கங்குவா கொடுத்த அடி.. இனிமே இந்தத் தப்ப மட்டும் பண்ணாத.. டைரக்டருக்கு டைட் கொடுத்த சூர்யா

இதனால் படம் பார்க்க வரும் ரசிகர்களின் எண்ணிக்கை பெருமளவு குறைந்து படம் மாபெரும் தோல்வியை சந்தித்தது. இதற்கு முக்கிய காரணமாக பர்க்கப்படுவது படத்திற்கு வைக்கப்பட்ட புரொமோஷன் நிகழ்ச்சிகள் தான். இதில் படம் குறித்து பல ஹைப்புகளை கொடுத்த நிலையில், ரசிகர்கள் பல எதிர்பார்ப்புகளுடன் தியேட்டருக்கு வந்து ஏமாந்து போயினர்.

கங்குவாவால் முக்கிய முடிவெடுத்த சூர்யா

இது சூர்யாவிற்கு பெரிய அடியாகவே இருந்தது. 2 ஆண்டுகளுக்குப் பின், சூர்யா கதாநாயகனாக நடித்த படம் வெளியாகி உள்ள சமயத்தில் இதுபோன்ற விமர்சனங்கள் அடுத்தடுத்து வெளியாகும் சூர்யாவின் படத்தையும் பெரிதாக பாதிக்கும் என நம்பப்படுகிறது. இதனால், சூர்யை சில முக்கிய முடிவுகளை எடுத்துள்ளதாகக் கூறப்படுகிறது.

கங்குவா திரைப்படத்தைத் தொடர்ந்து, நடிகர் சூர்யா- இயக்குநர் கார்த்திக் சுப்புராஜ் கூட்டணியில் உருவாகியுள்ள சூர்யா 44 திரைப்படம் வெளிவர இருக்கிறது. இந்தப் படத்தில் சூர்யாவிற்கு ஜோடியாக பூஜா ஹெக்டே நடிக்கிறார்.

பூஜா ஹெக்டே கொடுத்த ஹைப்

இவர் சமீபத்தில் சூர்யா 44 படத்தின் டப்பிங் பணிகளை முடித்துவிட்டு படம் குறித்த அறிவிப்பு ஒன்றையும் வெளியிட்டார். அதில், சூர்யா 44 படம், கார்த்திக் சுப்புராஜ் ஒரு காதல் படம் எடுத்தால் எப்படி இருக்குமோ அதுதான் தான் கதை எனக் கூறி படத்தின் மீதான ஹைப்பைக் கூட்டியிருந்தார்.

இந்நிலையில், கங்குவா கொடுத்த அடியால் ஆடிப் போயிருக்கும் சூர்யா, தனது அடுத்தப் படத்தில் சில தவறுகளை செய்யக் கூடாது என்பதில் உறுதியாக உள்ளார்.

கண்டீஷன் போட்ட சூர்யா

இதனால், கார்த்திக் சுப்புராஜுக்கு சில கண்டீஷன்களை கூறியுள்ளார் சூர்யா. அதன்படி, படத்தின் ஹைப்பை ஏற்றும் வகையில் எந்த செய்தியும் வெளியிடக் கூடாது. படத்தில் எடுக்கப்பட்ட காட்சிகளை வைத்து மட்டும் பட விழாக்களில் பேச வேண்டும். படத்தை எந்தக் காரணத்திற்காகவும் ஓவர் பில்டப்பாக பேசிவிடக்கூடாது என்பதில் தெளிவாக இருக்கிறார் என அவருக்கு நெருங்கிய வட்டாரங்கள் கூறி வருகின்றனர்.

இன்னும் பெயரிடப்படாத சூர்யா 44 படம் அடுத்த ஆண்டு ஏப்ரல் மாத்தில் திரைக்கு வர வாய்ப்புள்ளதாக கூறப்படும் நிலையில், சூர்யா கங்குவா கொடுத்த பாடத்தால் ஆஃப் ஆகி இருக்கிறார் எனவும் கூறுகின்றனர்.

கங்குவாவில் கைகோர்த்த மெகா கூட்டணி

தமிழ், தெலுங்கு சினிமாவில் பல ஹிட் படங்களைக் கொடுத்தவர் சிறுத்தை சிவா. இவர் நடிகர் கார்த்தி, அஜித் குமார், ரஜினி காந்த் போன்ற நடிகர்களை வைத்து பல ஹிட் படங்களைக் கொடுத்தார். குடும்பப் பின்னணி படங்களை எடுத்து வந்த சிவா, தற்போது நடிகர் சூர்யாவை வைத்து வரலாற்று பின்னணி கொண்ட படம் ஒன்றை எடுக்க எண்ணினார். இதற்காக அவர் பல ஆராய்ச்சிகளை செய்து, தன் படத்திற்கான கதை எழுதி அதை படமாக்க பல இடங்களைத் தேடியும் அலைந்தார்.

திரைக் கலைஞர்களின் உழைப்பு

பின், அவர் இந்தப் படத்தை தான் நினைத்தபடி கொண்டு செல்வதற்காக பல தடைகளை தாண்டி வந்துள்ளார் என பல இடங்களில் அவர் குறிப்பிட்டுள்ளார். இந்தப் படத்திற்கான கிராபிக்ஸ் காட்சிகள், 3டி வடிவமைப்பு என பல கலைஞர்கள் இந்தப் படத்திற்காக தங்களது உழைப்பைக் கொடுத்தனர்.

இதையடுத்து, படம் சாமானிய மக்களுக்கும் கொண்டு செல்ல முயன்று, சூர்யா, சிறுத்தை சிவா, தயாரிப்பாளர் ஞானவேல் ராஜா என படம் தொடர்புடைய பலரும் புரொமோஷன் நிகழ்ச்சிகளில் பல பில்டப்புகளை கொடுத்தனர்.

கங்குவா பில்டப்

இது தமிழில் உருவான பாகுபலி, 2000 கோடி ரூபாய் வசூலைத் தரும், கேம் ஆஃப் த்ரோன்ஸ் போல இருக்கும், இந்தப் படத்தை 100 முறை பார்த்தும் புதியது போல இருந்தது என பிரம்மிப்பாக பேசினர்.

இதையடுத்து, உலகம் முழுவதும் பல ரசிகர்கள் முதல் நாள் படத்தைப் பார்க்கச் சென்றனர். பின் படம் பார்த்து முடித்துவிட்டு வெளியில் வந்து பார்த்தால் அனைவரும் நெகட்டிவ் விமர்சனங்களையே முன்வைத்தனர்.

பொங்கிய ஜோதிகா

இதையடுத்து, தன் கணவர் படத்தை குறை சொல்வதை பொறுத்துக் கொள்ள முடியாத ஜோதிகா, படம் முதல் அரை மணி நேரம் தான் நன்றாக இல்லை. பின் நன்றாகத் தான் இருந்தது. இரட்டை அர்த்த வசனம் உள்ள படங்களை எல்லாம் விமர்சிக்காத நீங்கள் இந்தப் படத்தை ஏன் விமர்சிக்கிறார்கள் என கேள்வி எழுப்பினார். அத்துடன் இது சோதனை அடிப்படையில் எடுக்கப்பட்ட படம் எனவும் கூறியிருந்தார்.