Vijay Antony: நான் வீழ்வேன் என்று நினைத்தாயோ - குட் நியூஸ் சொன்ன விஜய் ஆண்டனி!

இந்த விபத்தில் சுயநினைவை இழந்த விஜய் ஆண்டனி முகத்தில் கடுமையான காயம் ஏற்பட்டதோடு தாடை, பற்களும் உடைந்தன. உடனே மீட்டு முதலில் மலேசியாவில் உள்ள மருத்துவமனையில் அனுமதிக்கப்பட்ட விஜய் ஆண்டனி பின்னர் அங்கிருந்து சென்னையில் உள்ள பிரபல மருத்துவமனைக்கு கொண்டு வரப்பட்டார்.

அங்கு அவருக்கு சிகிச்சை அளிக்கப்பட்ட நிலையில், அறுவை சிகிச்சை செய்த பிறகு வீட்டுக்கு அனுப்பப்பட்டார். இதையடுத்து அவரை இரண்டு வாரம் ஓய்வில் இருக்குமாறு மருத்துவர்கள் அறிவுறுத்தியுள்ளார்கள்.

இது குறித்து அவர் வெளியிட்டுள்ள பதிவில், ”அன்பு இதயங்களே… நான் 90% குணமடைந்து விட்டேன். உடைந்த என் தாடை, மூக்கு எலும்புகள் ஒன்று சேர்ந்துவிட்டன.

என்னமோ தெரியவில்லை, நான் இப்போது முன்பை விட அதிக சந்தோஷத்தை உங்களால் உணருகிறேன். வரும் ஏப்ரல் மாதம் வெளியாகும் பிச்சைக்காரன் 2 பட வேலைகளை இன்று முதல் தொடங்குகிறேன். அன்புக்கு நன்றி” எனக் குறிப்பிட்டு உள்ளார். இவர் வெளியிட்ட பதிவால் விஜய் ஆண்டனி ரசிகர்கள் மகிழ்ச்சியில் உள்ளனர்.

முன்னதாக விஜய் ஆண்டனி தன் உடல்நிலை குறித்து பரவிய வதந்திகளுக்கு முற்றுப்புள்ளி வைக்கும் விதமாக, தம்ப்ஸ் அப் காண்பித்த படி ட்வீட் செய்து இருந்தார்.

அதில், ” எனக்கு மேலும் ஒரு பெரிய அறுவை சிகிச்சை இப்போது தான் முடிந்தது. கூடிய விரைவில் உங்கள் அனைவரிடமும் நான் பேசுகிறேன் ” என்றும் பதிவிட்டு இருந்தார்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.