Top cooku Dupe Cooku: மணிமேகலை.. சூசகமாக தகவலளித்த வெங்கடேஷ் பட்.. என்ன செய்கிறது சன் டிவி?
Top cooku Dupe Cooku: சன் டிவியின் டாப்பு குக்கு டூப்பு குக்கு நிகழ்ச்சி வெற்றிகரமான முடிந்த நிலையில், அதன் அடுத்த சீசன் குறித்து சூசகமான பதிலை அளித்துள்ளார் வெங்கடேஷ் பட். இந்த பதிலால் பல வதந்திகள் உலா வந்த வண்ணமே உள்ளன.
சன் டிவியில் ஒளிபரப்பாகி வந்த டாப் குக்கு டூப் குக்கு நிகழ்ச்சியின் 2ம் பாகம் விரைவில் தொடங்கும் எனவும், அந்த நிகழ்ச்சிக்கு குக் வித் கோமாளியிலிந்து வெளியேறிய மணிமேகலை தொகுப்பாளராக வர வாய்ப்புள்ளது எனவும் தகவல்கள் கசிந்த வண்ணம் உள்ளது.
குக் வித் கோமாளியில் பிரச்சனை
விஜய் டிவியின் பிரபலமான ரியாலிட்டி ஷோவாக இருந்தது குக் வித் கோமாளி. இந்த நிகழ்ச்சியை மீடியா மேசன் நிறுவனம் தயாரித்து வந்தது. ஆனால், இந்த நிறுவனத்திற்கும் விஜய் டிவிக்கும் நடுவில் 4வது சீசனின் போது பல கருத்து வேறுபாடுகள் ஏற்பட்டது. இது நிகழ்ச்சியிலும் சிறிதளவு பிரதிபலிக்கத் தொடங்கியது.
இதையடுத்து மீடியா மேசன் நிறுவனம் விஜய் டிவியை விட்டு வெளியேறியது. அத்தோடு நில்லாமல், அந்த நிகழ்ச்சியில் நடுவர்களாக இருந்த செஃப் தாமு மற்றும் வெங்கடேஷ் பட் இருவரும் விஜய் டிவிக்கு எதிராக கருத்துகளையும் சோசியல் மீடியாவில் பதிவிட்டனர். இதனால், இவர்கள் இருவரும் மீடியா மேசன் நிறுவனத்துடன் விஜய் டிவியை விட்டு வெளியேறுவார்கள் என நினைத்த சமயத்தில், செஃப் தாமு இந்த விவகாரத்தில் இருந்து பின் வாங்கினார். மேலும், விஜய் டிவி குறித்து பதிவிட்டிருந்த கருத்தையும் அவர் நீக்கினார். இதனால் தாமு மற்றும் வெங்கடேஷ் பட் இருவருக்கும் கருத்து வேறுபாடும் ஏற்பட்டது.