விஜய் சேதுபதி செய்த அருவருப்பான செயல்.. பெரிய ஹீரோ யாரும் இதைச் செய்யல.. பத்திரிகையாளர் அந்தணன் பேட்டி

இதுதொடர்பாக மூத்த பத்திரிகையாளர் அந்தணன் மீடியா சர்க்கிள் யூட்யூப் சேனலுக்கு அளித்த பேட்டியில் கூறியிருப்பதாவது, ‘’விடுதலை 2 படத்தின் ட்ரெய்லர் பிரமாதமான ட்ரெய்லர். இந்தப் படத்தில் பேசுறவங்க குறிப்பு எடுத்துட்டு வருவாங்க. அப்படியும் சிலர் பெயரை விட்ருவாங்க. இப்படத்தை நிறைய நாட்கள் எடுத்திருக்காங்க. கிட்டத்தட்ட 450 பேர் வொர்க் செய்திருக்காங்க. அதில் இவ்வளவு நாள் டிராவல் செய்தவங்க, நமக்கான அங்கீகாரம், இந்த மேடையில் கிடைக்கணும்னு நினைப்பாங்க. அப்போது சொல்லும்போது சில பெயரை விட்டுட்டாங்க என்றால் வருத்தம் வரும். அப்போது வெற்றிமாறன், மஞ்சு வாரியர் பெயரை விட்டவுடனே, பக்கத்தில் இருக்கிறவங்க சொல்லிக்கொடுக்கிறாங்க.

உடனே, மஞ்சுவாரியர் பெயரை வெற்றிமாறன் சொல்கிறார். உடனே கொஞ்சநேரம் கழித்து, உதவி இயக்குநர்கள் பெயரை மொத்தமாக சொல்லிட்டுப்போறார். அதில் சில பேர் பெயரைச் சொல்லலாம் என பக்கத்தில் இருப்பவர்கள் சொல்கிறார்கள். உடனே, எல்லார் பெயரையும் சொல்லிட்டேன்ல என மூட் அவுட் ஆகி போகிறார், வெற்றிமாறன்.

மஞ்சுவாரியர் பெயரை சொல்லும்போது இனித்ததா?:

மஞ்சுவாரியரை சொல்லும்போது இனிப்பாக இருந்தது இல்ல, இன்னொருத்தவங்க பெயரை சொல்லச் சொல்லும்போது ஏன் கோபப்படணும். அதுவும் வெற்றிமாறன் செய்யும்போது சங்கடமாக இருந்தது.

உதவி இயக்குநர் தங்கள் பெயரைச் சொல்லச்சொன்னதில் என்ன தவறு இருக்கு. பல இயக்குநர்கள், தங்கள் உதவி இயக்குநரை அடிமை மாதிரி தான் நடத்துறாங்க. அது மேடையிலேயே இப்படி அப்பட்டமாக தெரியுது என்றால், ரூமில் என்னவாக நடத்துவீங்க அப்படின்னு ஒன்னு இருக்குது இல்ல. உதவி இயக்குநர்கள் அனுபவிக்கும் கொடுமைகளை நான் மேடையில் வந்து அரங்கேற்றியதாகத்தான் நான் பார்க்கிறேன்.

120 நாட்கள் விஜய்சேதுபதி போர்ஷன் மட்டும் எடுத்திருக்காங்க. தயாரிப்பாளர் ஒரு கட்டத்தில் டயர்டு ஆகி, ரிலீஸ் டேட்டை டிசம்பர் 20 என்று இவரைக் கேட்காமலேயே போட்டுட்டார். அப்படி இருந்தும் வெற்றிமாறனுக்கு மனசு இல்லை. அதனால் தான், விடுதலை 2 ஆடியோ லாஞ்சில் படப்பிடிப்பு இன்னும் முடியல. நிறுத்தி வைச்சிருக்கேன் என்று சொன்னது.

விட்டால் இன்னும் 20 நாள் எடுப்பார் போல. அப்படி இருக்கக் கூடாது. வெற்றி மாறன் படம் ஓடிருது. நல்ல கலெக்‌ஷன் தருது என்பதால் நாம் இதை ஏற்றுக்கொள்கிறோம். ஒருவேளை கங்குவா கதி ஆனால், இவ்வளவு நாட்கள் படப்பிடிப்பு நடந்தது, இந்தச் செலவு இதெல்லாம் என்னவாகும். நினைச்சு நினைச்சு எடுக்கிறது எப்படி சரியாக வரும். 35 நாட்களில் படமெடுக்க ஒருவர் சொன்னால் அதை அந்த நாட்களில் எடுத்துக்கொடுக்க வேண்டும்.

வெற்றிமாறன் பெரிய நடிகர்களை இயக்க முடியாது:

வெற்றிமாறனை பொறுத்தவரை, ஒரு குறிப்பிட்ட தேதியில் படத்தை முடித்துக் கொடுக்காமல் இருப்பதால், பெரிய நடிகர்களிடம் இவர்கள் எல்லாம் போகவே முடியாது. இளையராஜா தரமான படமென்றால் நிறைய நேரம் தருகிறார். வெற்றிமாறனுக்கு தரும் மரியாதை, மற்ற இயக்குநர்களுக்கு இளையராஜா தருவாரான்னு தெரியாது.

விஜய் சேதுபதி, மேடைகளில் ரசிகர்களைப் பார்த்து ‘டேய்’ எனப் பேசுகிறார். அது ரொம்ப கேவலமாக இருக்கிறது. இதை எந்தவொரு ஹீரோவும் செய்யல. அப்படி ரசிகர்கள் செய்தால் ஒத்துக்குவீங்களா?. இது ரொம்ப அநாகரிகமாக இருக்கு.

அந்த திமிர் வேண்டாம் என்கிறேன். விடுதலை 2 இசைவெளியீட்டு விழா மேடையை அசிங்கப்படுத்தியது அது தான். எனக்கு மிக அருவருப்பாக இருந்தது. இதை ரஜினி, கமல், சூர்யா,விஜய், அஜித், யாரும் இப்படி செய்ததில்லை. அப்படி இருக்கையில் நீங்கள் மட்டும் ஏன் ஒரு புது வழக்கத்தை உண்டு ஆக்குறீங்க’’ என மூத்த பத்திரிகையாளர் அந்தணன் கேள்வி எழுப்புகிறார்.