கயல் - எழில் இடையே பூக்கும் ரெமான்ஸ்..மூர்த்தி, எழிலிடம் டபுள் கேம் ஆடும் சிவசங்கரி! இன்று நடக்கப்போவது என்ன?

ஒரே நேரத்தில் மகனிடம் பரிவு காட்டுவது போலவும், கயல் குடும்பத்தாரிடம் எரிந்து விழுந்து டபுள் கேம் ஆடுகிறாள் சிவசங்கரி. இதற்கிடையே தன்னை கட்டிப்பிடிக்க வரும் எழிலை கண்டு வெட்கத்தில் யாராவது பார்த்துவிடுவார்கள் என கயல் சொல்ல, இருவருக்கு இடையே ரெமான்ஸ் பூக்கிறது. இப்படியாக இன்று எபிசோட் காட்சிகள் இடம்பெற இருக்கிறது.

கயல் தீபாவளி ஸ்பெஷல்

கூடுதலாக கயல் ப்ரிவியூ விடியோ ஒன்றும் வெளியிடப்பட்டுள்ளது. அதில் தீபாவளி கொண்டாட்டம் களைகட்டி கொண்டிருக்க, எழில் தலைக்கு எண்ணெய் வைக்க கயலும், அவரது உடனபிறப்புகளும் முயற்சிக்கும் குறுப்புத்தனமான காட்சிகள் இடம்பிடித்துள்ளன.

கயலிடமும், அவளது உடன்பிறப்புகளுடனும் சிக்கிக் கொள்ளாமல் அங்கும் இங்குமாக ஓடுகிறார் எழில். இறுதியில் கால் உடைந்தது போல் கதறும் கயலை பார்த்து பதட்டமாக அவள் அருகே வருகிறான் எழில். அப்போது அவனை பிடித்துக்கொள்ளும் கயல், இது ஆக்டிங் என கூற, மற்றவர்களும் எழிலை தப்பிக்க விடாமல் இறுக்கி பிடித்து கொள்கிறார்கள். ஒரு வழியாக எழில் தலையில் கயல் எண்ணெய் வைப்பது போல் இந்த ப்ரிவியூ முடிவடைகிறது.

கயல் நேற்றைய எபிசோடு

மூர்த்தி கத்திக்குத்து பட்டு, மருத்துவமனையில் சிகிச்சை பெற்றுக் கொண்டிருந்த நிலையில், கல்யாண கோலத்தோடு கயலும் எழிலும், அவர்களது குடும்பத்தினரும், அங்கு பதைப்பதைப்போடு காத்துக்கொண்டிருந்தார்கள். இதற்கிடையே தனியாக வந்த சிவசங்கரியிடம் வந்த கயல், எனது அண்ணனை ஆள் வைத்து கொலை செய்ய முயற்சி செய்தது நீங்களாக கூட இருக்கலாம் என்ற சந்தேகம் எனக்கு இருக்கிறது என்று கூறி, எனக்கு ஒரு நல்ல மாமியாராக இருந்தீர்கள் என்றால் என்று எச்சரிக்கை விடுக்கிறாள். இதற்கிடையே கண் விழித்த மூர்த்தி நான் இந்த சமயத்தில் கயலின் பக்கத்தில் ஒரு அப்பா ஸ்தானத்தில் இருந்திருக்க வேண்டும் என்று கூறினான். இப்படி சீரியசாக காட்சிகள் செல்ல, தீபாவளிக்கு முந்தையை நாளான இன்று கலகலப்பான காட்சிகளுடன் இடம்பெற இருக்கிறது.

கயல் சீரியல்

தமிழ் டிவி சீரியல்களில் டாப் இடத்தில் இருந்து வரும் தொடராக கயல் உள்ளது. சன் டிவியில் திங்கள் முதல் சனிக்கிழமை வரை இரவு 7.30 மணிக்கு இந்த சீரியல் ஒளிபரப்பாகி வருகிறது. கடந்த 2021 முதல் ஒளிபரப்பாகும் இந்த தொடரில் கதையின் நாயகியாக டைட்டில் கதாபாத்திரத்தில் நடிகை சைத்ரா ரெட்டி நடிக்கிறார். உமா ரியாஸ்கான் சிவசங்கரி என்ற கதாபாத்திரத்தில் வில்லியாக நடிக்கிறார். இதுவரை 1000 எபிசோடுகளை கடந்த கயல் டிவி சீரியல் ஒளிபரப்பாகி வருகிறது. அத்துடன் தமிழ் டிவி சீரியல்கள் டாப் 3 இடத்தில் தவறாமல் இடம்பெறும் சீரியலாகவும் இருந்து வருகிறது. இந்த சீரியல் சன்டிவி நெக்ஸ்ட் ஓடிடி தளத்தில் ஸ்டிரீமிங் ஆகி வருகிறது.