டாப் 10 சினிமா.. தனுஷ் நல்ல ஒழுக்கமான நடிகர்.. நீங்கள் ரொம்ப போரான ஆள்.. விவாகரத்து குறித்து ஜெயம் ரவி ப்ளீச்!
'Good Bad Ugly’ படத்தில் நடிகர் அஜித்துடன் இணைவது குறித்து நடிகர் அர்ஜுன் தாஸ் நெகிழ்ச்சிப் பதிவு, ’லப்பர் பந்து’ படக்குழுவினரை பாராட்டிய நடிகர் சிம்பு என இன்றைய டாப் 10 சினிமா செய்திகளை பார்க்கலாம்.
தனுஷ் நல்ல ஒழுக்கமான நடிகர் - துஷாரா விஜயன்
தொடர்ந்து பல படங்களில் நடித்து வரும் துஷாரா விஜயன் சமீபத்தில் அளித்துள்ள பேட்டியில் கூறியிருப்பதாவது, சமூக வலைதளங்களிலும் சினிமா வட்டாரங்களிலும் தனுஷ் மீது தவறான கிசுகிசுக்களையும் குற்றச்சாட்டுகளையும் கூறி வருகின்றனர். இவை அனைத்தும் பொய்யானவை. தனுஷ் நல்ல ஒழுக்கமான நடிகர். நடிப்பின் மீது அவர் அவ்வளவு பாசத்தை வைத்துள்ளார் என கூறினார்.
'Good Bad Ugly’ படத்தில் நடிகர் அஜித்துடன் இணைவது குறித்து நடிகர் அர்ஜுன் தாஸ் நெகிழ்ச்சிப் பதிவு!
அஜித் தற்போது நடித்து வரும் குட் பேட் அக்லீ படம் விறுவிறுப்பாக ஷூட்டிங் செய்யப்பட்டு வருகிறது. அடுத்த வருடத்தின் தொடக்கத்தில் இந்த படம் திரைக்கு வரும் என எதிர்பார்க்கப்படுகிறது. இந்த படத்தில் அஜித்துக்கு ஜோடியாக த்ரிஷா நடித்து வருகிறார். என்னை அறிந்தால் படத்திற்கு பிறகு இந்த ஜோடி மீண்டும் இணைந்திருக்கிறது. மேலும் பிரசன்னாவும் ஒரு முக்கிய ரோலில் நடித்து வருகிறார். இந்நிலையில் தற்போது அர்ஜுன் தாஸ் இந்த படத்தில் அஜித் உடன் நடித்து இருப்பது பற்றி நெகிழ்ச்சியாக பதிவிட்டு இருக்கிறார்.
10 நிமிட குறும்படத்தின் ஃபர்ஸ்ட் லுக்
LCU-ன் தோற்றம் குறித்து ’CHAPTER ZERO' என்ற 10 நிமிட குறும்படத்தின் ஃபர்ஸ்ட் லுக் போஸ்டரை வெளியிட்டுள்ளார் இயக்குநர் லோகேஷ் கனகராஜ். ரஜினியை வைத்து கூலி படம் இயக்கி வருகிறார் லோகேஷ் கனகராஜ். சன் பிக்சர்ஸ் தயாரிக்கும் இப்படத்தின் படப்பிடிப்பு முழு வீச்சில் நடைபெற்று வருகிறது. இதனிடையே அவர் இயக்கத்தில் வெளியான கைதி, இன்றுடன் வெளியாகி 5 வருடங்கள் ஆகிறது. இதையொட்டி தனது எக்ஸ் பக்கத்தில் பதிவிட்ட லோகேஷ் யூனிவர்ஸ் உருவாக்க இந்தப் படம்தான் காரணம் என படக்குழுவினருக்கு நன்றி தெரிவித்திருந்தார்.இதையடுத்து தற்போது எல்.சி.யு. தொடர்பான புது அப்டேட்டை பகிர்ந்துள்ளார். அதாவது, எல்.சி.யு.-வின் முன்னுரை குறித்து ஒரு 10 நிமிட குறும்படம் உருவாக்கவுள்ளதாகவும் சேப்டர் ஜீரோ என்ற தலைப்பில் வெளியாகும் எனவும் தெரிவித்துள்ளார்.
