Latest virudhunagar News

Sivakasi : தொடரும் சோகம்.. காளையார் குறிச்சி பட்டாசு ஆலை வெடி விபத்தில் பலியானோர் எண்ணிக்கை 4 ஆக உயர்வு!

<ul><li>Sivakasi firecracker factory explosion: விருதுநகர் மாவட்டம் சிவகாசி அருகே உள்ள காளையார் குறிச்சி கிராமத்தில் கடந்த செவ்வாய்க்கிழமை சுப்ரீம் என்ற பட்டாசு ஆலையில் ஏற்பட்ட வெடி விபத்தில் பலியானோர் எண்ணிக்கை 4 ஆக உயர்ந்துள்ளது.</li></ul>

Sattur Fire Accident : காலையிலேயே நடந்த சோகம்.. பந்துவார்பட்டியில் பட்டாசு ஆலையில் வெடி விபத்து..4 பேர் பலியான சோகம்!

<ul><li>Sattur Fire Accident : சாத்தூர் அருகே பந்துவார்பட்டியில் குருஸ்டார் பட்டாசு ஆலையில் வெடி விபத்து ஏற்பட்டுள்ளது. ரசாயன மூலப்பொருள் கலவை செய்யும் போது வெடி விபத்து ஏற்பட்டுள்ளது. மீட்பு பணியில் தீயணைப்பு துறை ஈடுபட்டுள்ளனர்.</li></ul>

விருதுநகர்: குண்டாறு-தெற்காறு இணையும் இடத்தில் தடுப்பணை கோரி முதல்வருக்கு விவசாயிகள் மனு!

