போது அதே கடாயில் கடுகு, உளுந்து, பூண்டு கறிவேப்பிலை சேர்த்து வதக்கவும்.

5. வெங்காய விழுது சேர்த்து அனைத்தையும் வதக்கவும்.

6. அதன் பிறகு இஞ்சி பூண்டு விழுது சேர்த்து நன்கு கலக்கவும்.

7. இப்போது சிக்கன் சேர்த்து உப்பு தூவி மூடி வைக்கவும்.

8. சிக்கனில் உள்ள தண்ணீர் வடிந்து கோழி நன்றாக வேகும்.

9. அந்த நேரத்தில் மிளகாய் மற்றும் மஞ்சள் சேர்த்து நன்கு கலக்கவும்.

10. பிறகு தயார் செய்து வைத்துள்ள மசாலா தூள் சேர்த்து நன்கு கலந்து அரை மணி நேரம் குறைந்த தீயில் வேக வைக்கவும்.

11. தண்ணீர் அனைத்தும் உறிஞ்சப்பட்டு கோழியை நன்றாக வறுக்க வேண்டும்.

12. பிறகு எலுமிச்சை சாறு தெளித்து அடுப்பை மூடி வைக்க வேண்டும்.

13. அவ்வளவுதான், சுவையான சிக்கன் பெப்பர் ஃப்ரை ரெடி.

14. மிளகாய் தூள் கொண்டு செய்யப்படும் இந்த சிக்கன் ரெசிபி சுவையாக இருக்கும்.

15. மேலே கொத்தமல்லி தூவி, இறக்கினால் சுவை அட்டகாசமாக இருக்கும்

16. அடுப்பை அணைக்கும் முன் ஒரு ஸ்பூன் நெய் சேர்த்து நன்கு கலக்கவும். இது சுவையை இரட்டிப்பாக்கும்.

சிக்கன் பெப்பர் ஃப்ரை செய்யும் வழிகளில் ஒன்று. இதற்கு மிளகு மசாலா பொடியை முன்கூட்டியே தயார் செய்ய வேண்டும். வழக்கமான பெப்பர் சிக்கன் ஃப்ரையில் நேரடியாக மிளகுத் தூள் சேர்க்கப்படுகிறது. இரண்டிலும் சுவை சற்று வித்தியாசமானது. இங்கு குறிப்பிடப்பட்டுள்ள சிக்கன் ஃப்ரை அதிக சுவையுடன் இருக்கும். குறிப்பாக இதில் நாம் பயன்படுத்தும் அனைத்தும் ஆரோக்கியத்திற்கு நல்லது. சிக்கனில் உள்ள லீன் புரோட்டீன் நமக்கு இன்றியமையாதது. மேலும் மிளகில் உள்ள சத்துக்களும் நமக்குத் தேவை. அப்பறம் என்ன சிக்கன் பெப்பர் ஃப்ரை செய்து அசத்துங்கள்.