Biriyani Man Arrested: பிரியாணி மேன் அதிரடி கைது - ஸ்கெட்ச் போட்டு தூக்கிய போலீஸ்; சந்தோஷத்தில் டெய்லர் அக்கா ரசிகர்கள்
Biriyani Man Arrested: பிரியாணி மேன் அதிரடியாக கைது செய்யப்பட்டுள்ளார். ஸ்கெட்ச் போட்டு போலீஸார் தூக்கியதால், சந்தோஷத்தில் டெய்லர் அக்கா ரசிகர்கள் உள்ளனர்.
Irfan vs Biriyani Man: பிரபல யூடியூபர் இர்ஃபானுக்கு அறிமுகமே தேவையில்லை. பல்வேறு உணவகங்களுக்கு சென்று அந்த உணவகத்தில் இருக்கும் உணவுகளை ருசித்து அதனை வீடியோவாக வெளியிட்டு வருகிறார். இவர் சமீப காலமாக சினிமா பிரபலங்களையும், அரசியல்வாதிகளையும் பேட்டி எடுத்து வருகிறார். இர்ஃபானுக்கு யூடியூப்பில் 4 மில்லியன் ஃபாலோயர்கள் இருக்கிறார்கள்.
இர்ஃபானை வட்டமடிக்கும் சர்ச்சைகள்:
இர்ஃபானுக்கு எந்த அளவிற்கு புகழ் இருக்கிறதோ, அதே அளவிற்கு சர்ச்சைகளும் அவரைச் சுற்றி இருக்கிறது. கடந்த ஆண்டு அவரின் கார், சென்னையை அடுத்த மறைமலை நகர் அருகே விபத்தில் சிக்கியது. இந்த விபத்தில் சாலையைக் கடக்க முயற்சி செய்த மூதாட்டி ஒருவர் உயிரிழந்தார். பின்னர் இர்ஃபானின் காரை, அவரது உறவினர் அசாருதீன் என்பவர் ஓட்டி வந்ததாக சொல்லப்பட்டது.
அதேபோல் துபாய் சென்று தன் குழந்தையின் பாலினத்தை தெரிந்துகொண்டு, அதை தனது யூட்யூப் மூலம் பொதுவெளியில் அறிவித்து சர்ச்சையில் சிக்கினார். இதனால், அவரை தமிழக சுகாதாரத்துறை அதிகாரிகள் வரை அழைத்து கண்டித்தனர்.
Irfans Views vs Biriyani Man:
இப்படி இருக்கும் நிலையில் சமீப காலமாக யூ-டியூப்பில் ட்ரெண்டாக மாறி இருக்கும் சேனல் தான், பிரியாணி மேன். இதை நடத்தி வருபவர், அபிஷேக். இவருக்கும் இர்ஃபானுக்கும் சமீப காலமாக பெரிய பஞ்சாயத்து நடந்து வருகிறது.
இர்ஃபான் தான் காரை ஓட்டி வந்து விபத்து ஏற்படுத்தினார், அவரை அரசியல் கட்சியினர் காப்பாற்றிவிட்டதாக பொதுவெளியில் கூறினார். அதேபோல் இர்ஃபான் சென்று ரிவ்யூ செய்யும் உணவகங்களில் தரமான உணவு வழங்கவில்லை; அவர் விளம்பரத்திற்காக பணம்பெற்றுக்கொண்டு ரிவ்யூ செய்கிறார் என அடுக்கடுக்காக அவரை விமர்சனம் செய்து வீடியோ வெளியிட்டு இருந்தார், பிரியாணி மேன் அபிஷேக். இதைப் பார்த்து கடுப்பான இர்ஃபான் அவருக்கு பதிலடியும் கொடுத்தார்.
டெய்லர் அக்காவுடனும் வம்பிழுத்த பிரியாணி மேன்:
இர்ஃபானுடன் மட்டும் இல்லாமல், யூடியூப் பிரபலமான டெய்லர் அக்கா ஆபாசமான காட்சியமைப்பு மூலம் வீடியோ சூட் செய்து வெளியிடுகிறார் என பகிரங்கமாக குற்றம்சாட்டினார். இதனால் அவரின் ரசிகர்கள், கடுமையாக பிரியாணி மேனை சாடியதாக சொல்லப்படுகிறது.
தற்கொலை முயற்சி எடுத்த பிரியாணிமேன்:
இந்நிலையில் இந்த பிரச்னை ஒரு புறம் சென்று கொண்டு இருக்க நேற்று, பிரியாணி மேன் தனது யூடியூப் சேனலின் லைவ் வீடியோவில் தற்கொலைக்கு முயன்றார். இதற்கு ஜேசன் என்பவர் தான் காரணம் என்று கூறி விட்டு, தற்கொலை செய்துகொள்ள முயன்றபோது, லைவ் பார்த்த நண்பர் பிரியாணி மேனின் தாய்க்கு போன் செய்தார்.
உடனே அவர் சென்று தன் மகனை காப்பாற்றினார். இது தொடர்பான வீடியோ தற்போது இணையத்தில் வைரலாகி வருகிறது.
தற்கொலை செய்து கொள்வதே தவறே, அதை அவர் லைவ் வீடியோவில் முயன்றது மிகப்பெரிய தவறு. அதனால் சட்டப்படி பிரியாணி மேன் அபிஷேக் மீது நடவடிக்கை எடுக்க வேண்டும் என நெட்டிசன்கள் குரல் கொடுத்து வருகிறார்கள்.
கைதுசெய்யப்பட்ட பிரியாணி மேன்:
இந்நிலையில் பெண் ஒருவர் கொடுத்தப் புகாரின் அடிப்படையில் பெண்கள் வன்கொடுமை தடுப்புச் சட்டம் உள்ளிட்ட பிரிவுகளின் கீழ், ‘பிரியாணி மேன்’ என்று அழைக்கப்படும் யூடியூபர் அபிஷேக்கை சென்னை சைபர் கிரைம் போலீஸார் கைது செய்தனர்.
தற்கொலை தீர்வல்ல
வாழ்க்கையில் வரும் கவலைகளும், துன்பங்களும் நிரந்தமானது அல்ல. அவற்றை தற்காலிகமாக்குவதும், நிரந்தரமாக்குவதும் நாம் அதை எதிர்கொள்வதில் தான் உள்ளது. தற்கொலை எதற்கும் தீர்வு ஆகாது. வாழ்க்கையை மகிழ்வாய் வாழும் வழிகளை கண்டறிய துவங்கினால் வாழ்க்கை சுவாரஸ்யமானதாக இருக்கும். ஒருவேளை உங்களுக்கு மன அழுத்தம் ஏற்பட்டாலோ, தற்கொலை எண்ணம் உருவானாலோ அதிலிருந்து மீண்டும் வர கீழ்காணும் எண்களை அழைக்கலாம்.
மாநில உதவி மையம் :104
சினேகா தன்னார்வ தொண்டு நிறுவனம்,
எண்; 11, பார்க் வியூவ் சாலை, ஆர்.ஏ. புரம்,
சென்னை - 600 028.
தொலைபேசி எண் - (+91 44 2464 0050, +91 44 2464 0060)
டாபிக்ஸ்