வகையினம்

தமிழ் செய்திகள் / பொழுதுபோக்கு / சூர்யாவின் பாலிவுட் பட அப்டேட்.. தமிழ் பட ரீமேக்கில் ஜான்வி கபூர்.. வருத்தத்தில் நடிகர் கவின் - டாப் 10 சினிமா நியூஸ்

சூர்யாவின் பாலிவுட் பட அப்டேட்.. தமிழ் பட ரீமேக்கில் ஜான்வி கபூர்.. வருத்தத்தில் நடிகர் கவின் - டாப் 10 சினிமா நியூஸ்

Karthikeyan S HT Tamil Published Nov 04, 2024 08:38 PM IST

எங்களை பின் தொடரலாம்

Karthikeyan S HT Tamil

Published Nov 04, 2024 08:38 PM IST

Top 10 Cinema News: சூர்யா நடிக்கும் இந்தி படம் குறித்த அப்டேட், அமரன் வசூல் நிலவரம், வருத்தத்தில் இருக்கும் நடிகவர் கவன் உள்பட இன்றைய டாப் 10 சினிமா செய்திகளை இந்த தொகுப்பில் சுருக்கமாக காணலாம்.

சூர்யாவின் பாலிவுட் பட அப்டேட்.. தமிழ் பட ரீமேக்கில் ஜான்வி கபூர்.. வருத்தத்தில் நடிகர் கவின் - டாப் 10 சினிமா நியூஸ்

எங்களை பின் தொடரலாம்

சூர்யாவின் பாலிவுட் பட அப்டேட்

சமீபத்தில் அளித்த நேர்காணல் ஒன்றில், பாலிவுட் படத்தில் அறிமுகமாகிறீர்களா? என நடிகர் சூர்யாவிடம் கேள்வி எழுப்பப்பட்டது. அதற்கு பதிலளித்த சூர்யா, "நான் நாயகனாக நடிக்கவுள்ள பாலிவுட் படத்தின் பேச்சுவார்த்தைகள் கடந்த ஆண்டில் இருந்து நடைபெற்று வருகின்றன. அதுதான் என் முதல் ஹிந்தி படமாக இருக்கலாம். அது என்ன படமென இங்கு தெரிவிக்க சரியான தருணம் அல்ல. தயாரிப்பு தரப்பில் இருந்து வருவதே சரியாக இருக்கும்." எனத் தெரிவித்துள்ளார்.

'ராயன் Rumble'

நடிகர் தனுஷ் இயக்கி, நடித்த 'ராயன்' படத்தில் இடம்பெற்ற 'ராயன் Rumble' வீடியோ பாடல் நாளை மாலை 6 மணிக்கு வெளியாகிறது

அமரனை பாராட்டிய எஸ்.ஜே.சூர்யா

'அமரன்' திரைப்படத்தை பார்த்த நடிகர் எஸ்.ஜே சூர்யா அவரது எக்ஸ் தளத்தில் பாராட்டி பதிவிட்டுள்ளார். அனைவரும் கண்டிப்பாக பார்க்க வேண்டிய திரைப்படம். படத்தில் நடித்த சிவகார்த்திகேயன், சாய் பல்லவி, இயக்குநர் ராஜ்குமார் பெரியசாமி மற்றும் தயாரிப்பாளர் கமல்ஹாசன் அவர்களை பாராட்டி பதிவிட்டுள்ளார்.

அண்ணாமலைக்கு நன்றி தெரிவித்த நடிகர் கமல்

இயக்குனர் ராஜ்குமார் பெரியசாமி இயக்கத்தில் நடிகர் சிவகார்த்திகேயன் மற்றும் சாய் பல்லவி நடித்து தீபாவளி அன்று வெளியான திரைப்படம் அமரன். இப்படத்தினை பார்த்த தமிழக பாஜக மாநில தலைவர் அண்ணாமலை படத்தையும், படக்குழுவினரையும் வாழ்த்தி அவரது எக்ஸ் தளத்தில் பதிவு ஒன்றை போட்டிருந்தார். இதற்கு கமல் ஹாசன் அவரது எக்ஸ் தளத்தில், 'தமிழக பாஜக தலைவர், தம்பி அண்ணாமலை அவர்கள் அமரன் திரைப்படம் அவருக்கு ஏற்படுத்திய உணர்வலைகளை நெகிழ்ச்சியுடன் பகிர்ந்துள்ளார். அவருக்கு என் நன்றி' எனக குறிப்பிட்டுள்ளார். மேலும் இதற்கு இயக்குனர் ராஜ்குமார் பெரியசாமியும் நன்றி தெரிவித்துள்ளனர்.

இசையமைப்பாளராக சாய் அபயன்கர் ஒப்பந்தம்

ராகவா லாரன்ஸ் நடிக்கும் ‘பென்ஸ்’ படத்தின் இசையமைப்பாளராக சாய் அபயன்கர் ஒப்பந்தம் செய்யப்பட்டுள்ளார். இவர் சமீபத்தில் வைரலான ‘கட்சி சேர’ மற்றும் ‘ஆசக் கூட’ ஆகிய பாடல்கள் மூலம் இணையத்தில் பிரபலமானவர். இந்த இரண்டு பாடல்களுமே இசை ரசிகர்கள் மத்தியில் மிகவும் பிரபலம்.

