சமந்தாவின் ரோல் மாடல் யார் தெரியுமா? சமந்தாவை சிந்திக்க வைத்ததே இந்த நடிகை தானாம்!

தன் காதல், திருமணம், விவாகரத்து, நோய் பாதிப்பு, சினிமாவில் சறுக்கல் என அனைத்தில் இருந்தும் மீண்டு வந்த சமந்தா பலருக்கும் ரோல் மாடலாக இருக்கிறார். அப்படி இருக்கையில், இவரை இவ்வளவு ஆக்டிவ்வாக வைத்திருக்க காரணமாக இருப்பவர் ஒரு நடிகையாம். அவர் அளிக்கும் உத்வேகத்தால் தான் சமந்தா இவ்வளவு ஆக்டிவ்வாக இருக்கிறாராம்.

சமந்தாவின் சிட்டாடல் ஹனி பன்னி

சமீபத்தில் வருண் தவானுடன் இணைந்து சமந்தா நடித்த வெப் தொடர் சிட்டாடல் ஹனி பன்னி. இந்த வெப் தொடர் அமேசான் ப்ரைம் ஓடிடி தளத்தில் வெளியாகி மக்கள் மத்தியில் பேசுபொருளானது. இந்நிலையில், சிட்டாடல் ஹனி பன்னி விழா நிகழ்ச்சியில் சமந்தா கலந்து கொண்டு பேசினார்.

அப்போது, முன்னதாக ஹாலிவுட்டில் பிரியங்கா சோப்ரா, ரிச்சட் மேடன் நடிப்பில் வெளியான சிட்டாடல் வெப் தொடர் உலகம் முழுவதும் பலரையும் கவர்ந்தது. அப்படி மக்கள் மனதுக்கு நெருக்கமான வெப் தொடரில் நானும் முக்கிய பங்களித்திருப்பது மிகவும் மகிழ்ச்சி அளிக்கிறது.

பிரயங்கா சோப்ரா தான் ரோல் மாடல்

நடிகை பிரியங்கா சோப்ரா, அனைத்து பெண்களுக்கும் சிறந்த ரோல் மாடலாக உள்ளார். பிரியங்கா சோப்ராவின் ஒவ்வொரு அடியும் நம்மை பெரிதளவில் சிந்திக்க வைக்கும் விதமாக அமைகிறது.

பிரியங்கா சோப்ரா, அதிகாரமும் ஆளுமையும் நிறைந்தவராக இருப்பதுடன் அவருடன் பழகுவது அலாதி பிரியத்தையும் சந்தோஷத்தையும் ஏற்படுத்துகிறது.

நாம் திறமையனவர்களை சந்தித்து அவர்களுடன் பழகும்போது, நமக்கான சவாலும் அதிகரிக்கிறது. அத்தகையவர்களின் நட்பு வாழ்க்கையில் கொஞ்ச காலம் கிடைத்தாலும் அது நம் வாழ்வில் நடக்கும் நன்மை எனக் கூறியுள்ளார்.

சிட்டாடல் சீரிஸ்

ஹாலிவுட் ஸ்பை த்ரில்லர் டிவி சீரிஸான சிட்டாடல் பிரியங்கா சோப்ரா, ரிச்சர்ட் மேடன் நடிப்பில் கடந்த ஆண்டு ஏப்ரலில் அமேசான் ப்ரைமில் வெளியானது. 300 மில்லியன் அமெரிக்க டாலர் பட்ஜெட்டில் உருவாகியிருந்த இந்த சீரிஸ் நல்ல வரவேற்பை பெற்றது.

இந்த சீரிஸின் இந்திய பதிப்பாக வருண் தவான் - சமந்தா நடித்திருக்கும் சிட்டாடல்: ஹனி பன்னி உருவாகியுள்ளது. தி பேமிலி மேன் வெப்சீரிஸை இயக்கிய ராஜ் மற்றும் டிகே இந்த வெப் சீரிஸை இயக்கியுள்ளனர். இதில் கே கே மேனன், சிம்ரன் முக்கிய கதாபாத்திரங்களில் நடித்துள்ளார்கள்.

சிட்டாடல் சீரிஸின் இத்தாலிய பதிப்பான சிட்டாடல் டயானா கடந்த 10ஆம் தேதி அமேசான் ப்ரைம் விடியோவில் வெளியானது.

சமந்தாவின் கம்பேக்

மயோசிடிஸ் என அரிய வகை நோய் எதிர்ப்பு சக்தி குறைபாடு நோயால் பாதிக்கப்பட்டிருந்த சமந்தா, இடையில் சில காலம் சினிமாவுக்கு பிரேக் எடுத்துவிட்டு தற்போது மீண்டும் நடிப்பு பக்கம் திரும்பியுள்ளார். அவரது கம்பேக் வெப்சீரிஸாக இந்த சிட்டாடல்: ஹனி பன்னி அமைந்திருக்கும் நிலையில் இதன் டீஸரை ரசிகர்கள் அதிகமாக ஷேர் செய்து பயர் விட்டு வருகிறார்கள்.

நடிப்பில் இருந்து பிரேக் எடுப்பதற்கு முன்னர் சிட்டாடல் சீரிஸில் தான் நடித்து முடித்தார். தன் செட்களில் இருந்து புகைப்படத்தையும், சிட்டாடல் பட இயக்குநர் ராஜ்-டிகே மற்றும் திரைக்கதை ஆசிரியர் சீதா மேனன் ஆகியோருடன் இருக்கும் புகைப்படத்தையும் பகிர்ந்து உருக்கமான பதிவையும் பகிர்ந்திருந்தார்.

சமந்தாவின் பாலிவுட் என்ட்ரி

சமந்தாவுக்கு இந்த சிட்டாடல்: ஹனி பன்னி சீரிஸ் பாலிவுட் என்ட்ரியாகவும் அமைகிறது. த்ரிஷா, நயன்தாரா, ஸ்ருதிஹாசன் போன்ற தென் இந்திய நடிகைகளின் வரிசையில் சமந்தாவும் பாலிவுட் பக்கம் அடியெடுத்து வைக்கிறார்.

இந்நிலையில், தற்போது சமந்தா தும்பத் எனும் மற்றொரு வெப் தொடரிலும் நடித்து வருகிறார்.