ஒன்னும் இல்லாதவளுக்கு கடைசி நேரத்தில் கிடைக்கும் பலன்.. சிக்கலில் இருந்து காப்பாற்றியது யார்? கயல் இன்றைய எபிசோட்

சிவசங்கரியின் திட்டம்

இதற்ககாக கயல் குடும்பத்திற்கு வட்டிக்கு காசு கொடுத்த நபரை வரவழைத்து வட்டிக்கு கொடுத்த பணத்தை உடனடியாக இன்னும் 3 மணி நேரத்தில் கொடுக்க வேண்டும் என வற்புறுத்தி சண்டையிடுமாறு கூறுகிறார். இதைக் கேட்டு, வட்டிக்காரரும் கயல் குடும்பத்துடன் தகராறு செய்கிறார்.

தன் மனதிற்குள் வீட்டில் ஏதோ பிரச்சனை நடக்கிறது என்பதை அறிந்து வீட்டிற்கு வந்த கயலிடம், அனைவரும் வீட்டில் நடந்த தகராறை மறைக்கின்றனர். பின், அவர், நடந்தவற்றைக் கூறி எழிலுடன் வீட்டிற்கு வருகிறார். அதையும் குடும்பத்தினர் எப்படியோ சமாளித்து இருவரையும் அனுப்பி வைக்கின்றனர்.

கயலின் அண்ணன் குழந்தை செய்த சம்பவம்

அந்த சமயத்தில், வட்டிக்கு பணம் கொடுத்த நபர், அடியாட்களை வீட்டிற்கு கூட்டி வந்து தகராறு செய்ததால், கயலின் அண்ணன் மூர்த்தியின் குழந்தை மிகவும் பயந்து போனது. இதனால், என்ன செய்வது எனத் தெரியாமல், கயலின் பெரியப்பா தர்மலிங்கத்திற்கு போன் செய்து நடந்தவற்றை கூறியது.

இதையடுத்து, தகவறிந்த தர்மலிங்கம் உடனடியாகக் கிளம்பி கயல் வீட்டிற்கு வருகிறார். அங்கு வட்டிக் காரரிடம் சமாதானம் செய்ய முயல்கிறார். இத்துடன் நேற்றைய எபிசோட் முடிவடைந்த நிலையில், இன்றைய எபிசோடில் கயலின் பெரியப்பா தர்ம லிங்கத்திற்கும் வட்டிக்காரருக்கும் வாக்குவாதம் அதிகரித்தது.

கயல் குடும்பத்தை அழிக்க நினைத்த தர்மலிங்கம் இப்போது இல்லை

பின், வட்டிக்காரரோ நீங்களே கயல் குடும்பத்தை அழிக்க தான் பார்ப்பீர்கள் இப்போ என்ன நல்லவன் மாதிரி இந்தக் குடும்பத்த காப்பாத்த சீன் போடுறீங்க என பட்டென கேட்டு விடுவார். இவரின் இந்தக் கேள்வியால் ஆடிப்போன பெரியப்பா தர்மலிங்கம், கயல் தன்னிடம் மன்னிப்பு கேட்ட பின்பு தான் முற்றிலும் மாறியதை நிரூபிக்கவும், இந்தக் குடும்பத்திற்கு ஆதரவாய் தான் இருப்பதைக் காட்டிக் கொள்ளவும் வட்டிக் காரரிடம் வாங்கிய பணத்தை திரும்பத் தருகிறார். இதனால், வேறு வழித் தெரியாமல் வட்டிக் காரர் போட்ட திட்டம் நிறைவேறாமலே பணத்தை மட்டும் வாங்கிக் கொண்டு கிளம்புகிறார்.

ஒன்னும் தெரியாமல் பஞ்ச் பேசும் சிவசங்கரி

இதுபற்றி எதுவும் தெரியாத சிவசங்கரி, தான் போட்ட திட்டம் போல் கயல் வீட்டில் கலவரம் நடந்து வருகிறது என்ற நினைப்பில், கயலிடம் பஞ்ச் வசனம் பேசிக் கொண்டிருக்கிறார். இவற்றை எல்லாம் பொறுமையாகக் கேட்ட கயல், தன் குடும்பம் வட்டிக் காரரிடம் பணம் கொடுத்ததையும் ஒன்னும் இல்லாதவளுக்கு சரியான சமயத்தில் பணம் கொடுத்து உதவியது யார் என சொல்லட்டுமா என்றும் கெத்தாக கேள்வி கேட்கிறார்.

இதனால், தன் திட்டம் எல்லாம் மீண்டும் தவிடு பொடி ஆனதை எண்ணி, மிகவும் கோபத்தில் இருக்கிறார் சிவசங்கரி. இதுகுறித்த ப்ரோமோவை சன் டிவி வெளியிட்டுள்ளது. மேலும், இந்த சீரியலில் என்ன நடக்கிறது என்பதை முழுமையாகத் தெரிந்து கொள்ள திங்கள் முதல் சனி வரை இரவு 7.30 மணிக்கு சன் டிவியைப் பாருங்க.