paragraph

<p>குண்டாறு-தெற்காறு இணையும் இடத்தில் தடுப்பணை கோரி விருதுநகர் மாவட்டத்தை சேர்ந்த விவசாயிகள் முதலமைச்சரின் தனிபிரிவுக்கு கோரிக்கை மனு அளித்து உள்ளனர்.</p><p>மேலும் படிக்க:- <a href="https://tamil.hindustantimes.com/tamilnadu/dmks-r-s-bharathi-questions-aiadmk-chief-edappadi-palaniswami-on-bjp-alliance-outcomes-and-political-benefits-131746362261158.html" target="_blank">’பாஜக கூட்டணியிலிருந்து பழனிசாமி என்ன சாதித்தார் என பட்டியல் போடுவாரா?’ ஆர்.எஸ்.பாரதி கேள்வி</a></p><p>விருதுநகர் மாவட்டம், காரியாபட்டி வட்டம், P.புதுப்பட்டி கிராமத்தில் குண்டாறு மற்றும் தெற்காறு இணையும் இடத்தில் புதிய தடுப்பணை அமைக்க வேண்டும் என்ற விவசாயிகளின் 30 ஆண்டு கால கோரிக்கையை முன்வைத்து, காவிரி-வைகை-கிருதுமால்-குண்டாறு பாசன விவசாயிகள் கூட்டமைப்பு, தமிழ்நாடு முதலமைச்சருக்கு கோரிக்கை மனு அனுப்பியுள்ளது. இந்த மனுவில், தடுப்பணை அமைப்பதால் 15,000 ஏக்கர் நிலம் பாசன வசதி பெறுவதுடன், குடிநீர் ஆதாரமும், நிலத்தடி நீர் மட்டமும் மேம்படும் என தெரிவிக்கப்பட்டுள்ளது.</p><h2>கோரிக்கையின் பின்னணி</h2><p>விருதுநகர் மாவட்டத்தில், குண்டாறு மற்றும் தெற்காறு ஆறுகள் P.புதுப்பட்டி கிராமத்தில் இணைகின்றன. இந்த இடத்தில் தடுப்பணை இல்லாததால், ஒவ்வொரு மூன்று அல்லது நான்கு ஆண்டுகளுக்கு ஒருமுறை குண்டாற்றில் ஏற்படும் வெள்ளப்பெருக்கு வீணாகி, மன்னார் வளைகுடா கடலில் கலக்கிறது. இதனைத் தடுத்து, விவசாய மற்றும் குடிநீர் தேவைகளை பூர்த்தி செய்ய தடுப்பணை அமைக்க வேண்டும் என இப்பகுதி விவசாயிகள் கடந்த 30 ஆண்டுகளாக வலியுறுத்தி வருகின்றனர்.</p><p>காவிரி-வைகை-கிருதுமால்-குண்டாறு பாசன விவசாயிகள் கூட்டமைப்பின் மாநில பொதுச்செயலாளர் எம்.அர்ச்சுணன், முதலமைச்சர் மு.க.ஸ்டாலினுக்கு அனுப்பிய மனுவில், மறைந்த முன்னாள் அமைச்சர் வே.தங்கப்பாண்டியன், முன்னாள் முதலமைச்சர் கலைஞர் ஆட்சியின்போது இதற்காக பெரும் முயற்சிகள் மேற்கொண்டதை சுட்டிக்காட்டினார். இந்தக் கோரிக்கையை நிறைவேற்ற, உரிய நிதி ஒதுக்கி, தடுப்பணை அமைப்பதுடன், நீர் வரத்து கால்வாய்களை சீரமைக்கவும் முதலமைச்சர் தலையிட வேண்டும் என மனுவில் கோரப்பட்டுள்ளது.</p><h2>தடுப்பணையின் பயன்கள்</h2><p>P.