தமிழ் செய்திகள்  /  Cricket  /  Sachin, Sehwag Cant Keep Calm As Rcb Win Wpl Title Virat Kohli Post

WPL Season 2 சாம்பியனான ஸ்மிருதி மந்தனாவின் ஆர்சிபி-சச்சின் டெண்டுல்கர் முதல் விராட் கோலி வரை வாழ்த்து மழை

Manigandan K T HT Tamil
Mar 18, 2024 09:44 AM IST

WPL Season 2 Champion: ஆர்சிபி மகளிர் அணியின் வெற்றியால் விராட் கோலி மகிழ்ச்சியடைந்தார். முன்னாள் இந்திய வீரர் சச்சின் டெண்டுல்கர், வீரேந்தர் சேவாக், தினேஷ் கார்த்திக், கிளென் மேக்ஸ்வெல் உள்ளிட்ட வீரர்களும் வாழ்த்து மழை பொழிந்தனர். மேலும் பலர் ஆர்சிபி அணிக்கு வாழ்த்து கூறினார்.

சச்சின், விராட் கோலி ஆகியோர் ஆர்சிபியை வாழ்த்தினர்
சச்சின், விராட் கோலி ஆகியோர் ஆர்சிபியை வாழ்த்தினர்

ட்ரெண்டிங் செய்திகள்

ஆம், ஆர்சிபி கேப்டன் ஸ்மிருதி மந்தனா தலைமையிலான அணி WPL 2024 இறுதிப் போட்டியில் டெல்லி கேபிடல்ஸை எட்டு விக்கெட் வித்தியாசத்தில் தோற்கடித்து, ஒரு மகளிர் அணியாகவும் ஒட்டுமொத்தமாகவும் தங்கள் முதல் பட்டத்தை வென்றது.

ஷ்ரேயங்கா பாட்டீல் (4/12) மற்றும் சோஃபி மோலினக்ஸ் (3/20) ஆகியோரின் சுழல் கூட்டணி டெல்லி அணியை 113 ரன்களுக்கு ஆல் அவுட் ஆக்கியதும் பாராட்டுக்குரியது. ஷபாலி வர்மா மற்றும் மெக் லானிங் ஆகியோர் தொடக்க கூட்டணியை 64 ரன்கள் எடுத்தனர், ஆனால் மோலினக்ஸின் மூன்று விக்கெட்டுகளால் டெல்லி தனது 10 விக்கெட்டுகளையும் வெறும் 49 ரன்களுக்கு இழந்தது. ஒட்டுமொத்தம் டெல்லி அணி 113 ரன்களில் சுருண்டது. 18.3 ஓவர்களில் ஆட்டம் முடிவுக்கு வந்தது.

114 ரன்கள் எடுத்த வெற்றி என்ற எளிய இலக்குடன் களம் புகுந்தது ஆர்சிபி. கேப்டன் ஸ்மிருதி மந்தனா (31), சோபி டிவைன் (32), எல்லிஸ் பெர்ரி (35) ஆகியோரின் அதிரடி ஆட்டத்தால் ஆர்சிபி அணி 3 பந்துகள் மீதமிருக்கையில் வெற்றி பெற்றது.

 

ஆர்சிபி தனது முதல் டபிள்யூபிஎல் பட்டத்தை வென்றதைத் தொடர்ந்து, முன்னாள் இந்திய கிரிக்கெட் வீரர்கள் சச்சின் டெண்டுல்கர் மற்றும் வீரேந்திர சேவாக் ஆகியோர் அணியைப் பாராட்டினர். "டபிள்யூபிஎல் கோப்பையை வென்ற ஆர்சிபிக்கு பல வாழ்த்துக்கள். நெருக்கடியான சூழ்நிலைகளில் காட்டப்படும் சிறந்த மனநிலை மற்றும் தகுதியான வெற்றியாளர்கள்." என்று இந்திய முன்னாள் வீரர் சேவாக் பாராட்டினார்.

சச்சின் டெண்டுல்கர் வெளியிட்ட வாழ்த்துச் செய்தியில், “wplt20 பட்டத்தை வென்ற RCB மகளிர் அணிக்கு வாழ்த்துக்கள். இந்தியாவில் மகளிர் கிரிக்கெட் நன்றாகவும் உண்மையாகவும் வளர்ந்து வருகிறது” என்று குறிப்பிட்டார்.

ஒரு தலைமுறை ஆர்சிபி ரசிகர்கள் ஒரு பட்டத்தை வெல்ல காத்திருந்தனர். ஆண்கள் அணி 2009, 2011 மற்றும் 2016 என மூன்று முறை இந்தியன் பிரீமியர் லீக் (ஐபிஎல்) இறுதிப் போட்டிக்கு முன்னேறியது. அணியின் முன்னாள் கேப்டனான விராட் கோலி, அந்த மூன்று இறுதிப் போட்டிகளிலும் ஒரு பகுதியாக இருந்தார், கடைசியாக ஒரு கேப்டனாக இருந்தார். ஆனால், அந்த அணியால் ஒரு முறை கூட சாம்பியன் பட்டத்தை வெல்ல முடியாத நிலை நீடித்து வந்தது.

ஞாயிற்றுக்கிழமை, மகளிர் அணியின் வெற்றியால் கோலி மகிழ்ச்சியடைந்தார், ஏனெனில் அவர் இன்ஸ்டாகிராமில்  போஸ்ட் போடுவதற்கு முன்பு வீடியோ அழைப்பு மூலம் மைதானத்தில் கொண்டாட்டங்களில் சேர்ந்தார். அதில், "சூப்பர் வுமன்" என்று எழுதப்பட்டிருந்தது.

மற்ற முன்னாள் மற்றும் தற்போதைய ஆர்சிபி வீரர்களின் கருத்து இங்கே...

மந்தனா அண்ட் கோவின் டபிள்யூ.பி.எல் இரண்டாவது முயற்சியில் வெற்றி இப்போது அடுத்த வாரம் தொடங்கும் ஐபிஎல் 2024 சீசனுடன் ஆர்சிபி ஆண்கள் அணிக்கு அழுத்தம் கொடுக்கும். ஆர்சிபி அணி மார்ச் 22 அன்று நடப்பு சாம்பியன் சென்னை சூப்பர் கிங்ஸை பெங்களூருவில் அதன் சொந்த மண்ணில் எதிர்கொள்கிறது என்பது குறிப்பிடத்தக்கது.

IPL_Entry_Point