சூர்யா 44 படப்பிடிப்பு நிறைவு! எனக்கு கிடைச்ச தம்பி கார்த்திக்! நெகிழ்ச்சியில் சூர்யா!
நடிகர் சூர்யாவின் 44 ஆவது படத்தை இயக்குநர் கார்த்திக் சுப்புராஜ் இயக்கி வந்தார். இதில் பூஜா ஹெக்டே ஹீரோயின் ஆக நடித்து வந்தார். இந்நிலையில் இப்படத்தின் சூட்டிங் நிறைவடைந்துள்ளது.
தமிழ் சினிமாவின் முன்னணி நடிகர்களின் முக்கியமானவர் நடிகர் சூர்யா ஆவார். வித்தியசமான கதைக் களம், மாறுபட்ட கதாபாத்திரம் என பல புது முயற்சிகளை கையாண்டு ரசிகர்களை ஆச்சர்யத்தில் ஆழ்த்துவார். அவரது புதிய பாணிக்கே தமிழ்நாட்டில் தனி ரசிகர்பட்டாளம் இருந்து வருகிறது. இவருக்கு அதிக பெண் ரசிகர்களும் உள்ளனர் என்பது குறிப்பிடத்தக்கது. இவ்வாறு சிறப்பான இடத்தில் இருந்து வந்த சூர்யாவிற்கு கடந்த ஆண்டில் இருந்தே எந்த படமும் வெளிவரவில்லை.
தற்போது சிறுத்தை சிவா இயக்கத்தில் வரலாற்று படமாக உருவாகி உள்ள கங்குவா வரும் நவம்பர் மாதம் வெளியாகும் எனத் தெரிவிக்கப்பட்டுள்ளது. இதனைத் தொடர்ந்து நடிகர் சூர்யாவின் 44 ஆவது படத்தை இயக்குநர் கார்த்திக் சுப்புராஜ் இயக்கி வந்தார். இதில் பூஜா ஹேக்டே ஹீரோயின் ஆக நடித்து வந்தார். இந்நிலையில் இப்படத்தின் சூட்டிங் நிறைவடைந்துள்ளது.
சூர்யா 44
நடிகர் சூர்யா, இயக்குநர் கார்த்திக் சுப்புராஜ் இயக்கத்தில் நடித்து வந்த இந்த திரைப்படம் கேங்ஸ்டர் தீமில் உருவாகிவருகிறது. இப்படத்தை நடிகர் சூர்யாவின் 2டி நிறுவனமும், கார்த்திக் சுப்புராஜின் ஸ்டோன் பென்ச் நிறுவனமும் தயாரிக்கிறது.இந்தப் படத்தில் பூஜா ஹெக்டே கதாநாயாகியாக நடிக்கிறார். இவர்களுடன், நடிகர்கள் ஜெயராம், கருணாகரன் போன்றோரும் நடித்து வருகின்றனர். இதற்கிடையில், சூர்யாவின் 44வது படத்தின் படப்பிடிப்பு கடந்த ஜூன் மாதம் தொடங்கி விறுவிறுப்பாக நடந்து வருகிறது.
இந்நிலையில், நடிகை பூஜா ஹெக்டே சூர்யா 44 படத்திற்கான தனது அனைத்து படபிடிப்பையும் நிறைவு செய்துள்ளார். அதனை கொண்டாடி அவர் கேக் வெட்டியும் கொண்டாடி தனது மகிழ்ச்சியை பதிவு செய்துள்ளார். மேலும் நேற்று (அக்டோபர் 6 ) சூர்யா தனது X தளத்தில் சூர்யா 44 படப்பிடிப்பு நிறைவு பெற்றதாக தெரிவித்து இருந்தார். மேலும் இப்படத்தில் பணியாற்றியது தனக்கு மிகவும் மகிழ்ச்சியையும், சிறந்த அனுபவத்தையும் வழங்கி இருப்பதாக தெரிவித்து உள்ளார். மேலும் என வாழ்நாள் முழுவதிற்கும் ஒரு சகோதரன் கிடைத்து விட்டதாக கார்த்திக் சுப்புராஜை குறிப்பிட்டு இருந்தார்.
கெஸ்ட் ரோலில் சூர்யா
சூர்யா, கடைசியாக கதாநாயகனாக நடித்து வெளியான திரைப்படம் என்றால் அது எதற்கும் துணிந்தவன் தான். அதன்பின் வெளியான கமலின் விக்ரம் படத்தில் கெஸ்ட் ரோலில் ரோலக்ஸ் எனும் கதாபாத்திரத்தில் நடித்திருப்பார். பின் மாதவன் இயக்கி நடித்த ராக்கெட்ரி படத்திலும் கெஸ்ட் ரோல் செய்திருப்பார்.
சூர்யா ரசிகர்கள் மகிழ்ச்சி
அடுத்தடுத்து எந்த படமும் வெளியாகமல் இருந்ததால் சூர்யாவின் ரசிகர்கள் சற்று ஏக்கத்தில் இருந்து வந்தனர். தற்போது கங்குவா, சூர்யா 44 என தொடர்ந்து அப்டேட் வந்து அவர்களை மகிழ்ச்சி அடைய வைத்திருக்கிறது. மேலும் கடந்த சில ஆண்டுகளில் சூர்யா நடிக்க ஒப்பந்தமாகிய படங்கள் எதுவும் சரிவர செயல்படவில்லை. இயக்குநர் பாலா இயக்கத்தில் சூர்யா நடித்து வந்த வணங்கான் படத்தில் இருந்து விலகியது, வெற்றி மாறன் இயக்கத்தில் கமிட் ஆகிய வாடிவாசல் எந்த அறிவிப்பும் இன்றி உள்ளது என பல நெருக்கடியில் இருந்தார் சூர்யா. இப்போது தொடர்ந்து படங்கள் வெளியாவதை தொடர்ந்து சூர்யாவும் குஷியில் உள்ளார்.
டாபிக்ஸ்