புதுப்பட்டி கிராமத்தில் குண்டாறு-தெற்காறு இணையும் இடத்தில் தடுப்பணை அமைப்பதன் மூலம், புதுப்பட்டி, பனிக்குறிப்பு, சொக்கம்பட்டி, கல்லாம்பரம்பு, முருகையாபுரம், குச்சம்பட்டி புதூர், உடையணம்பட்டி, நொச்சிகுளம், ஶ்ரீ ராமனேந்தல், வாலில்லாப்பேரி, சென்னிலைக்குடி, மயிலி, கேத்தநாயக்கன்பட்டி, கடல் பாச்சி, அம்பநேரி, சூச்சநேரி, காரேந்தல், நாடாகுளம், கொக்குளம், செம்பொன், நெருஞ்சி, நெல்லிக்குளம், ஆனைக்குளம், அன்ன லெட்சுமிபுரம் ஆகிய 23 கிராமங்களில் உள்ள சுமார் 15,000 ஏக்கர் விவசாய நிலங்கள் பாசன வசதி பெறும். இந்தத் தடுப்பணை, விவசாயத்திற்கு மட்டுமல்லாமல், குடிநீர் ஆதாரத்தை மேம்படுத்துவதுடன், நிலத்தடி நீர் மட்டத்தை உயர்த்துவதற்கும் உதவும். இதனால், இப்பகுதி மக்களின் வாழ்வாதாரம் கணிசமாக மேம்படும் என விவசாயிகள் எதிர்பார்க்கின்றனர்.</p><p>மேலும் படிக்க:- <a href="https://tamil.hindustantimes.com/tamilnadu/pk-sekarbabu-says-1000-watts-of-energy-from-cm-stalins-eyes-will-burn-opponents-in-2026-election-battle-131746350140009.html" target="_blank">மு.க.ஸ்டாலின் கண்ணில் இருந்து புறப்படும் 1000 வாட் மின்சாரம் 2026 தேர்தலில் எதிரிகளை பொசுக்கும்! சேகர்பாபு!</a></p><h2>ஆய்வு மற்றும் பங்கேற்பு</h2><p>மே 5, 2025 அன்று காலை, P.புதுப்பட்டியில் குண்டாறு-தெற்காறு இணையும் இடத்தில் இருந்து சென்னிலைக்குடி வரையிலான கண்மாய்கள், குளங்கள் மற்றும் கால்வாய்களை, காவிரி-வைகை-கிருதுமால்-குண்டாறு பாசன விவசாயிகள் கூட்டமைப்பு நேரில் ஆய்வு செய்தது. இந்த ஆய்வில், மாநில பொதுச்செயலாளர் எம்.அர்ச்சுணன், விருதுநகர் மாவட்டச் செயலாளர் ஆறு.கோபாலகிருஷ்ணன், மாவட்டத் தலைவர் ரா.ராம்பாண்டியன், மாவட்ட துணைச் செயலாளர் சி.மகாலிங்கம் (விடத்தக்குளம் முன்னாள் ஊராட்சி மன்றத் தலைவர்), மு.ஜெயமுருகன் (உடையணம்பட்டி முன்னாள் ஊராட்சி மன்றத் தலைவர்), ச.குருசாமி (சென்னிலைக்குடை முன்னாள் ஊராட்சி மன்றத் தலைவர்), கே.ராமசாமி (பண்ணை மூன்றடைப்பு முன்னாள் ஊராட்சி மன்றத் தலைவர்), பொ.கோபால் (கேத்தநாயக்கன்பட்டி முன்னாள் ஊராட்சி மன்றத் தலைவர்), மற்றும் சென்னிலைக்குடி நாகராஜன் ஆகியோர் கலந்துகொண்டனர்.</p><p>மேலும் படிக்க:- <a href="https://tamil.hindustantimes.com/tamilnadu/dindigul-i-leoni-says-vijay-party-agents-shouted-tvk-but-it-sounded-like-tea-vika-in-coimbatore-meet-131746338061470.html" target="_blank">விஜய் முன் TVK…! TVK…! என கத்தியது என் காதில்.. டீ விக்க…! டீ விக்க…ணு கேட்டது! திண்டுக்கல் லியோனி கிண்டல்!</a></p>

