குட் பேட் அக்லி காட்சிகள் லீக், வேட்டையன் படக்குழு புதிய முயற்சி, சீரியல் நடிகை திருமணம்..டாப் சினிமா செய்திகள் இன்று

விஜய் டிவி சீரியல் பிரபலங்கள் திருமணம்

விஜய் டிவியில் ஒளிபரப்பாகும் சிறகடிக்க ஆசை தொடரில் நடித்து வரும் வெற்றி வசந்த், விஜய் டிவியின் மற்றொரு சீரியலான பொன்னி சீரியலில் நடிக்கு் வைஷ்ணவியை திருமணம் செய்யவுள்ளார். இவர்கள் இருவருக்கும் இடையே நிச்சயதார்ரத்தம் நடைபெற்று இருக்கும் நிலையில் அதன் விடியோவை பகிர்ந்துள்ளனர்

சுந்தரி சீரியல் நடிகைக்கு திருமணம்

சன் டிவியின் சுந்தரி சீரியலில் நெகடிவ் கலந்த கேரக்டரில் நடித்து வந்த நடிகை ஸ்ரீகோபிகா, வருண்தேவ் என்பவரை திருமணம் செய்துள்ளார். பெற்றோர் ஏற்பாடு செய்த இந்த திருமணம் கோயிலில் நடைபெற்று முடிந்துள்ளது. இதுதொடர்பான புகைப்படம் சமூக வலைத்தளங்களில் வெளியாகியுள்ளது

குட் பேட் அக்லி காட்சிகள் லீக்

ஆதிக் ரவிச்சந்திரன் இயக்கத்தில் அஜித்குமார் நடித்து வரும் புதிய படம் குட் பேட் அக்லி. இந்த படத்தில் அஜித்தின் கெட்டப் லேட்டஸ்டாக வெளியாகி ரசிகர்களை பெரிதும் கவர்ந்தது.

கடந்த சில மாதங்கள் படத்தின் படப்பிடிப்பு ஹைதராபாத்தில் நடந்து வந்த நிலையில், அடுத்த கட்டமாக ஸ்பெயினில் நடைபெற்று வருகிறது. இதையடுத்து படப்பிடிப்பு தளத்தில் அஜித்குமார் நடித்த காட்சிகள் சமூக வலைத்தளங்களில் லீக் ஆகியுள்ளது. அஜித் காரில் இருந்து இறங்குவது போன்ற அந்த காட்சியை பலரும் பகிர்ந்து வருகிறார்கள்.

ஓடிடியில் வெளியாகும் நயன்தாரா - விக்னேஷ் சிவன் திருமணம் விடியோ

ஸ்டார் தம்பதிகளான நயன்தாரா - விக்னேஷ் சிவன் திருமணம் கடந்த 2022இல் கோலாகலமாக நடைபெற்று முடிந்தது. சூப்பர் ஸ்டார் ரஜினிகாந்த், பாலிவுட் சூப்பர் ஸ்டார் ஷாருக்கான் என பிரபலங்கள் பலரும் நயன்தாராவின் திருமணத்துக்கு வந்திருந்தனர்.

இவர்களின் திருமணத்தை கவரேஜ் செய்து ஒளிபரப்பும் உரிமையை நெட்பிளிக்ஸ் நிறுவனம் பெற்றிருந்தது. இந்த திருமண நிகழ்வை பார்க்க வேண்டும் என ரசிகர்களும் ஆவலாக இருந்தனர்.

