பாலய்யாவிடம் சூர்யாவின் ரகசியங்களை போட்டுக் கொடுத்த கார்த்தி..'நீ கார்த்தி இல்ல. கத்திடா' என தெலுங்கில் சொன்ன சூர்யா

தெலுங்கு நடிகர் பாலகிருஷ்ணா(பாலய்யா) தொகுத்து வழங்கும் அன்ஸ்டாப்பளிள் வித் என்.பி.கே. டாக் ஷோவில் (Unstoppable with NBK Season 4) நடிகர் சூர்யாவும் பாலிவுட் நடிகர் பாபி தியோலும் கலந்துகொண்டுள்ளனர்.

பிரபல தெலுங்கு நடிகர் பாலய்யா எனப்படும் நந்தமுரி பாலகிருஷ்ணா நடத்தும் ‘அன்ஸ்டாப்பளிள் வித் என்.பி.கே' என்னும் டாக் ஷோவின் நான்காவது சீசன் அக்டோபர் 25ஆம் தேதி, இரவு 8:30 மணிக்கு ஆஹா ஓடிடி தளத்தில் தொடங்கியது. இந்த நிகழ்ச்சியின் முதல் எபிசோடுக்கு, ஆந்திர முதலமைச்சர் சந்திர பாபு நாயுடு சிறப்பு விருந்தினராக கலந்துகொண்டார்.

அன்ஸ்டாப்பளின் என்.பி.கே நிகழ்வில் சூர்யா:

இந்நிலையில் அன்ஸ்டாப்பபிள் வித் என்பிகே(Unstoppable with NBK Season 4) நிகழ்வில், நடிகர் சூர்யா விருந்தினராக கலந்துகொண்டார். கங்குவா படத்தின் புரொமோஷனுக்காக சூர்யா பங்கு எடுத்த எபிசோடு உடைய ஆஹா ஓடிடி வரும் நவம்பர் 8ஆம் தேதி ஒளிபரப்பு செய்யப்பட இருக்கிறது.

இந்த டாக் ஷோவின் படப்பிடிப்புக்காக ஹைதராபாத்தில் உள்ள அன்னபூர்ணா ஸ்டுடியோவுக்கு நடிகர் சூர்யாவும், ’அனிமல்’ படத்தின் வில்லனாக நடித்து பிரபலமான பாலிவுட்டின் மூத்த ஹீரோ பாபி தியோலும் கலந்துகொண்டனர். அப்போது சூர்யாவின் ஏராளமான தெலுங்கு ரசிகர்கள் அவரைச் சூழ்ந்து ஆர்ப்பரித்தனர். இது டோலிவுட் நடிகர்கள் இடையே பெரும் சலசலப்பினை ஏற்படுத்தியது.

இந்நிலையில் அந்த அன்ஸ்டாப்பபிள் வித் என்பிகே(Unstoppable with NBK Season 4) நிகழ்வில், சூர்யா கலந்துகொண்ட நிகழ்ச்சியின் புரொமோ வெளியாகியிருக்கிறது.

அந்த புரொமோவில் நடிகர் சூர்யா தெலுங்கில் பேசுகிறார்.

தெலுங்கில் பேசிய சூர்யா:

அன்ஸ்டாப்பபிள் வித் என்பிகே நிகழ்ச்சியில் நந்தமுரி பாலகிருஷ்ணாவின் கேள்விகளுக்கு சூர்யா அளித்த பதிலின் தொகுப்பு இது,

‘’ பாலகிருஷ்ணாவின் கேள்வி: தேசிய விருது வாங்கிவிட்டீர்கள். மேல் இருந்து பார்க்கும்போது பூமி எப்படி புரிகிறது?

சூர்யாவின் பதில்: ஒரு வார்த்தையில் சொன்னால், வானமே எனது இலக்கு.

பாலகிருஷ்ணாவின் கேள்வி: சூர்யா நீங்கள் கம்பர்ட்டபிளாக ஃபீல் செய்றீங்களா(ஆம் எனத் தலையாட்டுகிறார், நடிகர் சூர்யா. அது எனக்கு இஷ்டமில்லை. உங்கள் தம்பி கார்த்தி, அவரோட போனில் எப்படி உங்கள் பேரை சேமித்து வைத்துள்ளார்?

