'பிரேவ் ஹார்ட், லார்ட் ஆஃப் தி ரிங்ஸ் போன்ற ஒன்றை உருவாக்க விரும்பினோம்’: கங்குவா படம் குறித்து சூர்யா பளீச் பதில்

சூர்யா அளித்த பேட்டி:

இதுதொடர்பாக நடிகர் சூர்யா அளித்த சமீபத்திய பேட்டியொன்றில்,"'பிரேவ் ஹார்ட்', 'லார்ட் ஆஃப் தி ரிங்ஸ்', ‘கேம் ஆஃப் த்ரோன்ஸ்’, 'அபோகலிப்டா' போன்ற படங்களை நாம் விரும்பியுள்ளோம். நாம் அவர்களால் மயக்கப்பட்டு பலமுறை அந்தப் படத்தைப் பார்த்திருக்கிறோம். 'எப்போது இப்படியொரு படங்கள் பண்ணப் போறோம்?' என்ற எண்ணம் இருந்தது.

இயக்குநர் சிவா இந்த யோசனையைக் கொண்டு வந்தார். நாம் சில 100 ஆண்டுகள் பின்னோக்கிச் சென்றால் என்ன? நம் மக்கள் இப்படிப்பட்ட வாழ்க்கையை வாழ்ந்து, சிக்கலான சூழ்நிலையில் இருந்தால் என்ன நடக்கும்? அதை கற்பனை செய்து பார்ப்போம் எனத்தோன்றியது, அதனால்தான் இந்த முழுத்திரைப்படமும் உருவானது" என்று நடிகர் சூர்யா கூறினார்.

இயக்குநர் சிவா பற்றி பேசிய சூர்யா:

மேலும்"கங்குவா" படத்தின் டைட்டில் கதாபாத்திரத்தில் நடித்த சூர்யா இந்தப் படம் பற்றி கூறியதாவது, "இயக்குநர் சிவா கிரீன்மேட் ஷாட்களில் அற்புதமாக இயக்குகிறார். ஒரு கதையை விஷுவலாக சொல்வதில் அவர் மிகவும் திறமைசாலி. அவர் மக்களின் உணர்வுகளை தன் படங்களில் பிரதிபலிக்க முயற்சிப்பார். எனவே அனைத்தும் சேர்ந்து தான் 'கங்குவா' " என்று சூர்யா மேலும் கூறினார்.

2023ஆம் ஆண்டின் வெற்றிப் படமான "அனிமல்" திரைப்படத்துக்குப் பிறகு பாபி தியோல் நடித்து வெளியாகும் முதல் சினிமா இதுவாகும். அனிமல் படத்தில் வில்லனாக நடித்ததற்காக பாபி தியோல், சமீபத்தில் IIFA விருது வென்றார். இந்நிலையில் 'கங்குவா' படத்தில் உதிரன் என்ற வில்லனாக பாபி தியோல் நடித்திருக்கிறார்.

நான் சூர்யாவின் தீவிர ரசிகன் - பாபி தியோல்!

கங்குவா தொடர்பாக பாபி தியோல் பேசுகையில், "வில்லனாக நடிக்கும் கதாபாத்திரங்கள் நிறைய உள்ளன. கதையும் திரைக்கதையும் சுவாரஸ்யமாக இருப்பது அதைவிட முக்கியம். கதை சுவாரஸ்யமாக இல்லாவிட்டால், நீங்கள் படத்தின் வில்லனாகவோ அல்லது முக்கிய கதாநாயகனாகவோ நடித்தாலும் அதை யாரும் ரசிக்கமாட்டார்கள். ஏனென்றால் அது உங்களுக்கு எதையும் கொடுக்காது அல்லது ஒரு நடிகராக உங்களை திருப்திப்படுத்தாது.

நான் சூர்யாவின் தீவிர ரசிகன். சிவாவை எனக்கு அவ்வளவு நன்றாகத் தெரியாது. நான் அவரை சந்தித்தபோது, 'சார் நீங்கள் படப்பிடிப்பு தளத்திற்கு வரும்போது, நீங்கள் மிகவும் மகிழ்ச்சியாக இருப்பீர்கள்' என்று என்னிடம் உறுதியளித்தார். ஒரு செட்டில் நான் இவ்வளவு மகிழ்ச்சியாக இருந்ததில்லை. சிவா ஒரு டெடி பியர் போன்றவர், மிகவும் இனிமையானவர். நீங்கள் நிறைய வரலாற்றுப் படங்களைப் பார்க்கிறீர்கள். ஆனால் இது உங்களை வேறு உலகத்திற்கு அழைத்துச் செல்லும். இதுபோன்ற ஒன்றை உருவாக்குவது ஒரு பெரிய பணி.

’இனி பான் இந்தியப் படம் தான்’

உங்களுக்கு மொழி தெரியாதபோது இது மிகவும் கடினம். என்ன சித்தரிக்க முயற்சிக்கிறார்கள் என்பதைப் புரிந்து கொள்ள வேண்டும். சிவா அப்படி ஒரு நடிகரின் இயக்குநர். நாங்கள் செட்டில் இருந்தபோது அவர் அருகில் இருப்பது ஆச்சரியமாக இருந்தது. நான் நடித்த ஒவ்வொரு காட்சியிலும் அவர் என்னை வழிநடத்தினார்" என பாபி தியோல் மேலும் தெரிவித்தார்.

