தொடர்ந்து வசூல் வேட்டை நிகழ்த்தும் அமரன்..ரூ. 50 கோடிக்கே தடுமாறும் கங்குவா! இன்றைய பாக்ஸ் ஆபிஸ் நிலவரம்
தொடர்ந்து வசூல் வேட்டை நிகழ்த்தும் அமரன்ரூ. 50 கோடிக்கே தடுமாறும் கங்குவா, மழையால் பாதிக்கப்பட்ட ஆர்.ஜே. பாலாஜியின் சொர்ககவாசல் வசூல்
தீபாவளிக்கு ரிலீசான அமரன் திரைப்படம் பல்வேறு திரையரங்குகளில் இருந்த தூக்கப்பட்டாலும் இன்னும் ஓடிக்கொண்டிருக்கும் திரையரங்கில் வசூல் வேட்டையை நடத்தி வருகிறது. அதேசமயம் சூர்யாவின் கங்குவா தமிழ்நாட்டில் கூட இன்னும் ரூ. 50 கோடி பாக்ஸ் ஆபிஸ் வசூலை கலெக்ட் செய்ய தடுமாறி வருகிறது.
இதற்கிடையே நல்ல விமர்சனங்களை பெற்று, ரசிகர்களிடையே வரவேற்பை பெற்றபோதிலும் மழை காரணமாக ஆர்.ஜே.பாலாஜியின் சொர்க்கவாசல் படத்தின் வசூல் கடுமையாக பாதிக்கப்பட்டுள்ளது.
அமரன் பாக்ஸ் ஆபிஸ் வசூல் நிலவரம்
சிவகார்த்திகேயன் - சாய் பல்லவி நடிப்பில், போரில் வீரமரணம் அடைந்த மேஜர் முகுந்த் வரதராஜனின் வாழ்க்கை வரலாற்றை அடிப்படையாக வைத்து உருவாகியிருந்த அமரன் படம் தீபாவாளி ரிலீசாக அக்டோர் 31ஆம் தேதி வெளியானது. தீபாவளி ரேஸில் வெற்றியை பெற்ற இந்த படம் வெளியாகி 32 நாள்கள் ஆகியிருக்கும் நிலையில், பாக்ஸ் வசூல் நிலவரங்களை வெளிப்படுத்தும் Sacnilk.com இணையத்தள தகவலின்படி, "அமரன் படம் 32வது நாளில் ரூ. 1.16 கோடி வசூலை செய்துள்ளது.