<p>”தடுப்பணை அமைப்பதால் 15,000 ஏக்கர் நிலம் பாசன வசதி பெறுவதுடன், குடிநீர் ஆதாரமும், நிலத்தடி நீர் மட்டமும் மேம்படும்”</p>

தேமுதிக இளைஞரணி செயலாளராக விஜயகாந்தின் மூத்த மகன் விஜய பிரபாகரன் நியமனம்! பிரேமலதா அறிவிப்பு!

<p>தருமபுரியில் நடைபெறும் தேமுதிக பொதுக்குழு கூட்டத்தில் அக்கட்சியின் இளைஞரணி செயலாளராக விஜயகாந்தின் மூத்த மகன் விஜய பிரபாகரன் நியமனம் செய்யப்பட்டு உள்ளார்.</p><p>தர்மபுரியில் நடைபெற்ற தேசிய முற்போக்கு திராவிட கழகத்தின் (தேமுதிக) 19வது பொதுக்குழு மற்றும் செயற்குழு கூட்டத்தில், மறைந்த தலைவர் விஜயகாந்தின் மூத்த மகன் விஜய பிரபாகரன், கட்சியின் மாநில இளைஞரணி செயலாளராக நியமிக்கப்பட்டார். தேமுதிக பொதுச்செயலாளர் பிரேமலதா விஜயகாந்த் இந்த அறிவிப்பை வெளியிட்டார். விஜயகாந்தின் மறைவுக்குப் பின்னர் நடைபெற்ற முதல் பொதுக்குழு என்பதால் முக்கியத்துவம் வாய்ந்ததாகக் கருதப்படுகிறது.</p><p>நீண்டகாலமாக கட்சியின் மாவட்டச் செயலாளர்களும் தொண்டர்களும் விஜய பிரபாகரனுக்கு முக்கிய பொறுப்பு வழங்கப்பட வேண்டும் என வலியுறுத்தி வந்தனர். இதற்கு முன், எல்.கே. சுதீஷ் இளைஞரணி செயலாளராக இருந்தார். தற்போது, விஜய பிரபாகரனுக்கு இப்பொறுப்பு வழங்கப்பட்டுள்ளது. மேலும், பிரேமலதா வகித்து வந்த பொருளாளர் பதவி, எல்.கே.சுதீஷுக்கு வழங்கப்பட்டு உள்ளது. தலைமை நிலைய செயலாளராக பார்த்தசாரதி, கொள்கை பரப்பு செயலாளராக மோகன்ராஜ், துணைச் செயலாளர்களாக பன்னீர்செல்வம், சந்திரன், செந்தில்குமார் ஒருமனதாகத் தேர்வு செய்யப்பட்டனர்.</p><p>2024 நாடாளுமன்றத் தேர்தலில் விருதுநகர் தொகுதியில் விஜய பிரபாகரன் கணிசமான வாக்குகள் பெற்று இரண்டாம் இடம் பிடித்திருந்தார். 2017 முதல் தமிழகம் முழுவதும் கட்சி வளர்ச்சிக்காகப் பயணித்து, தொண்டர்களிடையே செல்வாக்கு பெற்றவர். இந்த நியமனம், 2026 சட்டமன்றத் தேர்தலை மையப்படுத்தி கட்சியின் அடித்தளத்தை வலுப்படுத்துவதற்கான முக்கிய முடிவாகக் கருதப்படுகிறது.</p><p>&nbsp;</p>

