இணையத்தில் வெளியான வீடியோ.. பாதிக்கப்பட்டவருக்கு கிடைத்த அங்கீகாரம்.. நடிகை ராஷ்மிகா நெகிழ்ச்சி

ராஷ்மிகாவின் வீடியோ

அந்த வீடியோவில், லிஃப்ட் ஒன்று மூடத் தயாராக இருக்கும் சமயத்தில் ராஷ்மிகா வேகமாக வந்து லிஃப்டில் நுழைவது போன்ற காட்சிகள் இடம்பெற்றன. இந்த வீடியோ வைரலான நிலையில், இந்த வீடியோவில் இருப்பது தான் இல்லை என மறுப்பு தெரிவித்து சைபர் கிரைம் போலீசில் ராஷ்மிகா மந்தனா புகாரளித்தார். பின்னர் இந்த வழக்கை விசாரித்த போலீசார், ராஷ்மிகாவை தொடர்புபடுத்தி வெளியான வீடியோ போலியானது. ஏஐ டீப் ஃபேக் தொழில்நுட்பத்தின் உதவியுடன் வேறொரு பெண் உள்ள வீடியோவில் ராஷ்மிகாவின் முகம் மாற்றப்பட்டுள்ளதாக கூறினர்.

அடுத்தடுத்து பாதிக்கப்பட்ட நடிகைகள்

பின் அந்த வீடியோவை சோசியல் மீடியா தளங்களிலிருந்து அப்புறப்படுத்துவதற்குள், கேத்ரினா கைஃப், கஜோல், ஆலியா பட் ஆகியோரின் டீப் ஃபேக் வீடியோக்கள் சமூக வலைதளங்களில் வைரலாகின. இதையடுத்து, அமிதாப் பச்சன் உள்ளிட்ட பல திரைபிரபலங்கள் பாதிக்கப்பட்ட நடிகைகளுக்கு துணையாக நின்றனர்.

பின், போலீசார் குற்றவாளிகளை கண்டறிந்து இணையத்தில் உள்ள அனைத்து வீடியோக்களையும் நீக்கினர். பின்னர், இந்த வீடியோ குறித்து பேசிய ராஷ்மிகா மந்தனா, இதுபோன்ற நடவடிக்கைகள் தன்னை பயமுறுத்துவதாக கூறியிருந்தார்.

சைபர் கிரைம் அம்பாசிடரான ராஷ்மிகா

இந்நிலையில், நடிகை ராஷ்மிகா மந்தனா, இந்திய சைபர் கிரைம் ஒருங்கிணைப்பு குழுவின் பிராண்ட் அம்பாசிடராக நியமிக்கப்பட்டுள்ளார். இது தொடர்பாக அவர் தனது இன்ஸ்டாகிராம் பக்கத்தில் விழப்புணர்வு கருத்துகளை வீடியோவாக பதிவு செய்துள்ளார்.

விழிப்புணர்வு ஏற்படுத்தி வீடியோ வெளியீடு

அதில், “ டிஜிட்டல் உலகத்தில் வாழும் நாம் பல நேரங்களில் சைபர் குற்றங்களால் பாதிப்பிற்குள்ளாகுகிறோம். சைபர் குற்றத்தால் பாதிக்கப்பட்டவர் என்ற முறையில், ஆன்லைன் உலகத்தைப் பாதுகாக்க கடுமையான நடவடிக்கைகள் எடுக்கும் நேரம் வந்துவிட்டது என நம்புகிறேன்.

நமக்காகவும் எதிர்கால சந்ததியினருக்காகவும் பாதுகாப்பான சூழலை உருவாக்க நாம் அனைவரும் ஒன்றிணைய வேண்டிய நேரம் வந்துவிட்டது. ஐ4சி (I4C)க்கான பிராண்ட் அம்பாசிடராக நான் பொறுப்பேற்றுள்ளேன். இதந் பின், ​​இணையக் குற்றங்கள் குறித்த விழிப்புணர்வை அதிகளவு ஏற்படுத்த உள்ளேன். மேலும் அந்தக் குற்றங்களில் இருந்து உங்களை முடிந்த அளவு பாதுகாக்கவும் விரும்புகிறேன்.

புகாரளிக்கும் முறை

சைபர் குற்றங்களால் பாதிக்கப்பட்ட மக்கள் 1930 என்ற எண்ணிற்கு சைபர் குற்றங்கள் குறித்து புகாரளிக்கலாம். அல்லது அல்லது cybercrime.gov.in என்ற இணையதளத்திலும் புகார்களை பதிவு செய்யலாம். உங்கள் புகார் தொடர்பாக அரசாங்கத்துடன் இணைந்து நானும் உதவ உள்ளேன்” எனக் கூறியுள்ளார்.

முன்னதாக, மத்திய அரசின் தகவல் தொழில்நுட்பத்துறை, போலியாக வீடியோ சித்தரித்து வெளியிட்டால் மூன்று ஆண்டுகள் சிறை, குற்றம் நிரூபிக்கப்பட்டால், சிறைத் தண்டனையோடு ஒரு லட்சம் அபராதம் என உத்தரவிட்டது குறிப்பிடத்தக்கது.

கீதா கோவிந்தம் படத்தில் நடித்ததன் மூலம் பிரபலமான நடிகையாக மாறிய ராஷ்மிகா மந்தனா தற்போது தமிழில் தனுஷுன் குபேரா படத்திலும், தெலுங்கில் அல்லு அர்ஜூனுடன் புஷ்பா 2 படத்திலும், இந்தியில் சல்மான் கானின் சிக்கந்தர் படத்திலும் நடித்து வருகிறார். மேலும் ரெயின்போ மற்றும் ‘தி கேர்ள் ஃபிரண்ட்’ ஆகிய தெலுங்கு படங்களிலும் நடித்து வருகிறார்.