’லப்பர் பந்து’ படக்குழுவினரை பாராட்டிய நடிகர் சிம்பு
தமிழரசன் பச்சமுத்து இயக்கத்தில் அட்டகத்தி தினேஷ், ஹரிஷ் கல்யாண் நடிப்பில் வெளியான படம் லப்பர் பந்து. இந்த படத்துக்கு மக்கள் மத்தியில் நல்ல வரவேற்பு கிடைத்தது. இதன் காரணமாக லப்பர் பந்து திரைப்படம் மூன்றாவது வாரம் கடந்தும் திரையரங்குகளில் வெற்றிகரமாக ஓடிக்கொண்டிருக்கிறது. திரைப்படம் இதுவரை 50 கோடி ரூபாய் வசூலித்துள்ளது. லப்பர் பந்து திரைப்படம் வருகிற 31 ஆம் தேதி முதல் டிஸ்னி ப்ளஸ் ஹாட்ஸ்டார் ஓடிடி தளத்தில் வெளியாகவுள்ளது.இந்நிலையில் படக்குழுவை நேரில் அழைத்து நடிகர் சிம்பு தனது பாராட்டுகளை தெரிவித்துள்ளார். தமிழரசன் இயக்குனர், நடிகர் ஹரிஷ் கல்யாண், நடிகை சஞ்சனா ஆகியோர் சிம்புவை நேரில் சந்தித்து வாழ்த்து பெற்றுள்ளன.
‘ப்ளடி பெக்கர்’ படத்தின் ‘பெக்கர் வாலா’ பாடல் வெளியானது!
லிப்ட், மற்றும் டாடா திரைப்படங்கள் கவினுக்கு வெற்றி திரைப்படங்களாக மாறி இருக்கிறது. அவரது ‘டாடா’ திரைப்படம் மக்கள் மத்தியில் நல்ல வரவேற்பை பெற்றது. இதனால் கவினுக்கு அடுத்தடுத்து பட வாய்ப்புகள் குவிய தொடங்கியது. ஹரிஷ் கல்யாண் நடிப்பில் வெளிவந்த ‘பியார் பிரேமா காதல்’ திரைப்படத்தை இயக்கிய இளன் இயக்கத்தில் ‘ஸ்டார்’ திரைப்படத்தில் நடித்தார். ஸ்டார் திரைப்படம் கடந்த மே திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்றது. ஸ்டார்’ திரைப்படத்தை தொடர்ந்து இயக்குனரான நெல்சன் திலிப்குமார் தயாரிப்பில் அறிமுக இயக்குனரான சிவபாலன் முத்துகுமார் இயக்கத்தில் ‘ப்ளடி பெக்கர்’ என்ற திரைப்படத்தில் கவின் நடித்துள்ளார். இத்திரைப்படத்தில் ரெடின் கிங்ஸ்லி, மாருதி பிரகாஷ்ராஜ், சுனில் சுகாதா, அக்ஷயா ஹரிஹரன் உள்ளிட்ட பலர் நடித்துள்ளனர். இந்த திரைப்படம் வரும் 31ம் தேதி வெளியாக உள்ளது. இத்திரைப்படத்தின் டீசர், டிரெய்லர் சமீபத்தில் வெளியாகி கவனம் பெற்றது. படத்தின் ப்ரோமோ பாடலான ‘பெக்கர் வாலா’ பாடல் வெளியாகி நல்ல வரவேற்பை பெற்று வருகிறது.
‘GOOD BAD UGLY’ படத்தின் திரையரங்கு வெளியீட்டு உரிமம்
அஜித் தற்போது நடித்து வரும் குட் பேட் அக்லீ படம் விறுவிறுப்பாக ஷூட்டிங் செய்யப்பட்டு வருகிறது. அடுத்த வருடத்தின் தொடக்கத்தில் இந்த படம் திரைக்கு வரும் என எதிர்பார்க்கப்படுகிறது. இந்நிலையில் ஆதிக் ரவிச்சந்திரன் இயக்கத்தில் அஜித் நடிக்கும் ‘GOOD BAD UGLY’ படத்தின் தமிழ்நாடு, கர்நாடகா, கேரளா திரையரங்கு வெளியீட்டு உரிமத்தை ரோமியோ பிக்சர்ஸ் நிறுவனம் கைப்பற்றியுள்ளது.
'Mr மனைவி' சீரியலில் இருந்து வெளியேறிய முக்கிய நடிகை!
