Modern Love Chennai: ‘ஜிங்க்ருதா தங்கா..’ராஜூமுருகன் இயக்கத்தில் ஒரு சென்னை வாழ் அனுபவம்.. கவனம் ஈர்க்கும் பாடல்!

இந்த நிலையில் இந்த சீரிஸில் இருந்து தற்போது ‘ஜிங்க்ருதா தங்கா..’ என்ற பாடலின் லிரிக்கல் வீடியோ வெளியிடப்பட்டு இருக்கிறது. சென்னை மாநகர மக்கள் பேசும் மொழியின் பாணியில் இடம்பெற்ற இப்பாடலின் வரிகளை பாக்கியம் சங்கர் எழுத, இசையமைப்பாளரும், பாடகருமான ஷான் ரோல்டன் இசையமைத்து பாடியிருக்கிறார்.

இயக்குநர் ராஜு முருகன் இயக்கத்தில் உருவான 'லாலகுண்டா பொம்மைகள்' எனும் அத்தியாயத்தில் இடம்பெறும் இந்தப்பாடல், தொடரின் சாரம்சத்தை அழகாக படப்பிடித்து காட்டியிருப்பதுடன், பார்வையாளர்களுடனான உணர்ச்சிகளுடன் தொடர்புப் படுத்தி சென்னை வாழ் அனுபவத்தை கடத்துகிறது. இந்தப் பாடலின் மெல்லிசையும், சென்னை நிலவியல் பின்னணியில் வாழும் மக்களின் பேசும் மொழியில் இடம் பெற்ற பாடல் வரிகளும் கவனம் பெற்று இருக்கின்றன.

'மாடர்ன் லவ் மும்பை' மற்றும் 'மாடர்ன் லவ் ஹைதராபாத்'தின் வெற்றியைத் தொடர்ந்து 'மாடர்ன் லவ் சென்னை', எல்லைகளைக் கடந்த உறவுகளை பற்றி பேசும் சீரிஸாக வருகிறது. சென்னை களப் பின்னணியில் அமைக்கப்பட்டுள்ள அழுத்தமான கதைகளின், கலவையான உணர்வுகளை விவரிப்பதால் பார்வையாளர்களின் இதயங்களை கவரும் என எதிர்பார்க்கப்படுகிறது. இந்தத் தொடர் மே 18ஆம் தேதி முதல் அமேசான் பிரைம் வீடியோவில் ஸ்ட்ரீமிங் செய்யப்படுகிறது.