சுசித்ரா, சின்மயி பழிவாங்க பேசுறாங்க.. வேட்டைக்காரியா இருந்தாலும் நான் ஜோக்கர் தான்.. நடிகை சொன்ன சீக்ரெட்

இந்நிலையில், அவர் தற்போது வேட்டைக்காரி எனும் திரைப்படத்தில் கதாநாயகியாக நடித்து வருகிறார். காளிமுத்து காத்தமுத்து இயக்கியுள்ள இப்படத்தை விஷ்ணுப்பிரியா வேலுச்சாமி தயாரித்துள்ளார். கவிப்பேரரசு வைரமுத்து அனைத்து பாடல்களையும் எழுதியுள்ளார். இந்தப் படம் விரைவில் திரைக்கு வரவுள்ள நிலையில், நடிகை சஞ்சனா நக்கீரன் ஸ்டூடியோவிற்கு பேட்டி ஒன்று அளித்துள்ளார்.

நான் குத்துப் பாட்டிற்கு ஆட வந்தவள் இல்லை

அதில் பேசிய நடிகை சஞ்சனா, நடிகர் விஜய் நடிப்பில் வேட்டைக்காரன் படம் வந்தது. அதுபோல எனக்கு வேட்டைக்காரி என்ற படம் கிடைத்துள்ளது. இதில் போலீஸ் அதிகாரியாக நடித்துள்ளேன் என்றார். என்னைப் பலரும் சினிமா குத்து பாடலுக்கு நடனமாடுபவர் எனக் கூறுகின்றனர். நான் தமிழில் நடித்த முதல் படம் ரேணிகுண்டா. இதில் நான் ஒன்றும் குத்து பாட்டிற்கு ஆட வரவில்லை. நான் ஒரு நடிகை. அதிலிருந்து படிப்படியாக வந்தது தான் நடனமாடுவது எனக் கூறியிருந்தார். சினிமாவில், ஆண்கள், பெண்கள் என்ற பாகுபாடு உள்ளது. அதை முதலில் நிறுத்த வேண்டும்.

நிச்சயம் அரசியலுக்கு வருவேன்

நான் என் மனதில் பட்டதை மிகவும் வெளிப்படையாக பேசி விடுவேன். எனக்கு அரசியலுக்கு வரவேண்டும் என்ற ஆசையும் உள்ளது. அரசியலில் மறைந்த முதலமைச்சர் ஜெயலலிதாவை எனக்கு மிகவும் பிடிக்கும். அவரைப் போல ஆக வேண்டும் என்பது ஆசை என்றார்.

எல்லா இடத்திலும் அட்ஜெஸ்ட்மென்ட்

சினிமா மட்டுமல்ல அனைத்து துறைகளிலும் அட்ஜெஸ்ட்மென்ட் உள்ளது. இதில் யாரேனும் பாதிக்கப்பட்டால் உடனடியாக தகவல் தெரிவிக்க வேண்டும். பாடகி சுசித்ரா, சின்மயி போன்றோர் பாடலாசிரியர் வைரமுத்து மேல் பழி சுமத்தி வருகின்றனர். ஏதாவது பிரச்சனை நடந்திருந்தால் அதை அவர்கள் அப்போதே வெளிப்படுத்தி இருக்க வேண்டும். இது மேலும் பல பெண்கள் பாதிக்காமல் தடுக்கவும் உதவும். ஆனால், அப்படி செய்யாமல் 10 வருடம் கழித்து இப்போது வந்து குற்றம்சாட்டினால், அவர்கள் மனதுக்குள் வைரமுத்துவை பழிவாங்கும் நோக்கம் தான் இருக்கிறது என்றார்.

டிஆர்பிக்காக எதையும் செய்வார்கள்

நடிகர், நடிகைகளை பலரும் தங்களின் ரோல் மாடலாக நினைத்துக் கொண்டிருக்கும் சமயத்தில், சிலர் அவர்கள் பற்றியும், அவர்கள் குடும்பத்தை பற்றியும் தனிப்பட்ட வாழ்க்கை பற்றியும் அவதூறான கருத்துகளை தொடர்ந்து முன்வைக்கின்றனர். அவர்கள் டிஆர்பி கிடைக்க வேண்டும் என்ற நோக்கத்தில் தான் இத்தனையும் செய்கின்றனர்.

இதுதான் பிரச்சனை

டதிருமணம் என்பது இருவரின் தனிப்பட்ட வாழ்க்கை. அந்த வாழ்க்கையில் இருவருக்கும் சந்தோஷம் இல்லை என்றால் ஏன் அந்த உறவில் இருக்க வேண்டும். திருமணம் என்ற வார்த்தையை மட்டும் எல்லாரும் பெரிதுபடுத்தி பேசி உறவை மறந்து விடுகின்றனர். அதுதான் இங்கு பிரச்சனை என பேசியுள்ளார்.

நான் ஒரு ஜோக்கர்

என் வாழ்க்கையில் நான் ஜோக்கராகத் தான் இருக்கிறேன். மற்றவர்களை சிரிக்க வைக்க நாம் பல விஷயங்களை செய்கிறோம். ஆனால், நம்மை சிரிக்க வைக்க ஒன்றும் செய்வதில்லை. எனக்கே என்னை நினைத்தால் சிரிப்பு வரவேண்டும் அதற்கான வேலைகளை நான் செய்தால், நான் வாழ்க்கையில் மகிழ்ச்சியாக இருப்பேன். நான் என் வாழ்க்கையை இப்படி வாழ்வதால் எனக்கு இதுவரை வாழ்க்கையில் பிரச்சனை என சொல்லிக் கொள்ள எதுவும் இல்லாமல் போனது. என்னுடைய குழந்தையை பார்த்தால் என் உலகமே மறந்து சந்தோஷத்திற்கு போய்விடுவேன் எனவும் கூறியுள்ளார்.