திருமண விடியோவின் ட்ரெயல்ரும் வெளியாகி எதிர்பார்ப்பை ஏற்படுத்தியிருந்த நிலையில், அறிவித்த தேதியில் இந்த விடியோ வெளியாகவில்லை. இதற்கு காரணமாக திருமண புகைப்படங்களை எங்கும் பதிவிடக்கூடாது என நயன்தாரா கேட்டுக்கொண்டதாகவும், பல புகைப்படங்களை இந்த ஜோடி தங்களது சமூக வலைதளத்தில் பதிவிட்டதால் ரிலீஸ் தள்ளிப்போடப்பட்டது எனவும் தகவல்கள் வெளியாகின. இதைத்தொடர்ந்து நயன்தாரா - விக்னேஷ் சிவன் திருமண விடியோ தீபாவளி ஸ்பெஷலாக நெட்பிளக்ஸ் தளத்தில் வெளியாக இருப்பதாக தகவல்கள் தெரிவிக்கின்றன

சாலை விபத்தில் சிக்கிய பிக் பாஸ் பிரபலம்

பிக் பாஸ் தெலுங்கு சீசன் 7இல் பங்கேற்ற நடிகையும், பிரபலமுமான சுபாஸ்ரீ ராயகுரு சாலை விபத்தில் சிக்கியுள்ளார். ஹைதராபாத்தில் குடிபோதையில் இருந்தவர்கள் ஏற்படுத்திய விபத்தில் அவர் சிக்கிய நிலையில் காயாமின்றி தப்பியுள்ளார்.

வேட்டையன் படத்தில் புதிய முயற்சி

சூப்பர் ஸ்டார் ரஜினிகாந்த் நடித்திருக்கும் வேட்டையன் படத்தின் காட்சிகள் ஆடியோ விளக்கத்துடனும், குளோஸ்ட் கேப்ஷன்களோடு வெளியாக உள்ளது. இந்த வசதியினால் பாரவைக் குறைபாடு உள்ளவர்களும், காது கேட்க இயலாதவர்களும் இந்த படத்தை எளிமையாக காண முடியும். சினிமாவை அனைவரும் அணுகும் வகையில் இந்த ஏற்பாடு செய்யப்பட்டுள்ளது.

இது குறித்து லைகா நிறுவனம் வெளியிட்ட பதிவில், ‘ஆடியோ விளக்கம் மற்றும் குளோசட் தலைப்புகளுடன் முதல் தமிழ்ப் படமாக தடைகளை உடைத்தெறிந்த வேட்டையன்! சினிமாவை அனைவரும் அணுகும் வகையில் உருவாக்குகிறது’ என பதிவிட்டிருந்தது.

லிப் லாக் காட்சிக்கு பலே காரணம் சொன்ன நடிகை

இனியா நடிப்பில் ஸ்வீட்டி நாட்டி கிரேஸி திரைப்படம் உருவாகியுள்ளது. புதுமுக இயக்குநகர் ராஜசேகரன் இயக்கியுள்ள படத்தில் லிப் லாக். நெருக்கமான காட்சிகளில் நடித்துள்ளார் நடிகை இனியா. தப் படத்தின் அறிமுக விழா நிருபர் ஒருவர் படத்தில் இடம்பிடித்த லிப் லாக் காட்சி குறித்து கேள்வி கேட்டுள்ளார். அதற்கு பதில் அளித்த இனியா, "படத்தின் ஒளிப்பதிவாளர் பெண்ணாக இருந்த காரணத்தினால் தான் லிப் லாக் மட்டுமின்றி சில நெருக்கமான காட்சியிலும் நடித்துள்ளேன்" என்று மலுப்பலான பதிலை சொன்னார்.

லிங்கா ஏர் பலூன் காட்சி எடுக்க காரணமே ரஜினிதான்

லிங்கா ஏர் பலூன் சீன் வைக்க சொன்னதே ரஜினிதான். எடிட்டிங், படத்தின் இரண்டாம் பாதியில் தலையிட்டு டுவிஸ்டை கெடுத்தது வரை குட்டையை குழிப்பினார் ரஜினி என இயக்குநர் கே.எஸ். ரவிக்குமார் டூரிங் டாக்கிஸ் யுடியூப் சேனலுக்கு அளித்த பேட்டியில் கூறியுள்ள விஷயம் பரபரப்பை கிளப்பியுள்ளது.