<p>நீண்டகாலமாக கட்சியின் மாவட்டச் செயலாளர்களும் தொண்டர்களும் விஜய பிரபாகரனுக்கு முக்கிய பொறுப்பு வழங்கப்பட வேண்டும் என வலியுறுத்தி வந்தனர். இதற்கு முன், எல்.கே. சுதீஷ் இளைஞரணி செயலாளராக இருந்தார்.</p>

‘பாரபட்சம் காட்டிய ஆட்சியாளர்கள்..’ காவிரி வைகை கிருதுமால் குண்டாறு பாசன விவசாயிகள் கூட்டமைப்பு மாநாட்டில் கண்டனம்!

<p>காவிரி வைகை கிருதுமால் குண்டாறு பாசன விவசாயிகள் கூட்டமைப்பு சார்பில் ஏழு மாவட்ட விவசாயிகளின் உள்ளக் குமுறலை ஓங்கி ஒலித்திடும் விவசாயிகள் எழுச்சி மாநாடு விருதுநகர் மாவட்டம் காரியாபட்டியில் நடைபெற்றது. கூட்டமைப்பு மாவட்ட தலைவர் ராம்பாண்டியன் தலைமை வகித்தார். விருதுநகர் மாவட்ட செயலாளர் கோபாலகிருஷ்ண், மாவட்ட பொருளாளர் இளங்கோவன் முன்னிலை வகித்தனர். மாநில தலைவர் மிசா மாரிமுத்து மாநாட்டை தொடங்கி வைத்தார். மாநில பொதுச் செயலாளர் எம்.அர்ச்சுணன் நிறைவுரையாற்றினார்.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/leader-of-opposition-in-the-tn-assembly-rb-udayakumar-said-that-stalin-dravidian-model-2-rule-is-a-failure-like-indian-2-131745928757166.html" target="_blank">‘இந்தியன் 2 ஃபெயிலியர் ஆனது போல திராவிட மாடல் 2 ஃபெயிலியர் மாடல்’ ஆர்.பி.உதயக்குமார் கிண்டல்!</a></p><h2>மாநாட்டில் நிறைவேற்றப்பட்ட தீர்மானங்கள்</h2><p>1) காவிரி ஆற்றில் பருவ மழை காலத்தில் வீணாகக் கடலில் கலக்கும் உபரி வெள்ளநீரை வறட்சி பகுதிகளுக்கு கொண்டு வரும் திட்டம் தான் காவிரி வைகை கிருதுமால் குண்டாறு இணைப்புக் கால்வாய் திட்டம் ஆகும்.காவிரி ஆற்றில் கரூர் மாவட்டம் மாயனூர் அணையில் இருந்து கால்வாய் மூலம் தண்ணீரைக் கொண்டு வந்து விருதுநகர் மாவட்டம் காரியாபட்டி வட்டம் கிருஷ்ணா புரம் புதுப்பட்டி கிராமத்தில் குண்டாறில் இணைக்கும் திட்டம். கால்வாய் மொத்தம் 262 கிலோமீட்டர் தூரம் ஆகும்.</p><p>2) இத்திட்டத்தின் மூலம் திருச்சி புதுக்கோட்டை சிவகங்கை இராமநாதபுரம் விருதுநகர் தூத்துக்குடி ஆகிய ஏழு மாவட்டங்களில் உள்ள நான்கு லட்சம் ஏக்கர் நிலங்கள் பாசன வசதி பெறும். 50 ஆண்டுகளாக கிடப்பில் போடப்பட்ட இத்திட்டத்தை நிறைவேற்ற வலியுறுத்தி எங்கள் கூட்டமைப்பு சார்பில் 25 ஆண்டுகளாக ஏராளமான போராட்டங்கள் தொடர்ச்சியாக நடத்தி வருகிறோம்.</p><p><strong>மேலும் படிக்க | </strong><a href="https://tamil.hindustantimes.com/tamilnadu/after-cm-stalin-says-dmk-will-return-to-power-aiadmk-supporters-trend-bye-bye-stalin-hashtag-online-131745920746052.html" target="_blank">மீண்டும் திமுக ஆட்சியா? ஈபிஎஸ் வழியில் #ByeByeStalin-ஐ ட்ரண்ட் செய்யும் அதிமுகவினர்!</a></p><p>3) 21-2-2021 ல் அன்றைய முதல் அமைச்சர் எடப்பாடி கே பழனிச்சாமி அவர்கள் இத்திட்டத்திற்கு அடிக்கல் நாட்டினார். இத்திட்டத்திற்கு 800 கோடி ரூபாய் நிதி ஒதுக்கப்பட்டது. நிலம் கையகப்படுத்தி இரண்டு டெண்டர்கள் விடப்பட்டு கால்வாய் வெட்டப்பட்டுள்ளது.</p><p>4) 2021 மே மாதம் தமிழ்நாட்டில் ஆட்சி மாற்றம் ஏற்பட்டு முதல் அமைச்சர் மு.க.ஸ்டாலின் அவர்கள் பொறுப்பேற்ற பிறகு கடந்த ஐந்து நிதிநிலை அறிக்கையிலும் குறிப்பிடத்தக்க நிதி ஒதுக்கவில்லை.