தமிழ் பட ரீமேக்கில் ஜான்வி கபூர்

ஈரம் படம் வெளியாகி 15 வருடங்கள் ஆகியுள்ள நிலையில் இந்த படத்தை இந்தியில் ரீமேக் செய்ய ஏற்பாடுகள் நடக்கின்றன. ஈரம் இந்தி ரீமேக்கை மனோஜ் பரமஹம்சா இயக்க இருப்பதாக கூறப்படுகிறது.இதில் முதன்மை கதாபாத்திரத்தில் நடிக்க மறைந்த நடிகை ஸ்ரீதேவியின் மகளும் இந்தி நடிகையுமான ஜான்வி கபூரிடம் பேசி வருவதாக தகவல் வெளியாகி உள்ளது.

புது உறவில் இணையப்போகும் தனுஷ்..

கருத்து வேறுபாடு காரணமாக மனைவி ஐஸ்வர்யைவை விவாகரத்து செய்வதாக அறிவித்திருந்த தனுஷ், தற்போது மீண்டும் அவருடன் சேர்ந்து வாழ தயாரானதாகவும் அவர்கள் கூறுகின்றனர். மேலும், இதுதொடர்பாக இருவரும் போயஸ் கார்டனில் உள்ள ரஜினி வீட்டில் சந்தித்து பேசினர் எனவும், அந்த சந்திப்பு சுமூகமாக முடிந்ததை அடுத்து இருவரும் ஒன்றாக தீபாவளி பண்டிகையை கொண்டாடினர் என்றும் தகவல்கள் வெளியாகி உள்ளது.

பிரதர் பட வசூல்

இயக்குனர் ராஜேஷ் இயக்கத்தில் நடிகர்கள் ஜெயம் ரவி, நட்டி நடராஜன், பிரியங்கா மோகன் மற்றும் பூமிகா உள்ளிட்ட பலர் நடித்து வெளியான படம் பிரதர், இப்படம் தீபாவளி பண்டிகை அன்று வெளியானது. இப்படம் முதல் நாளில் ரூ. 2.5 கோடியும், இரண்டாம் நாளில் ரூ. 2.2 கோடியும் வசூல் ஆகியிருந்தது. மூன்றாம் நாளான சனிக் கிழமை முற்றிலும் சரிந்து ரூ. 1.9 கோடியும் வசூல் ஆனது. நான்காவது நாளான நேற்று ஓட்டுமொத்தமாகவே வெறும் ரூ.ஒரு கோடி மட்டுமே வசூல் ஆகியுள்ளது. இன்னும் படத்தின் அதிகாரப்பூர்வமான வசூல் குறித்து படக்குழு எதுவும் தெரிவிக்கவில்லை. வார இறுதி நாளிலேயே படத்தின் வசூல் இந்த அளவிற்கு குறைந்துள்ளதால், படக்குழு வருத்தத்தில் உள்ளது.

அமரன் வசூல் நிலவரம்

சிவகார்த்திகேயனின் அமரன் படம் வெளியான 4 நாட்களில் உலகம் முழுவதும் 100 கோடி ரூபாயைக் கடந்து வசூலைக் குவித்துள்ளது. தமிழ்நாட்டில் மட்டும் நேற்று ரூ. 18.19 கோடி ரூபாய் வசூலைப் பெற்று இதுவரை மொத்தமாக ரூ. 69.59 கோடி வசூலைப் பெற்றுள்ளது.

வருத்தத்தில் கவின்

கவின் நடிப்பில் தீபாவளி வெளியீடாக வந்துள்ள பிளடி பக்கர் படத்தை அறிமுக இயக்குனரான சிவபாலன் இயக்கி உள்ளார். இவர் இயக்குனர் நெல்சன் திலீப்குமாரிடம் உதவி இயக்குனராக பணியாற்றியவர் ஆவார். இந்த படம் கலவையான விமர்சனங்களை பெற்று வருகிறது. 'அமரன்' படத்தால் இந்த படத்தின் வசூல் பெரிதும் பாதிக்கப்பட்டுள்ளது. இந்த படத்தை வேறு ஒரு தேதியில் வெளியிட்டு இருந்தால் ஓரளவிற்காவது வசூலை பெற்று இருக்கும். 'கோலமாவு கோகிலா', 'டாக்டர்', 'ஜெயிலர்' என அடுத்தடுத்து வெற்றிப்படத்தை கொடுத்த நெல்சன் திலீப்குமார், தயாரிப்பாளராக அறிமுகமான முதல் படத்திலேயே மிகப்பெரிய தோல்வியை சந்தித்துள்ளார். 'டாடா', 'ஸ்டார்' என வெற்றிப்படத்தை கொடுத்த கவினுக்கும் இது தோல்வித் திரைப்படமாகவே அமைந்துள்ளதால் அவரும் வருத்தத்தில் உள்ளார்.