தமிழ் செய்திகள்  /  Lifestyle  /  From Common Cold To Dry Skin, Take These Food Items Have Cure For It All

Healthy Foods: சளி முதல் வறண்ட தோல் வரை..! பல்வேறு பாதிப்புகளை குணமாக்கும் உணவுகள்

Muthu Vinayagam Kosalairaman HT Tamil
Feb 09, 2024 08:15 AM IST

உங்கள் அன்றாட உணவோடு சில சத்துமிக்க சில உணவுகளை சேர்த்து வருவதன் மூலம் பல்வேறு உடல்நல பாதிப்புகள் குணமாவதுடன், ஆரோக்கிய நன்மைகளையும் பெறலாம்.

உடல் ஆரோக்கியத்துக்கு நன்மை தரும் உணவுகள்
உடல் ஆரோக்கியத்துக்கு நன்மை தரும் உணவுகள்

ட்ரெண்டிங் செய்திகள்

குளிர்காலம், கோடைகாலம் என எந்த காலமாக இருந்தாலும் நார்ச்சத்து அதிகம் நிறைந்த உணவுகள் அதிகம் சாப்பிட வேண்டும் என்று மருத்துவர்களால் அறிவுறுத்தப்படுகிறது. அதன்படி பழங்கள், கீரைகள், ஓட்ஸ், பார்லே, பிரவுன் அரிசி, பாஜ்ரா உள்ளிட்டவற்றை உங்களது உணவுமுறையில் சேர்த்துக்கொள்ளலாம்.

இருமல் உண்டாவது ஏன்?

இருமல் பாதிப்பு நுரையீரலை பாதுகாக்க நிகழும் இயற்கை நிகழ்வாகவே பார்க்கப்படுகிறது. நுரையீரல் பாதையல் கிருமிகள், புகையின் காரணமாக ஏற்படும் அரிப்புகளை போக்க இருமல் உண்டாவதாக கூறப்படுகிறது. இதன் மூலம் நோய் தொற்று ஏற்படுவதும் தடுக்கப்படுகிறது.

இருமல் சளி இருக்கும்போது ஏற்படும். இருமல் வரும்போது சளியும் வெளியேறும். சளி வைரல் கிருமி காரணமாக ஏற்படுகிறது.

வறட்டு இருமல் வருவதற்கு காரணமாக தூசி, புகை, ஆஸ்துமா, புகைப்பிடித்தல் போன்றவை உள்ளன. வறட்டு இருமல் வரும்போது சளி வெளியேறாது. சில சமயங்களில் நாம் உட்கொள்ளும் மருத்துகள் பக்க விளைவு காரணமாக கூட வறட்டு இருமல் வரலாம்.

இருமல் குணமாக சித்தரத்தையுடன், உலர் திராட்சையே சேர்த்து கஷாயமாக காய்ச்சி குடிக்கலாம். சளி குணமாக தூதுவாளை கீரையுடன் சீரகம், பூண்டு, மிளகு, மஞ்சள் ஆகியவற்றை நீரில் சேர்த்து கொதிக்க வைத்து ஆறிய பின் வடிகட்டி பருகலாம்.

நெல்லிக்காய் சாறில், மிளகு தூள், தேன் ஆகியவற்ற சேர்த்து குடித்து வந்தால் சளி, மூக்கடைப்பு குணமாகும். மஞ்சள் தூள் உடன் பூண்டை நசுக்கி உச்சந்தலையில் தேய்த்து கொண்டால் சளி பிடிக்காது. வறட்டு இருமல் குணமாக மிளகுடன் சம அளவில் உடைந்த கடலை சேர்த்து பொடி செய்து பனங்கற்கண்டு கலந்து சாப்பிடலாம். இது வறட்டு இருமல், புகைச்சலுக்கு உடனடி தீர்வாக இருக்கும்.

உணவே மருந்து

நாள்தோறும் பால், பருப்பு வகைகள், சோயா பீன்ஸ், முட்டை வெள்ளைக்கரு, சிக்கன், மீன் உள்ளிட்ட புரதம் நிறைந்த உணவுகள் சேர்த்துக்கொள்வதன் மூலம் பல்வேறு நோய் பாதிப்புகள் ஏற்படுவதை தவிர்க்கலாம்.

ஒமேகா 3 கொழுப்பு அமிலங்கள் நிறைந்த மீன், குறிப்பாக எண்ணெய் நிறை மீன்களான மத்தி, கானாங்கெளுத்தி, டுனா, சாலமன் உள்ளிட்டவற்றையும், பாதாம், வால்நட், ஆளி விதைகள் போன்றவற்றையும் சாப்பிடலாம். இவை உடலிலுள்ள கெட்ட கொழுப்புகளை குறைத்து. கட்டுப்பாட்டுக்கள் வைக்க உதவுகிறது.

ஒற்றை நிறைவுற்ற கொழுப்புகள் அல்லது டிரான்ஸ் கொழுப்புகள் நிறைந்த உணவுகளான கேக், பாஸ்தரிக்கள், பொறித்த உணவுகள், சிவப்பு இறைச்சிகள், நெய், வெண்ணெய் உள்ளிட்டவற்றை அளவாக எடுத்துக்கொள்ள வேண்டும்.

உடலுக்கு கொழுப்புகள் அத்தியாவசியமானவையாக உள்ளது. இதனால் நெய், கொட்டைகள், முட்டை உள்ளிட்ட கொழுப்பு நிறைந்த உணவுகளை அளவாக சாப்பிடுவதன் மூலம் தோல்களின் ஆரோக்கியம் பராமரிக்கப்படும்.

சமையலின்போது நாம் கடைப்பிடிக்கும் சில வழிமுறைகளை மாற்றிக்கொள்ள வேண்டும். பொறித்த உணவுகளுக்கு பதிலாக பேக் செய்யப்பட வேண்டும். அதேபோல் கிரில், வேகவைக்கப்படும் உணவுகளும் உடலுக்கு நன்மைகளை தரும். எந்த உணவாக இருந்தாலும் உப்பு அதிக அளவு பயன்படுத்தகூடாது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel

டாபிக்ஸ்