சூர்யாவின் பதில்: முதல் கேள்வியே அவுட் ஆஃப் சிலபஸில் இருக்கிறது சார்(சிரிக்கிறார் சூர்யா).

பாலகிருஷ்ணாவின் கேள்வி: அண்ணன் தம்பி உறவுன்னு சொல்றாங்க?

சூர்யாவின் பதில்: அண்ணானு சேவ் பண்ணியிருப்பார்.

பாலகிருஷ்ணாவின் கேள்வி: இரண்டு பேருக்கும் சண்டை வந்திருச்சு என்றால் கடைசி டாப்பிக் என்ன?

சூர்யாவின் பதில்: உண்மையைச் சொல்லணுமா, இல்லை பொய்யைச் சொல்லணுமா? என சூர்யா கேட்கிறார்.

(உடனே அருகில் வந்து பார்க்கிறார், நந்தமுரி பாலகிருஷ்ணா)

அப்போது சூர்யா சொல்கிறார், ‘’சாரின் கண்கள் சிவப்பாக மாறுகிறது’’ என்றார்.

உடனே டக்கென ‘ஐ லவ் யூ’ எனச் சொல்லிவிட்டுச் செல்கிறார், நந்தமுரி பாலகிருஷ்ணா.

பாலகிருஷ்ணாவின் கேள்வி: உங்களுடைய முதல் கிரஷ்?

சூர்யாவின் பதில்: வேண்டாம் சார். பிரச்னை சார். வீட்டுக்குப் போகணும் சார்.

(கார்த்திக்கு போன் செய்து லவுட் ஸ்பீக்கரில்போட்டுக்கொண்டு பேசுகிறார் நந்தமுரி பாலகிருஷ்ணா)

பாலகிருஷ்ணாவின் கேள்வி: உங்கள் அண்ணன் நிறைய கள்ளாட்டம் ஆடுறாரே?

சூர்யாவின் பதில்: சிறுவயதில் இருந்தே அப்படி தான் சார், எங்கண்ணன் நிறைய கள்ளாட்டம் ஆடுவார். நடிகைகள் என்றாலே ரொம்பப் பிடிக்கும் சார்.

உடனே, சூர்யா, ’நீ கார்த்தி இல்லை. கத்திடா,’ எனச் சொல்கிறார்.(அந்த இடம் சிரிப்பால் அதகளம் ஆகிறது)

பாலகிருஷ்ணாவின் கேள்வி: உங்களுடைய ரகசியங்களை சூர்யாவிடம் சொல்வீர்களா? கார்த்தியிடம் சொல்வீர்களா?

சூர்யாவின் பதில்: என்னுடைய வாழ்க்கை ஜோதிகா இல்லாமல் முழுமையடையாது. நான் அவரை மிகவும் நேசிக்கிறேன்.

பாலகிருஷ்ணாவின் கேள்வி: சிவகுமார் அவர்களின் மகனாக இருந்து அவரிடம் கற்றுக்கொண்டது என்ன?

சூர்யாவின் பதில்:

நான் எப்படி நல்ல மனிதனாக இருக்க வேண்டும் என்பதை அவரைப் பார்த்து பின்பற்றுகிறேன்.

அப்போது ஒரு காணொலி ஒளிபரப்பப்படுகிறது. அதில், ‘அப்பாவுக்கு கேன்சர் என்று ரிசல்ட் வந்தது. நான் வேலைக்குப் போகணுமான்னு அப்பாவிடம்போய் கேட்டேன். அப்போது அவர் நீ நன்கு படிக்கணும். பிச்சை எடுத்தாவது உன்னைப் படிக்க வைக்கிறேன்னு சொன்னார்’ என்றார்.

சூர்யாவின் பதில்: என்னால் உதவி செய்யமுடியுமென்று மக்கள் என்னை நம்புகின்றனர். தமிழ் மக்கள் தங்கள் உதவிகளில் பாதியை தெலுங்கு மக்களுக்குத்தான் செய்கின்றனர்’ என நடிகர் சூர்யா பதிலளித்துள்ளார்.