"அமரன் வெற்றிக்கு எனது வாழ்த்துகள்" - பாதுகாப்பு துறை அமைச்சருடன் சிவகார்த்திகேயன் சந்திப்பு
Published Nov 29, 2024 07:16 PM IST
அமரன் படம் பெற்றிருக்கும் வெற்றிக்கு சிவகார்த்தியேனிடம் தனது வாழ்த்துகளை தெரிவித்துள்ளார் மத்திய பாதுகாப்பு துறை அமைச்சர் ராஜ்நாத் சிங்.
மத்திய பாதுகாப்பு துறை அமைச்சருடன் சிவகார்த்திகேயன் சந்திப்பு
சிவகார்த்திகேயன் நடிப்பில் தீபாவளி ரிலீசாக வெளியான படம் அமரன். போர்களத்தில் வீரமரணமடைந்த தமிழ்நாட்டை சேர்ந்த ராணுவ வீரரான மேஜர் முகுந்த் வரதராஜன் வாழ்க்கையை அடிப்படையாக வைத்து உருவாகியிருந்த இந்த படம் சூப்பர் ஹிட்டானது பாக்ஸ் ஆபிஸிலும் ரூ. 300 கோடிக்கு மேல் வசூலித்துள்ளது.
படத்தில் மேஜர் முகந்த் வரதராஜனாக, சிவகாராத்திகேயனும், அவரது மனைவி இந்து ரெபாக்கா வர்கீஸ் ஆக சாய் பல்லவியும் நடித்திருந்தார்கள். அறிமுக இயக்குநர் ராஜ்குமார் பெரியசாமி படத்தை இயக்கியுள்ளார்.
பாதுகாப்பு துறை அமைச்சர் ராஜ்நாத் சிங்குடன் சந்திப்பு
அமரன் படம் பெற்றிருக்கும் மாபெரும் வெற்றியை தொடர்ந்து நடிகர் சிவகார்த்திகேயன் மற்றும் அமரந் படக்குழுவினர்கள் மத்திய பாதுகாப்பு துறை அமைச்சர் ராஜ்நாத் சிங்கை டெல்லியில் இன்று சந்திதுள்ளார்கள்.