'நானே கண்டுபிடிக்குறேன்' திட்டம் போட்டு வீட்டிற்கு வந்த கயல்.. தவிக்கும் குடும்பம்.. கயல் இன்றைய எபிசோட்

இவர்கள் இருவரும் வீட்டிற்கு வந்ததற்கு சந்தோஷம் பட முடியாமல் குடும்பத்தினர் தவித்து வருகின்றனர். காரணம் இன்னும் 3 மணி நேரத்தில் வட்டிக்கு வாங்கிய மொத்த பணத்தையும் தரவேண்டும் என மிரட்டிவிட்டு சென்றது தான்.

அட்டேட் தரும் வட்டிக்காரர்

எழில் வீட்டில் இருப்பது தெரியாமல், வட்டிக்காரர் கயல் வீட்டிற்கு தங்களது அடி ஆட்களுடன் கிளம்பி வருகிறார். அதுமட்டுமல்லாமல், கயல் வீட்டில் நடந்தவற்றை அவ்வப்போது சிவசங்கரிக்கும் அப்டேட் செய்து வருகிறார்.

இது எதுவும் தெரியாமல், வீட்டில் இருக்கும் எழிலையும், கயலையும் எப்படியாவது வெளியில் அனுப்ப வேண்டும். வட்டிக்காரர் செய்தவை எதுவும் இவர்களுக்கு தெரியக் கூடாது என கயலின் அண்ணி தனம் யோசித்து வருகிறார். இது தொடர்பான ப்ரோமோவை சன் டிவி வெளியிட்டுள்ளது.

பழிவாங்க துடிக்கும் சிவசங்கரி

கல்யாணம் முடிந்து வீட்டிற்கு வந்த நாளே மாமியாருடன் கயலுக்கு சண்டை ஏற்பட்டது. இதை மனதில் வைத்துக் கொண்டு. கயலைப் பழி வாங்க என்ன செய்யலாம் என சிவசங்கரி ஆழந்த யோசனை செய்து கயல் திருமண செலவிற்காக, அவரது குடும்பத்திற்கு வட்டிக்கு பணம் கொடுத்த நபரை அழைக்கிறார்.

வேகமாக சென்ற வட்டிக்காரர்

அவரிடம் இன்றே கயல் குடும்பம் கல்யாண செலவுக்காக வாங்கிய மொத்த பணத்தையும் திருப்பித் தரவேண்டும் என தகராறு செய்யுமாறும் வற்புறுத்துகிறார். இதையடுத்து, அவரும் சிவசங்கரியின் பேச்சைக் கேட்டு கயல் குடும்பத்திடம் சண்டை போட கிளம்பி சென்றுள்ளார்.

அங்கு ஆரம்பத்தில் சுமூகமாக சென்ற பேச்சுவார்த்தை வாக்குவாதமாகி, பின் கைகலப்பாக மாறியது. வட்டிக்காரர் 3 மணி நேரத்தில் மொத்த பணத்தையும் எடுத்து வைக்க வேண்டும் எனக் கூறிய ஆத்திரத்தில் அன்பு அவரை அடித்துவிட்டார்.

உண்மையை மறைக்கும் குடும்பத்தினர்

இதுகுறித்து எதுவும் அறியாத கயல், வீட்டில் ஏதோ பிரச்சனை ஏற்பட்டிருக்கிறது என்பதை மட்டும் யூகித்து அவசர அவசரமாக கிளம்பி வருகிறார். வந்து பார்த்தால் வீட்டில் உள்ளவர்களின் முகமே சரியில்லை. இதுகுறித்து கயல் எவ்வளவு வற்புறுத்தி கேட்டும் அவர்கள் எதுவும் சொல்லவில்லை. இதனால், செய்வது அறியாது நின்ற கயல், ஒருநாள் நீங்கள் மறைக்கும் உண்மை எல்லாம் எனக்கு தெரியவரும் அப்போது, எனக்கு கோவம் வரும் எனக் கூறியிருந்தார்.