சன் டிவியில் கடந்த 2023 ஆம் ஆண்டு, மார்ச் மாதம் துவங்கப்பட்ட சீரியல் மிஸ்டர் மனைவி. இந்த சீரியலை சுலைமான் என்பவர் ஆரம்பத்தில் இயக்கி வந்த நிலையில், தற்போது ஜவகர் என்பவர் இயக்கி வருகிறார். 450 எபிசோடுகளை கடந்து ஒளிபரப்பாகி வரும் இந்த சீரியல் விரைவில் 500 எபிசோடுகளை எட்ட உள்ளது. இந்த சீரியலில் இரண்டாவது நாயகியாக, கவிமலர் என்கிற கதாபாத்திரத்தில் ஸ்மிர்தி காஷ்யபப் நடித்து வந்தார். தற்போது ஒரு சில காரணங்களால், இந்த சீரியலில் இருந்து இவர் விலகி விட்டதாகவும், அவருக்கு பதிலாக நடிகை கீர்த்தி தான் இவர் ஏற்று நடித்து வந்த கவிமலர் கதாபாத்திரத்தில் நடிக்க உள்ளதாக தகவல் வெளியாகி உள்ளது.
வதந்திகளை பார்த்து அமைதியாக தான் இருக்க வேண்டும் -ஜெயம் ரவி
ஜெயம் ரவி 'பிரதர்' படத்தின் புரமோஷன் நிகழ்ச்சி ஒன்றில் கலந்து கொண்டபோது, "விவாகரத்து பற்றி மக்கள் பேசும் வதந்திகளை எப்படி சமாளிக்கிறீர்கள் என எழுப்பப்பட்ட கேள்விக்கு, தான் ஒரு பொது நபராக இருப்பதால், என் தனிப்பட்ட வாழ்க்கை பற்றி தெரிந்து கொள்ள மக்களுக்கு இருக்கும் ஆர்வத்தை புறக்கணிக்க முடியாது. நான் எதை செய்தாலும் அவர்கள் அது பற்றி தெரிந்து கொள்வதில் ஆர்வம் காட்டுகிறார்கள். இதற்கு முக்கிய காரணம் மக்கள் சினிமாவை விரும்புகிறார்கள். நடிகர்களை பற்றி பேச விரும்புகிறார்கள். அதனால் அவர்களை நான் குறை சொல்ல முடியாது அதில் அர்த்தமும் இல்லை. உண்மை என்ன என்பதை மட்டுமே எடுத்து சொல்ல முடியும். மற்றபடி வரும் வதந்திகளை பார்த்து அமைதியாக தான் இருக்க வேண்டும். ஒருபோதும் என்னால் மக்களை தனித்தனியாக சந்தித்து... என்னுடைய விளக்கத்தை கொடுத்து கொண்டிருக்க முடியாது. அது சாத்தியம் அற்றது என தெரிவித்துளளார்.
நீங்கள் ரொம்ப போரான ஆள் - வனிதா
விஜய் டிவி பிக் பாஸ் நிகழ்ச்சியை வைத்து மற்றொரு விஷயத்தையும் நடத்தி வருகிறது. அது தான் பிக்பாஸ் சீசன் 8 தமிழ் "ஃபன் அன்லிமிடெட்" என்கின்ற நிகழ்ச்சி. அதாவது பிக் பாஸ் நிகழ்ச்சியில் இருந்து எலிமினேட் ஆகி செல்லும் நபர்கள் கலந்து கொள்ளும் ஒரு நிகழ்ச்சியாக இது இருக்கிறது. மேலும் இந்த நிகழ்ச்சியில் கடந்த வாரம் ரவீந்தர் சந்திரசேகரன் கலந்து கொண்டார். இந்த நிலையில் கடந்த வாரம் எலிமினேட் ஆன அர்னவ், இந்த முறை பிக் பாஸ் ஃபன் அன்லிமிடெட் நிகழ்ச்சியில் பங்கேற்றுகிறார். வரும் 27ம் தேதி இந்த நிகழ்ச்சி ஒளிபரப்பாகும். ஆனால் இன்று வெளியான அந்த நிகழ்ச்சியின் ப்ரோமோவில், நிகழ்ச்சியில் பங்கேற்ற அர்னவை, பிரபல நடிகை மற்றும் முன்னாள் பிக் பாஸ் போட்டியாளர் வனிதா கலாய்த்து தள்ளியுள்ளார். பிக் பாஸ் வீட்டுக்குள் நீங்கள் எதுவுமே செய்யவில்லை. நானாக இருந்திருந்தால் அங்கு இருந்தவர்களுக்கு அறை விழுந்திருக்கும். நாங்கள் நினைத்தது போல எதுவுமே நீங்கள் செய்யவில்லை. நீங்கள் ரொம்ப போரான ஆள் என்று பேசியுள்ளார் அவர்.
டாபிக்ஸ்