Chettinad Cuisine: செட்டிநாடு ஸ்பெஷல் ஸ்நாக்ஸ் காரமான ரிப்பன் பக்கோடா

செய்முறை பற்றி தெரிந்து கொள்ளுங்கள்.

பக்கோடாக்களில் பல வகைகள் உள்ளன. கடலை மாவு பக்கோடா, வெங்காய பக்கோடா, தூள் பக்கோடா, கீரை பக்கோடா என உள்ளன. இதில் செட்டிநாட்டுப் பகுதிகளில் மக்கள் ரிப்பன் பக்கோடா செய்வார்கள். இது நல்ல வாசனையாகவும், ருசியாகவும் இருக்கும்.

ரிப்பன் பக்கோடா செய்யத் தேவையான பொருட்கள்-

கம்பு மாவு - 1 கப்

அரிசி மாவு - கால் கப்

கடலை மாவு - கால் கப்

வெண்ணெய் - 1 டேபிள்ஸ்பூன்

எள்ளு - அரை டீஸ்பூன்

சிவப்பு மிளகாய் தூள் - அரை டீஸ்பூன்

உப்பு - தேவைக்கேற்ப

தண்ணீர் - அரை கப்

எண்ணெய் - பொறிக்க

பெருங்காயத் தூள் - சிறிதளவு

ரிப்பன் பக்கோடா செய்முறை-

ஒரு பாத்திரத்தில் கம்பு மாவு , அரிசி மாவு, கடலை மாவு, சிவப்பு மிளகாய் தூள், எள், உருகிய வெண்ணெய், 1 தேக்கரண்டி சூடான எண்ணெய் மற்றும் உப்பு சேர்க்கவும். எல்லாவற்றையும் ஒன்றாக கலந்து அரை கப் தண்ணீரை படிப்படியாக சேர்த்து மாவாக பிசையவும்.

ரிப்பன் பக்கோடா செய்ய இந்த வடிவில் இருக்கும் முறுக்கு அச்சைப் பயன்படுத்தவும்.

வானலியில் எண்ணெய் சூடாக்கவும். முறுக்கை தயாரிப்பதற்கு முன் எண்ணெய் சூடாக இருக்கிறதா என்று சரிபார்த்துக்கொள்ளுங்கள்.

அச்சில் மாவை வைத்து நங்கு அழுத்தவும். மாவை எண்ணெயில் விட்டவுடன் அது குமிழ ஆரம்பிக்கும். மேலும் முறுக்கு சமைக்கப்பட்டவுடன் அது குறைந்துவிடும்.

ஒரு பக்கம் முடிந்ததும் முறுக்கை புரட்டி, மறுபக்கமும் சமைக்கவும். பொன்னிறம் ஆனதும் ரிப்பன் பக்கோடாவை எடுத்திடுங்கள். அதிகப்படியான எண்ணெயை வடிகட்ட காகித துண்டுடன் ஒரு தட்டுக்கு மாற்றவும். காற்று புகாத டப்பாக்களில் சேமித்து வைத்தால் ஒரு வாரம் வரை நன்றாக இருக்கும்.