சிவனுக்கு பால், தயிர், தேன் என எந்தெந்த பொருட்களால் அபிஷேகம் செய்தால் என்ன நன்மை கிடைக்கும் பாருங்க

தயிர்

திருமணம் முடிந்து பல ஆண்டுகளாக குழந்தை வரம் இல்லாதவர்கள் சிவபெருமானுக்கு தயிர் கொண்டு அபிஷேகம் செய்யலாம். தயிர் கொண்டு அபிஷேகம் செய்து மனமுருக வேண்டினால் குழந்தை வரம் கிடைக்கும் என்பது நம்பிக்கை.

சந்தனம்

குடும்பத்தில் உள்ளவர்கள் அனைவரும் அடிக்கடி நோயால் பாதிக்கப்பட்டால் ஆரோக்கியமாக இருக்க வேண்டும் என்று வேண்டிக்கொண்டு சந்தனத்தால் அபிஷேகம் செய்யலாம். சந்தன அபிஷேகம் என்பது அதிர்ஷ்டத்தையும், ஆரோக்கியத்தையும் அள்ளித்தரும் என்பது நம்பிக்கை.

அரிசி மாவு

அதீத கடன் தொல்லையால் அவதிப்படுபவர்கள் அரிசி மாவால் அபிஷேகம் செய்யலாம். படிப்படியாக கடன் தொல்லைகள் நீங்கி வளம் பெறலாம் என்பது நம்பிக்கை.

விபூதி

சிவனுக்கு விபூதி அபிஷேகம் செய்வது விஷேசமானது. இப்படி செய்வதால் வேலை வாய்ப்பு அமையும் என்பது நம்பிக்கை. ஏற்கனவே வேலையில் இருப்பவர்கள் தங்கள் பணியில் சிறக்க வேண்டி இந்த அபிஷேகத்தை செய்யலாம்.

சர்க்கரை

கண்ணுக்கு தெரியாத எதிரிகள் நம் வாழ்வில் அடிக்கடி தொல்லைகளை தருவதாக தோன்றினால் பரம்பொருளான இறைவனுக்கு சர்க்கரையால் அபிஷேகம் செய்யலாம். இதனால் கண்ணுக்கு தெரியாத எதிரிகள் விலகுவார்கள் என்பது நம்பிக்கை

பால்

பால் அபிஷேகம் மிகவும் நன்மை பயக்கும். ஆரோக்கியம் பெற வேண்டி இறைவனுக்கு பால் அபிஷேகம் செய்யலாம்.

பஞ்சாமிர்த அபிஷேகம்

பல கோயில்களில் பஞ்சாமிர்த பிரசாதம் வழங்கப்படுகிறது. ஆனால் நம் வீட்டில் ஐஸ்வர்யம் பெருக வேண்டும் என்று நினைத்தால் இறைவனுக்கு பஞ்சாமிர்த அபிஷேகம் செய்து மனதார வேண்டினால் நினைத்தது நடக்கும் என்பது நம்பிக்கை.

இளநீர் அபிஷேகம்

பலருக்கும் குடும்பத்தில் சிக்கல் ஏற்படுகிறது. அந்த சூழலில் தொல்லைகள் நீங்கி குடும்பத்தின் நலன் பெருக இளநீரால் ஐயனுக்கு அபிஷேகம் செய்து மனம் உருகி வழிபடலாம்.

எலுமிச்சை அபிஷேகம்

பலருக்கும் அடிக்கடி மரணம் பயம் என்பது தூக்கத்தை கெடுக்கலாம். மரண பயம் நீங்கி வாழ்வில் அமைதி பெருக எலுமிச்சை சாற்றால் அபிஷேகம் செய்யலாம்.

நெய் அபிஷேகம்

வாழ்வில் வெளியில் சொல்ல இயலாத பிரச்சனைகள் நீங்கி முக்தி கிட்ட நெய்யால் அபிஷேகம் செய்யுங்கள்.

வாழ்நாள் முழுவதும் அமைதி பெருக அடுத்தவருக்கு தீங்கு நினைக்காமல் உங்கள் வளர்ச்சியில் கவனம் செலுத்துவதோடு முறையான வழிபாட்டை செய்து வருவதன் மூலம் சிவபெருமானின் ஈடு இணையற்ற அருள் உங்களுக்கு கிடைக்கும் என்பது ஐதீகம்.

பொறுப்புத் துறப்பு:

இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.