Story Of Song : பாரதிராஜா மனதில் நினைத்ததை பாட்டில் சொன்ன கண்ணதாசன்.. ஆட்டுக்குட்டி முட்டையிட்டு பாடல் உருவான கதை!

படத்தில் இடம்பிடித்த அனைத்து பாடல்களும் இன்றளவும் ஒலிக்கும் விதமாகவும், ரசிக்கும் விதமாகவும் சூப்பர் ஹிட் பாடலாக அமைந்துள்ளன.இப்படத்தில் இடம்பெற்ற ஆட்டுக்குட்டி முட்டையிட்டு பாடல் உருவான கதை குறித்து இதில் பார்க்கலாம்.

பிரபல பாடகராக உருவெடுத்த மலேசியா வாசுதேவன்

மலேசியா வாசுதேவன் முதன் முதலில் பாடகராக உருவானது இந்தபாடலில் தான். ஒருமுறை 16 வயதினிலே படப்பிடிப்பில் ஆட்டுக்குட்டி முட்டையிட்டு என்ற பாடலைப் எஸ்.பி. பாலசுப்பிரமணியம் பாடுவதாக இருந்தது. ஆனால் திடீரென அவருக்கு உடல் நலம் பாதிக்கப்பட்டது. அதனால், இளையராஜா அப்போது மலேசியா வாசுதேவனை பாட வைத்தாராம். அந்த பாடல் பட்டிதொட்டி எங்கும் ஹிட் ஆகவே பிரபல பாடகராக உருவெடுத்தாராம் மலேசியா வாசுதேவன்.

ஆட்டுக்குட்டி முட்டையிட்டு பாடல் உருவான கதை

16 வயதினிலே திரைப்படம் பாரதிராஜாவுக்கு முதல் திரைப்படம். இந்த திரைப்படத்தில் கண்ணதாசன் பாடல் எழுதினால் நன்றாக இருக்கும் என கருதி அவரிடம் பேசுகிறார் பாரதிராஜா. அவரும் இப்படத்திற்கு பாடல் எழுத சம்மதிக்கிறார்.

ஏனென்றால் கண்ணதாசனை பார்த்து வளர்ந்த பாரதிராஜா தனது முதல் படத்தில் அவர் பாடல் எழுத வேண்டும் என நினைத்து அவரை அணுகி சம்மதிக்க வைக்கிறார். கண்ணதாசனிடம் பாடலுக்கான சூழ்நிலை பாரதிராஜா சொல்கிறார். அதாவது விவரம் இல்லாத ஒருத்தன் பாடுவது போல இப்பாடல் இருக்க வேண்டும் என பாரதிராஜா கூறுகிறார்.

இதைக் கேட்ட கண்ணதாசன் சரி எனக்கூறி பாடலை எழுத தொடங்குகிறார். பாரதிராஜாவோ இப்பாடல் விவரம் இல்லாதவன் பாடுவது போல இருப்பதால் கண்டிப்பாக கண்ணதாசன் இதற்கு நேரம் எடுத்துக் கொள்வார் என நினைத்தார். ஆனால் கண்ணதாசன் இந்த பாடலை உடனடியாக எழுதிக் கொடுத்து விட்டார்.

இரண்டு வரிகளை சேர்க்க நினைத்த பாரதிராஜா

அவர் ஆட்டுக்குட்டி முட்டையிட்டு கோழிக்குஞ்சு வந்ததுன்னு வரிகளை எழுதிக் கொடுத்ததும் இவ்வரிகள் பாடலைப் போல இல்லாமல் பேசுவது போல இருக்கிறது என பாரதிராஜா எண்ணியுள்ளார். பின்னர் இந்த பாடலை மெட்டுடன் இணைத்து கேட்கும்போது அருமையாக வந்தது.

இதில் இன்னொரு சிறப்பு என்னவென்றால் இப்பாடலில் பாரதிராஜா இரண்டு வரிகளை சேர்க்க நினைத்தார். கண்ணதாசனிடம் சொன்னால் பாடலை நம்மையே எழுத சொல்லி விடுவாரோ என்ற பயத்தில் அவர் இருந்தார். அது மட்டும் இல்லாமல் அவர் எழுதிக் கொடுத்து விட்ட உடன் நாம் மாத்தி விடலாமா என்ற எண்ணத்தில் இருந்த பாரதிராஜா அப்படி மாற்றினால் கண்ணதாசன் கோபம் கொள்வார் என நினைத்தார்.

பாரதிராஜா பாடலை பார்த்ததும் அதிர்ச்சி

பின்னர் கண்ணதாசன் பாடலை முழுவதுமாக எழுதி பாரதிராஜாவிடம் கொடுத்தார். பாரதிராஜா பாடலை பார்த்ததும் அதிர்ச்சியானார். ஏனெனில் தான் நினைத்த வரிகளை அப்படியே அவர் பாடலில் எழுதி இருப்பார். அந்த இரண்டு வரி தான் பழைய நினைப்பு தான் பேராண்டி பழைய நினைப்புதான் என அப்பாடலில் ஒரு பாட்டி பாடுவது போல வரும். அந்த வரிகளை தான் பாரதிராஜா இணைக்க வேண்டும் என்று நினைத்திருந்தார். ஆனால் கண்ணதாசனே அந்த வரிகளை சேர்த்து எழுதியிருப்பார். இப்படி தான் இப்பாடல் உருவானது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.