Dry Cough Home Remedy : வறட்டு இருமலை விரட்ட வேண்டுமா? இந்த பொடியை சூடான சாதத்தில் பிசைந்து சாப்பிட்டுப்பாருங்கள்!

மூச்சுக்குழாய் வீக்கம்

தொண்டை கரகரப்பு

கேஸ்ட்ரோஈசோபாஜல் ரிப்ளக்ஸ்

மருந்துகள் ஏற்படுத்தும் பக்கவிளைவுகள்

குறிப்பாக உயர் ரத்த அழுத்த மருந்துகள் ஏற்படுத்தும் பக்கவிளைவுகள்

மூக்கின் உள்புறத்தில் வீக்கம்

உள் நாக்கு வளர்ச்சி

நிமோனியா

புகைத்தல்

குரல்வளையில் பிரச்னை

நாள்பட்ட வறட்டு இருமலால் ஏற்படும் பிரச்னைகள்

சில நேரங்களில் வறட்டு இருமல் கூட உயிருக்கு ஆபத்தை ஏற்படுத்தும் நோயாக மாறும் வாய்ப்பு உண்டு. எனவே நாள்பட்ட வறட்டு இருமல் ஏற்பட்டால், நீங்கள் உடனடியாக மருத்துவரை அணுகுவதே சிறந்தது.

இதயம் செயலிழப்பு, சிஸ்டிக் ஃபைப்ரோசிஸ், நாள்பட்ட நுரையீரல் தொற்று, நுரையீரல் புற்றுநோய், உறக்க கோளாறுகள், காசநோய் போன்ற ஆபத்துக்களை ஏற்படுத்தும்.

பொதுவாக வறட்டு இருமல் வரும்போது செய்யவேண்டியவை

அதிகமாக தண்ணீர் பருகவேண்டும்.

இருமல் மருந்துகள் அல்லது மாத்திரைகள் உட்கொள்ளவேண்டும்.

தேன் பருக்வேண்டும்.

வறட்டு இருமலை தவிர்க்க

வேதிப்பொருட்கள், மணமூட்டிகள், அலர்ஜி மற்றும் எரிச்சலை ஏற்படுத்தும் மணங்களை முகங்களை நுகர்ந்து பார்க்கக்கூடாது.

கைகளை கழுவுங்கள், நல்ல சுகாதார பழக்கங்களை கற்றுக்கொள்ளுங்கள். சுவாச கோளாறுகள் அடிக்கடி ஏற்படாமல் தடுத்துக்கொள்ளுங்கள்.

புகைத்தலை நிறுத்தவேண்டும். புகைப்பிடிப்பவருட்ன் இருப்பதையும் குறைக்கவேண்டும்.

எப்போது மருத்துவரை அணுகவேண்டும்?

இருமும்போது ரத்தம் வந்தால், மூச்சு விடுவதில் சிரமம், மேல் மூச்சு வாங்குவது, சோர்வு, குளிர், காய்ச்சல், நெஞ்சுவலி ஏற்பட்டால் உடனே மருத்துவரை அணுகவேண்டும்.

ஆனால் தீவிரமாக இல்லாதபோது உங்களுக்கு சில வீட்டு குறிப்புகளே உதவும் அவை என்னவென்று தெரிந்துகொள்ளுங்கள்.

அறிகுறிகள் மிதமாக இருக்கும்போதே, நீங்கள் இந்தப்பொடியை மட்டும் சூடான சாதத்தில் சேர்த்து பிசைந்து சாப்பிடவேண்டும். உங்களின் வறட்டு இருமல் குணமாகும்.

தேவையான பொருட்கள்

பொட்டுக்கடலை – 100 கிராம்

மிளகு – 30

சீரகம் – ஒரு ஸ்பூன்

செய்முறை

மூன்றையும் தனித்தனியாக சிறிது நேரம் வறுத்துக்கொள்ளவேண்டும். சிறிது நேரம் வறுத்தாலே மணம் வீசும். அது மட்டுமே போதும். இறக்கிக்கொள்ளலாம். இதை ஆறவைத்து காய்ந்த மிக்ஸி ஜாரில் சேர்த்து பொடித்து வைத்துக்கொள்ளவேண்டும்.

இந்தப்பொடியை தினமும் சூடான சாதத்தில் சிறிது நல்லெண்ணெய் அல்லது நெய்யுடன் சேர்த்து சாப்பிட வறட்டு இருமல் குணமாகிவிடும். உங்களுக்கு தேவையான அளவு மூன்று முதல் 5 நாட்கள் வரை இதை சாப்பிடலாம் அல்லது வறட்டு இருமல் ஏற்படும்போதெல்லாம் சாப்பிடலாம்.

இதை எப்போதும் குழந்தைகளுக்கு சாப்பிட கொடுக்கலாம். பக்கவிளைவுகள் எதுவும் ஏற்படாது. இது உங்கள் குழந்தைகளுக்கு இருமல் இருந்தாலும் போக்கும் அல்லது நோய் எதிர்ப்பைத்தரும். 

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.