வாழை, போகுமிடம் வெகு தூரமில்லை, யாஷிகா ஆனந்த் திர்ல்லர் படம்..விஜயதசமி ஸ்பெஷலாக ஓடிடியில் வெளியாகும் படங்கள் லிஸ்ட் இதோ

போகுமிடம் வெகு தூரமில்லை

விமல், கருணாஸ் நடித்து பேமிலி ட்ராமா பாணியில் உருவாகியிருக்கும் படம் போகுமிடம் வெகு தூரமில்லை. மைக்கேல் கே ராஜா இயக்கியிருக்கும் இந்த படம் அக்டோபர் 9இல் அமேசான் ப்ரைம் விடியோவில் வெளியாகியுள்ளது.

படிக்காத பக்கங்கள்

கடந்த மே மாதம் வெளியான இந்த படத்தில் யாஷிகா ஆனந்த், பிரஜின் பிரதான கதாபாத்திரத்தில் நடித்துள்ளார்கள். த்ரில்லர் பாணியில் உருவாகியிருக்கும் இந்த படத்தை செல்வம் மாதப்பன் இயக்கியுள்ளார். சுமார் நான்கு மாதம் கழித்து இந்த படம் சிம்பிளி செளத் என்ற ஓடிடி தளத்தில் வெளியாகிறது.

வேதா

கடந்த ஆகஸ்ட் மாதம் வெளியான இந்த இந்தி படத்தில் ஜான் ஆபிரகாம், ஷர்வாரி, ஆஷிஷ் வித்யார்த்தி பிரதான கதாபாத்திரங்களில் நடித்துள்ளார்கள். ஆக்சன் ட்ராமா பாணியில் உருவாகியிருக்கும் வேதா படம் நிகில் அத்வானி இயக்கியுள்ளார். பாக்ஸ் ஆபிஸில் தோல்வியை தழுவியி இந்த படம் ஜீ5 ஓடிடி தளத்தில் இந்தி, தமிழ், தெலுங்கு ஆகிய மொழிகளில் வெளியாகிறது

சர்ஃபிரா

சூர்யா நடிப்பில் தமிழில் சூப்பர் ஹிட்டான சூரரைபோற்று படத்தின் இந்தி ரீமேக்காக சர்ஃபிரா உருவாகியுள்ளது. இந்த படத்தில் அக்சய் குமார், பரேஷ் ராவல், ராதிகா மதன், சீமா பிஸ்வாஸ் உள்பட பலரும் நடித்துள்ளனர். சுதா கொங்காரா இயக்கியிருக்கும் இந்த படம் பாக்ஸ் ஆபிஸில் தோல்வியை தழுவியது. கடந்த ஜூலை மாதம் வெளியான இந்த படம் தற்போது டிஸ்னி ப்ளஸ் ஹாட்ஸ்டாரில் வெளியாகிறது.

ஜெய்மகேந்திரன்

சைஜு க்ரூப், சுஹாசினி மணிரத்னம், மியா ஜார்ஜ் முக்கிய கதாபாத்திரத்தில் நடித்திருக்கும் மலையாள வெப் சீரிஸ்யாக இருக்கும் ஜெய் மகேந்திரன், தமிழ், தெலுங்கு, கன்னடம் ஆகிய மொழிகளிலும் சோனி லைவ் ஓடிடி தளத்தில் அக்டோபர் 11 முதல் ஸ்டிரீமிங் ஆகிறது.

ஊழல் பேர்வழியாக இருக்கும் துணை தாசில்தார், தனது பெயரையும், வேலையையும் காப்பாற்றி கொள்ள எந்த எல்லைக்கும் செல்வதை விறுவிறுப்பான திரைக்கதையுடன் சொல்லும் கதையாக ஜெய்மகேந்திரன் உள்ளது.

லோன்லி பிளாணட்

ரெமாண்டிக் ட்ராமா பாணியில் உருவாகியிருக்கும் லோன்லி பிளானட் படத்தில் லாரா டெர்ன் மற்றும் லியாம் ஹெம்ஸ்வொர்த் நடித்துள்ளார்கள். மொராக்கோவுக்கு செல்லும் பெண் ஆசிரியரின் பயணத்தில் வசீகரிக்கும் இளைஞனைச் சந்திக்கும் போது, ​​அவளுடைய வாழ்க்கை எதிர்பாராத திருப்பத்தை ஏற்படுத்துகிறது, இது ஒரு உணர்ச்சிமிக்க மற்றும் உருமாறும் காதலுக்கு வழிவகுக்கும் கதையாக அமைந்துள்ளது.