Nikhila Vimal: வாழை ஓடிடி ரிலீஸ் முன்னர் கண்டிப்பாக பார்த்து ரசிக்க வேண்டிய நிகிலா விமல் படங்கள் - இதோ லிஸ்ட்

தவிர சமூக வலைத்தளங்களில் அவரது பல விடியோக்களும் வைரலாகி வருகிறது. டிவி நிகழ்ச்சி ஒன்றில் தொகுப்பாளர் கேள்விக்கு இவர் தந்த நய்யாண்டி பதிலை வைத்து தக்லைஃப் நாயகி என நிகிலா விமலை இணையவாசிகள் கொண்டாடி வருகின்றனர்.

வாழை படம் ஓடிடி ரிலீஸுக்கு முன்னர் நிகலா விமல் நடிப்பில் கண்டிப்பாக பார்த்து ரசிக்க கூடிய படங்கள் எவையெல்லாம் என்பதும், எந்தெந்த ஓடிடியில் அவை உள்ளன என்பதையும் பார்க்கலாம்

மதுரம்

நிகிலா விமல், ஜோஜு ஜார்ஜ், ஸ்ருதி ராமசந்திரன் உள்பட பலர் நடித்து ரெமாண்டிக் ட்ராமா பாணியில் உருவாகியிருக்கும் மலையாள படமான மதுரம், சோனி லைவ் ஓடிடி தளத்தில் உள்ளது. காதல், பிரண்ட்ஷிப் என பீல் குட் படமாக ரசிகர்களை இந்த படம் வெகுவாக கவர்ந்தது.

ஜோ அண்ட் ஜோ

நிகிலா விமல், மேத்யூ தாமஸ் பிரதான கதாபாத்திரத்தில் நடித்திருக்கும் இந்த படம் அக்கா - தங்கை உறவை மையப்படுத்திய கதையாக அமைந்துள்ளது. 2022இல் வெளியாகி ஹிட்டான இந்த மலையாள படம் அமேசான் ப்ரைம் விடியோவில் உள்ளது

போர் தொழில்

அறிமுக இயக்குநர் விக்னேஷ் ராஜா இயக்கத்தில் அசோக் செல்வன், சரத்குமார், நிகிலா விமல் பிரதான கதாபாத்திரத்தில் நடித்த படம் போர் தொழில். கடந்த ஆண்டு வெளியான இந்த த்ரில்லர் படம் நல்ல வரவேற்பை பெற்றது. பாக்ஸ் ஆபிஸிலும் வசூலை குவித்த இந்த படம் சோனி லைவ் ஓடிடி தளத்தில் இடம்பிடித்துள்ளது

குருவாயூர் அம்பலநடையில்

கடந்த மே மாதம் வெளியாக ரசிகர்களை பெரிதும் கவர்ந்த குருவாயூர் அம்பலநடையில் படம் டிஸ்னி ப்ளஸ் ஹாட்ஸ்டார் ஓடிடி தளத்தில் உள்ளது. படத்தில் பிருத்விராஜ் சுகுமாரன், பேசில் ஜோசப், நிகலா விமல், யோகி பாபு உள்பட பலரும் நடித்துள்ளார்கள்.

இந்த படத்தின் நிகிலா வரும் சில காட்சிகளில் தமிழில் சூப்பர் ஹிட்டான அழகிய லைலா ஒலிக்கவிட்டிருப்பார்கள். இதன் மூலம் ட்ரெண்ட் நாயகியாக மாறினார் நிகிலா.

அரவிந்தன் அதிதிகள்

நிகிலா விமல், வினித் சீனிவாசன் பிரதான கதாபாத்திரங்களில் நடிக்க 2018இல் வெளியான காமெடி படம் அரவிந்தன் அதிதிகள். பல்வேறு விருதுகளை குவித்த இந்த படம் பாக்ஸ் ஆபிஸ் வசூலிலும் பட்டையை கிளப்பியது. ரசிகர்களை கவர்ந்த படமாக இருக்கும் அரவிந்தன் அதிதிகள் டிஸ்னி ப்ளஸ் ஹாட் ஸ்டாரில் உள்ளது.

நிகிலா விமல் வெப் சீரிஸ்

சினிமா தவிர வெப் சீரிஸ்களிலும் நிகிலா விமல் நடித்துள்ளார். அவர் நடித்திருக்கும் மந்தகம் என்ற கேங்ஸ்டர் ட்ராமா வெப் சீரிஸ் டிஸ்னி ப்ளஸ் ஹாட் ஸ்டாரில் உள்ளது. அதேபோல் பேரிலூர் பிரீமியர் லீக் என்ற மலையாள வெப் சீரிஸும் டிஸ்னி ப்ளஸ் ஹாட் ஸ்டாரில் இடம்பிடித்துள்ளது.

அத்துடன் வெற்றிவேல் படத்தை தொடர்ந்து சசிக்குமார் ஜோடியாக நிகிலா விமல் மீண்டும் இணைந்து நடித்த படம் கிடாரி. ஆக்சன் த்ரில்லர் பாணியில் உருவாகியிருக்கும் இந்த படம் ஏர்டெல் எக்ஸ்ட்ரீம் தளத்தில் உள்ளது.

சமூக வலைத்தளங்களில் எங்களை பின் தொடரலாம். லிங்க்குகள் கீழே கொடுக்கப்பட்டு உள்ளன:

Twitter: https://twitter.com/httamilnews

Facebook" https://www.facebook.com/HTTamilNews

You Tube: https://www.youtube.com/@httamil

Google News: https://tamil.hindustantimes.com/