SJ Surya:‘லாரி மட்டும் நேரா வந்திருந்தா’; எஸ்.ஜே.சூர்யா சொன்ன அதிர்ச்சி தகவல்!

அதன் ஒரு பகுதியாக அண்மையில் லாரி ஒன்று சுவரை உடைத்து வருபவது போன்ற காட்சி படமாக்கப்பட்டு கொண்டிருந்த நிலையில், அந்த லாரி தனது கட்டுப்பாட்டை இழந்து நிற்காமல் ஓடியது. இந்த விபத்தில் நடிகர் விஷால் மற்றும் எஸ்.ஜே.சூர்யா ஆகியோர் நூலிழையில் உயிர் தப்பினார். இது தொடர்பான வீடியோ நேற்று சமூகவலைதளங்களில் வெளியாகி பரபரப்பை ஏற்படுத்தியது. இந்த நிலையில் நடிகர் எஸ்.ஜே.சூர்யா ஷூட்டிங் ஸ்பாட்டில் நடந்தது என்ன என்பது குறித்து தன்னுடைய ட்விட்டர் பக்கத்தில் குறிப்பிட்டு இருக்கிறார்.

இது குறித்து அவர் பதிவிட்டுள்ள ட்விட்டர் பதிவில், “ கடவுளே உனக்கு உண்மையிலேயே நன்றியை தெரிவித்துக்கொள்கிறோம். நொடிப்பொழுதில் உயிர் தப்பினோம். படப்பிடிப்பில் லாரியானது நேராக வருவதிற்கு பதிலாக கொஞ்சம் குறுக்காக வந்து விபத்து ஏற்பட்டு விட்டது. லாரி மட்டும் நேராக வந்திருந்தால் நாங்கள் இருவரும் இப்போது ட்வீட் செய்து கொண்டிருக்க மாட்டோம். கடவுளுக்கு நன்றி, நாங்கள் அனைவரும் தப்பித்துவிட்டோம்” என்று குறிப்பிட்டு இருக்கிறார்.

முன்னதாக விஷால் தனது ட்விட்டர் பக்கத்தில், “ சில நொடிகளில்.. சில அங்குலத்தில் எனது வாழ்வு காப்பற்றப்பட்டு இருக்கிறது. கடவுளுக்கு நன்றி.. மீண்டும் படப்பிடிப்பில்” என்று அவர் பதிவிட்டு இருந்தார். ரித்து வர்மா கதாநாயகியாக நடித்து வரும் இந்தப்படத்திற்கு ஜிவி பிரகாஷ்குமார் இசையமைத்து வருவது குறிப்பிடத்தக்கது.