கலகலப்பு 3 கன்பர்ம்! குஷ்பு சொன்ன குட் நியூஸ்! தயாரிப்பாளரும் ஓகே வா! ரசிகர்களுக்கு ட்ரீட் தான்!
இயக்குனர் சுந்தர் சியின் அடுத்த படமாக கலகலப்பு படம் தொடங்க உள்ளதாக அவரது மனைவி எக்ஸ் தளத்தில் தெரிவித்துள்ளார்.
தமிழ் சினிமாவின் முன்னணி இயக்குனர்களில் ஒருவராக இயக்குனர் சுந்தர்.சி இருந்து வருகிறார். இவரது படங்கள் முழுக்க முழுக்க நகைச்சுவையை மையப்படுத்தி வரும் சிறப்பான படங்களாக அமைந்துள்ளது. முதன் முதலாக 1995 ஆம் ஆண்டு முறைமாமன் என்ற படத்தின் மூலம் தமிழ் சினிமாவிற்கு இயக்குனராக அறிமுகமாகி இருந்தார். அதனை தொடர்ந்து முறை மாப்பிள்ளை, உள்ளத்தை அள்ளித்தா, மேட்டுக்குடி என பல நகைச்சுவை படங்களை இயக்கியுள்ளார். மேலும் சூப்பர் ஸ்டார் ரஜினிகாந்தின் சூப்பர் ஹிட் படமான அருணாச்சலம் படத்தை சுந்தர் சி இயக்கியுள்ளார்.
இவரது படங்களில் வரும் காமெடி காட்சிகளும் வசனங்களும் ரசிகர்களை வெகுவாக கவர்ந்தது. இவரது லண்டன், வின்னர், கிரி போன்ற நகைச்சுவை படங்களுக்கு ரசிகர்கள் மத்தியில் அதன் காமெடி காட்சிகளுக்கெனவே தனியிடம் உண்டு. மேலும் அரண்மனை என்னும் திகில் படத்தை மொத்தம் நான்கு பாகங்களாக எடுத்து வந்துள்ளார். இந்த வரிசையில் இந்த ஆண்டு வெளியான அரண்மனை 4 மொத்தமாக 100 கோடிக்கும் மேல் வசூல் செய்து சாதனை படைத்தது. மேலும்
கலகலப்பு
கடந்த 2012 ஆம் ஆண்டு விமல், மிர்ச்சி சிவா, ஓவியா, சந்தானம் மற்றும் அஞ்சலி உட்பட பலர் நடித்து வெளியான படம் கலகலப்பு. இப்படம் பாக்ஸ் ஆபீஸ் வசூலில் கலக்கியது. இதனை தொடர்ந்து கடந்த 2018 ஆம் ஆண்டு கலகலப்பு 2 படம் வெளியாகியது. இப்படத்தில் நடிகர்கள் ஜீவா, ஜெய் மற்றும் மிர்ச்சி சிவா ஆகியோர் நடித்து இருந்தனர். இப்படம் முதல் பாகம் அளவிற்கு வெற்றி பெற வில்லை. இருப்பினும் இடக்கான காமெடி காட்சிகள் சிறப்பாக இருந்தன.
இதனை அடுத்து தற்போது கலகலப்பு மூன்றாம் பாகத்தை எடுக்க உள்ளதாக தகவல் வெளியானது. இருப்பினும் காங்ஸ்டர் என்ற படத்தை எடுக்க தொடங்கினார். பின்னர் நயன்தாராவின் மூக்குத்தி அம்மன் இரண்டாம் பாகத்தை இயக்க உள்ளதாகவும் தகவல் வெளியாகியது. இந்நிலையில் கலகலப்பு மூன்று கைவிடப்பட்டதா என்ற சந்தேகம் எழுந்தது.
குஷ்பூ பதிவு
இதனை அடுத்து இவரது மனைவியும் நடிகையுமான குஷ்பூ அவரது எக்ஸ தள பதிவில் கலகலப்பு மூன்று குறித்தான அப்டேட் ஒன்றை பதிவிட்டுள்ளார். அதில், "“அவ்னி சினிமாஸும், பொழுதுபோக்கின் அரசனான சுந்தர் சியும் தொழிலதிபர் கண்ணன் ரவியோடு இணைந்து கலகலப்பு 3 ஐ உருவாக்க உள்ளோம். நடிகர்கள் மற்றும் தொழில்நுட்பக் கலைஞர்கள் பற்றிய விவரம் விரைவில் அறிவிக்கப்படும்” எனக் கூறியுள்ளார்
இந்த கண்ணன் ரவி என்பவர் தமிழ்நாட்டைச் சேர்ந்த துபாய் தொழிலதிபர். ஏற்கனவே சாந்தணுவின் ‘இராவணக் கோட்டம்’ திரைப்படத்தைத் தயாரித்துள்ளார். சிம்பு தேசிங்கு பெரியசாமி இணையும் படத்தையும் இவர்தான் தயாரிக்க உள்ளதாக சொல்லப்படுகிறது.
ரசிகர்களுக்கு ட்ரீட்
காமெடி காட்சிகள் நிறைந்து காணப்படும் சுந்தர் சி யின் படங்களுக்கு தனி ரசிகர் பட்டாளமே உண்டு. இந்நிலையில் காமெடியை மட்டுமே மையமாக வைத்துஉருவாகி வெளிவந்த அவரது கலகலப்பு படத்தின் அடுத்த சீரிஸ் வெளியாகும் என்ற தகவல் ரசிகர்களை குஷிப்படுத்தியுள்ளது. மேலும் இது குறித்து சமூக வலைதளங்களில் ரசிகர்கள் பதிவுகளை ஷேர் செய்து வருகின்றனர்.
டாபிக்ஸ்