HBD Kanika : எதிர்நீச்சல் சீரியல் புகழ்.. , '5 ஸ்டார்' படத்தின் மூலம் ஹீரோயினாக அறிமுகமான நடிகை கனிகா பிறந்தநாள் இன்று!

இந்நிலையில், அவர் ஒரு பேட்டியில் அவருக்கு பட வாய்ப்பு குறைந்தது குறித்து பேசியுள்ளார். அதில் இவர் சினிமாவில் தொடராமல் போனதற்கு காரணம் அஜித்துடன் வரலாறு என்ற படத்தில் அம்மா கதாபாத்திரத்தில் நடித்தது தான் என்று கூறினார். இதற்கு பிறகு அம்மா கதாபாத்திரங்கள் மட்டுமே வரிசையாக வந்ததாம். அதுவும் தன்னைவிட இரண்டு மடங்கு அதிக வயதுடைய நடிகர்களுக்கு அம்மாவாக நடிப்பது அபத்தமாக இருந்தாக கூறினார்.

அம்மா கதாபாத்திரத்தில் நடிக்க விருப்பமில்லை

அந்த படத்திற்கு பிறகு விஜய், விஜயகாந்த், அர்ஜுன், சரத்குமார் உள்ளிட்டோரின் படங்களில் அவர்களுக்கு அம்மாவாக நடிப்பதற்காக அடுத்தடுத்த வாய்ப்புகள் வந்து கொண்டிருந்தது. ஆனால் அப்பொழுது சிறு வயதுதான், அம்மா கதாபாத்திரத்தில் நடிக்க விருப்பமில்லை என்று கூறிவிட்டு பிறகு குடும்ப வாழ்க்கையில் கவனம் செலுத்தியதாக கூறியுள்ளார்.

வெள்ளித்திரையில் இவரால் ஜொலிக்க முடியவில்லை என்றாலும் சின்னதிரை மூலம்மக்கள் மனதில் இடம்பிடித்து ஜொலித்துக்கொண்டு தான் இருக்கிறார்.

சென்னையில் நடைபெற்ற மிஸ் சென்னை என்ற போட்டியே இவர் திரைத்துறைக்கு வரக் காரணமாக இருந்தது. தமிழில் கடந்த 2002 ஆம் ஆண்டு வெளியான, '5 ஸ்டார்' படத்தின் மூலம் ஹீரோயினாக அறிமுகமானவர் கனிகா.

முன்னணி நடிகைகளுக்கு டப்பிங் பேசியுள்ளார்

இப்படம் கனிகாவுக்கு நல்ல வரவேற்பை கொடுக்க தொடர்ந்து, மாதவனுடன் எதிரி, சேரனுக்கு ஜோடியாக ஆட்டோகிராப், மற்றும் அஜித்துக்கு ஜோடியாக வரலாறு போன்ற படங்களில் நடித்து மிகவும் பிரபலமானவர். அதிலும் அஜித்தின் வரலாறு திரைப்படத்தில் அவருக்கு காதலியாகவும் அம்மாவாகவும் இரண்டு கேரக்டரிலும் நடித்திருந்தார்.

தமிழ் மட்டும் இன்றி, தெலுங்கு, கன்னடம், மற்றும் மலையாள படங்களிலும் ஹீரோயினாக நடித்துள்ள கனிகா, தமிழில் ஜெனிலியா, சதா, ஸ்ரேயா போன்ற பல முன்னணி நடிகைகளுக்கு டப்பிங் பேசியுள்ளார்.

திரைத்துறையில் கலக்கிய கனிகா, கடந்த 2008 ஆம் ஆண்டு ஷியாம் என்பவரை திருமணம் செய்துகொண்டார். கனிகாவுக்கு சாய் ரிஷி என்ற மகன் இருக்கிறார். திருமணத்திற்கு பிறகும் மலையாளத்தில் சில படங்களில் குணச்சித்திர வேடத்தில் நடித்து வரும் கனிகா, தமிழில் கடந்த ஆண்டு முதல் ஒளிபரப்பாகி வரும் எதிர்நீச்சல் சீரியலில் ஈஸ்வரி என்கிற முக்கிய கதாபாத்திரத்தில் நடித்து வருகின்றார்.

கனிகா பிறந்தநாள் இன்று

திருச்செல்வம் கோலங்களை தொடருக்கு பிறகு படு விறுவிறுப்பான கதைக்களத்துடன் இயக்கிய தொடர் எதிர்நீச்சல். 4 பெண்களை சுற்றியே இந்த தொடரின் கதை ஒளிபரப்பாகிறது. ஈஸ்வரி என்கிற முக்கிய கதாபாத்திரத்தில் கனிகா நடித்தார். இந்த சீரியலும் சமீபத்தில் தான் முடிவுக்கு வந்தது.

நடிகை கனிகா வெள்ளித்திரை முதல் சின்னத்திரை வரை பயணத்தை தொடர்ந்து கொண்டிருப்பவர். அஜித் உள்ளிட்ட முன்னணி நடிகர்களிடம் நடித்த அவர், தற்போது சீரியலில் நடித்து அதிலும் நல்ல பெயர் பெற்றுள்ளார்.இவரின் பிறந்தநாள் இன்று.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil  

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.