Naga Chaitanya: இந்திய ரேஸிங் லீக்..!ஹைதராபாத் மோட்டர் ஸ்போர்ட்ஸ் ரேஸிங் அணியை வாங்கிய நாக சைதன்யா

ஹைதராபாத் பிளாக் பேர்ட்ஸ் என்ற அந்த அணி இந்தியாவில் நடைபெற இருக்கும் பார்முலா 4 ரேஸ் சாம்பியன்ஷிப் தொடரில் பங்கேற்கவுள்ளது. 

"மோட்டார்ஸ்போர்ட்ஸில் ஒரு பகுதியாக எப்போது நான் இருக்க விரும்பியுள்ளேன். அந்த வகையில் ஹைதராபாத் பிளாக்பேர்ட்ஸ் அணியில் ஒரு அங்கமாக இருப்பது மகிழ்ச்சி அளிக்கிறது.

தனிப்பட்ட முறையில், இந்தியா ரேஸிங் லீக், இந்தியா மோட்டார்ஸ்போர்ட்ஸில் முக்கிய பங்கு வகித்து வருவது அனைவருக்கும் தெரியும். இந்த சீசனில் ஸ்டீரிட் ரேஸ்களை மிகவும் ஆவலுடன் எதிர்பார்க்கிறேன். இது ரசிகர்களுக்கு சிறந்த அனுபவமாக இருக்கும்."

இவ்வாறு அவர் கூறினார்.

தெலுங்கு சினிமாவின் முன்னணி ஹீரோவாக இருந்த வரும் நாக சைதன்யாவும், தமிழ், தெலுங்கு சினிமாக்களில் டாப் ஹீரோயினாக இருந்த சமந்தாவும் நீண்ட காலமாக காதலித்து வந்த நிலையில் 2017இல் திருமணம் செய்து கொண்டனர்.

இதைத்தொடர்ந்து இருவருக்கும் கருத்து வேறுபாடு ஏற்பட்ட நிலையில் 2021இல் பிரிவதாக அறிவித்து, விவாகரத்தும் பெற்றனர். 

தற்போது நாக சைதன்யா, சமந்தா ஆகிய இருவரும் தொடர்ந்து நடிப்பில் கவனம் செலுத்தி வருகின்றனர். 

இதற்கிடையே நாக சைதன்யா, பொன்னியன் செல்வன் படத்தில் வானதி கதாபாத்திரித்தில் தோன்றிய சோபிதாவுடன் டேட்டிங்கில் இருப்பதாக தகவல்கள் பரவின. ஆனால் இதுபற்றி இருவரும் வாய் திறக்காமல் இருந்தனர்.

இதைத்தொடர்ந்து நாக சைதன்யா விரைவில் இரண்டாவது திருமணம் செய்து கொள்ள இருப்பதாக தகவல் வெளியாகியுள்ளது. இந்த முறை தனது பெற்றார் பார்த்த பெண்ணை அவர் திருமணம் செய்ய இருப்பதாக கூறப்படுகிறது. அவரது திருமணத்துக்கான ஏற்பாடுகளை குடும்பத்தார் செய்து வருவதாக தகவல்கள் வெளியாகி வரும் நிலையில், நாக சைதன்யா இரண்டவதாக திருமணம் செய்துகொள்ள போகும் பெண் வீட்டார் பிஸ்னஸ் பின்னணியை கொண்டவர்களாம்.

அத்துடன் இந்த பெண்ணுக்கும், சினிமாவுக்கும் துளி அளவு கூட தொடர்பு இல்லை எனவும் சொல்லப்படுகிறது. விரைவில் நாக சைதன்யாவின் திருமணம் குறித்த தகவல் வெளியாகும் என எதிர்பார்க்கலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9