Oscar 2024: 96வது ஆஸ்கர் விருது நிகழ்ச்சியில் ஆர்ஆர்ஆர் படத்துக்கு கெளரவம்! எதற்காக தெரியுமா?
Published Mar 11, 2024 02:58 PM IST
சிறந்த ஒரிஜினல் பாடலுக்கான ஆஸ்கர் விருதை வென்றது ஆர்ஆர்ஆர் படத்தில் இடம்பிடித்த நாட்டு நாட்டு பாடல். தற்போது நடந்து முடிந்திருக்கும் 96வது ஆஸ்கர் விருது வழங்கும் நிகழ்ச்சியில் ஆர்ஆர்ஆர் படத்தின் ஸ்டண்ட் காட்சிகள் குறித்து கெளரவிக்கப்பட்டது.
ஆஸ்கர் நிகழ்ச்சியில் ஆர்ஆர்ஆர் படத்துக்கு கெளரவம்
96வது ஆஸ்கர் விருது வழங்கும் நிகழ்ச்சி அமெரிக்காவில் உள்ள லாஸ் ஏஞ்சலிஸ் நகரில் நடைபெற்றது. 2023ஆம் ஆண்டில் வெளியான படங்கள், அதில் இடம்பிடித்த சிறந்த கலைஞர்களுக்கு விருதுகள் வழங்கப்பட்டது.
இதையடுத்து 96வது ஆஸ்கர் விருதில் சிறந்த படத்துக்கான விருதை உலக முழுவதம் கொண்டாடப்பட்ட ஓபன்ஹெய்மர் படம் வென்றது. கிறஸ்டோபர் நோலன் இயக்கிய இந்த படத்துக்கு மொத்தம் 7 விருதுகள் கிடைத்துள்ளன.
ஆர்ஆர்ஆர் படத்துக்கு கெளரவம்
எஸ்எஸ் ராஜமெளலி இயக்கத்தில் தெலுங்கு நடிகர்கள் ராம்சரண், ஜுனியர் என்டிஆர் நடித்த பாக்ஸ் ஆபிஸில் வசூலை வாரிக்குவித்த இந்திய சினிமாவான ஆர்ஆர்ஆர் படத்துக்கு ஆஸ்கர் விருது நிகழ்ச்சியில் கெளரவம் அளிக்கப்பட்டது.