அதேபோல், ‘’ எத்தனையோ மொழிகள் இருக்கின்றன. தென்னிந்திய சினிமா, இந்தி சினிமா மற்றும் நம் நாட்டின் பிற பகுதிகளிலிருந்து தயாரிக்கப்பட்ட சிறந்த படங்கள் உள்ளன. ஆனால் இப்போது காலம் மாறிவிட்டது, உலகம் சிறியதாகிவிட்டது. இந்தியாவில் என்ன மாதிரியான திரைப்படங்கள் தயாரிக்கப்படுகின்றன என்பது குறித்து மக்கள் அதிக விழிப்புணர்வு பெற்றுள்ளனர். இனி அது 'இந்தி படம்' போலவோ, 'தமிழ் படம்' போலவோ இல்லாமல் இருப்பது மகிழ்ச்சி அளிக்கிறது. இது பான்-இந்திய படமாக மாறியுள்ளது'’ என பாபி தியோல் கூறினார்.

மொழி தெரியாமல் நடித்தது இப்படி தான் - திஷா பதானி

"கங்குவா" படத்தில் நடித்த அனுபவத்தைப் பேசிய திஷா பதானி, "நான் சிவா சாரை முதன்முதலில் சந்தித்தபோது, 'எனது நடிகர்கள் செட்டில் மகிழ்ச்சியாக இருப்பதைப் பார்க்க விரும்புகிறேன்' என்று அவர் கூறினார். தமிழில் உள்ள வரிகளைப் பற்றி நான் மிகவும் நினைத்துப் பார்த்து பதற்றத்துடன் இருந்தேன். மொழிகளைக் கற்றுக்கொள்வதில் நான் மிகவும் சிறந்தவள் அல்ல. ஆனால் அவர் அங்கேயே இருந்தார். என் கையைப் பிடித்து, ஒவ்வொரு சிறிய காட்சியிலும் சொல்லிக்கொடுத்து என்னை நடிக்க வைத்தார்.

ஞானவேல் சார் என்ன வேணும்னாலும் பண்ணிக்கோங்க, நாங்க குடும்பம் மாதிரி என்றார். சூர்யா சார் மிகவும் இனிமையானவர், ஒவ்வொரு நாளும் அவர் என் முன் நடிப்பதைப் பார்ப்பது மிகவும் ஊக்கமளித்தது. பாபி சாரும் நானும் படப்பிடிப்பை மிகவும் ரசித்தோம்," என்று அவர் கூறினார்.

ரூ.350 கோடி பட்ஜெட்டில் உருவான 'கங்குவா' படத்தை கே.ஈ.ஞானவேல்ராஜா, வி.வம்சி கிருஷ்ணா ரெட்டி, பிரமோத் உப்பலபதி ஆகியோர் தயாரித்திருக்கின்றனர். இதை UV கிரியேஷன்ஸ் மற்றும் ஸ்டுடியோ கிரீன் தங்கள் பேனர்களின் கீழ் உருவாக்கியுள்ளன.

'தங்கலான்', 'மெட்ராஸ்' ஆகியப் படங்களை தயாரித்த ஞானவேல்ராஜா, இயக்குநர் சிவா மீது வைத்துள்ள நம்பிக்கையின் அடிப்படையில் ஒரு படத்தின் பட்ஜெட்டை முடிவு செய்வதாகக் கூறினார்.

தயாரிப்பாளர் கே.இ.ஞானவேல் ராஜா பேச்சு:

இதுதொடர்பாகப் பேசிய கே.இ.ஞானவேல் ராஜா கூறுகையில், "நாங்கள் ஸ்கிரிப்டை இறுதி செய்த நிமிடம். இது கொஞ்சம் விலை உயர்ந்ததாக இருக்கும் என்று எங்கள் அனைவருக்கும் தெரியும். எனவே, ஸ்கிரிப்டை நியாயப்படுத்த படத்திற்கு இந்த பட்ஜெட்டை செய்ய வேண்டும் என்று நாங்கள் மனதளவில் தயாராக இருந்தோம். ஸ்கிரிப்ட் தான் பட்ஜெட்டை கோரியது.

பார்வையாளர்கள் எப்போதும் திரைப்படத் தயாரிப்பாளர்களை விட முன்னணியில் யோசிக்கின்றனர். நாம் அவர்களைப் பிடிக்க வேண்டும். சாகசமாக இருக்க விரும்பும் எவரும் வரவேற்கப்படுவார்கள், ஏற்றுக்கொள்ளப்படுவார்கள். எனவே, நாம் எப்போது தயாராக இருக்கிறோம், எவ்வளவு தூரம் நம்மைத் தள்ளுகிறோம் என்பதைப் பற்றியது. எனக்கு 27 ஆண்டுகள் ஆகிவிட்டன, நாங்கள் எல்லைகளைத் தாண்டி படம் எடுக்க விரும்புகிறோம். அதனால்தான் 'கங்குவா' திரைப்படம் உருவானது,"என்று அவர் கூறினார்.