</p><p>5<strong>)</strong> 27-3-2023 ல் சென்னையில் சட்டமன்றக் கூட்டம் நடந்து கொண்டிருக்கும் போது ஏழு மாவட்ட விவசாயிகள் 1000 பேர் கலந்து கொண்ட ஆர்ப்பாட்டம் நடத்தினோம். அன்றைய தினம் சட்டமன்றத்தில் கவன ஈர்ப்புத் தீர்மானம் கொண்டு வரப்பட்டது.</p><p>6) 30-10-2024 பசும்பொன் வருகை தந்த முதலமைச்சர் அவர்கள் விரைவில் இத்திட்டம் நிறைவேற்றப்படும் என்று உறுதியளித்தார்.</p><p>7) 10-11-2024 விருதுநகர் மாவட்ட ஆட்சியர் அலுவலகம் திறப்பு விழாவிற்கு வருகை தந்த முதலமைச்சர் அவர்களைச் சந்தித்து இத்திட்டத்திற்கு நிதி ஒதுக்க வேண்டுமென வலியுறுத்தினோம்.</p><p>8) இந்த ஆண்டு நிதிநிலை அறிக்கைக்கு சட்டமன்றக் கூட்டம் நடக்கும் முன்பே 24-2-2025 ல் புதுக்கோட்டையில் 2000 விவசாயிகள் கலந்து கொண்ட மாபெரும் ஆர்ப்பாட்டம் நடத்தினோம். தொடர்ச்சியாக அமைச்சர்களை சந்தித்து வலியுறுத்தி வருகிறோம்.</p><p>9) 1-4-2025 அன்று மீண்டும் சட்டமன்றத்தில் கவன ஈர்ப்புத் தீர்மானம் கொண்டு வரப்பட்டது. இவ்வளவு முயற்சிகள் செய்தும் 15-3-2025 நிதிநிலை அறிக்கையில் இத்திட்டத்திற்கு நிதி ஒதுக்காமல் புறக்கணிக்கப் பட்டுள்ளது.</p><p>10) 3 லட்சத்து 73 ஆயிரத்து 203 கோடி ரூபாய்க்கு தமிழ்நாட்டுக்கு நிதிநிலை அறிக்கை தாக்கல் செய்த நிதி அமைச்சர் அவர்கள், தனது தொகுதிக்கு காவிரி தண்ணீர் வரக்கூடிய நீர்ப்பாசனத் திட்டத்திற்கு நிதி ஒதுக்காமல் கைவிட்டு விட்டார். இத்திட்டதால் ஏழு மாவட்ட விவசாயிகள் பயன் பெறும், நான்கு லட்சம் ஏக்கர் நிலம் பாசன வசதி பெறும்,</p><p>11) காவிரி வைகை கிருதுமால் குண்டாறு இணைப்புக் கால்வாய் திட்டத்திற்கு நிதி ஒதுக்காமல் புறக்கணித்ததற்கு, ஏழு மாவட்ட விவசாயிகள் சார்பில் இம்மாநாடு தமிழ்நாடு அரசுக்கு கண்டனத்தை தெரிவிக்கிறது.</p><p>12) காவிரி வைகை கிருதுமால் குண்டாறு இணைப்புக் கால்வாய் திட்டத்திற்கு உரிய நிதி ஒதுக்கி நிறைவேற்ற வேண்டும் என்று இம்மாநாடு தமிழ்நாடு அரசை வலியுறுத்தி கேட்டுக் கொள்கிறது.</p><p>13) மாநில நதிகள் இணைப்பு மற்றும் நீர்ப் பாசனத் திட்டங்களுக்கு ஒரு லட்சம் கோடி நிதி ஒதுக்க வேண்டும்.</p><p>14) தமிழ்நாட்டில் உள்ள மாநில அளவில் நதிகள் இணைப்புத் திட்டத்திற்கும் நீர்ப்பாசன திட்டங்களுக்கும் ஒரு லட்சம் கோடி ரூபாய் நிதி ஒதுக்கி நிறைவேற்ற வேண்டும்.</p><p>15) கடந்த 50 ஆண்டுகளாகவே தமிழ்நாட்டில் நீர் நிலைகள் ஆக்கிரமிப்பும் மாசுபாடும் கண்டு கொள்ளப்படவில்லை ஆறுகள் அனைத்தும் குப்பை மேடுகளாகவும் கழிவுநீர் ஓடைகளாகவும் மாறிவிட்டது. எந்த ஒரு அணையும் தூர் வாராத காரணத்தால் அணையின் உள்பகுதி மண் மேடுகள் திட்டுகள் புதர்கள் மண்டிக் கிடக்கிறது. இதனால் அணைகளின் கொள்ளளவு வெகுவாகக் குறைந்து வருகிறது.நீர் நிலைகளைப் பாதுகாத்து பராமரிக்கும் பொதுப்பணித்துறை 2021 க்குப் பிறகு நீர் வளத்துறை என்று பெயர் மாற்றம் செய்யப்பட்டது. துறையின் பெயர் மாறியதே தவிர எந்தவிதமான செயல்பாடும் இல்லாமல் செயலற்று முடங்கிக் கிடக்கிறது.</p>

Kariyapatti

<p><strong>மேலும் படிக்க |</strong> <a href="https://tamil.hindustantimes.com/tamilnadu/edappadi-k-palaniswami-has-asked-tamil-nadu-chief-minister-stalin-not-to-tear-his-shirt-after-the-2026-assembly-election-131745909857020.html" target="_blank">‘சட்டையை கிழித்துக் கொண்டு தவழ்ந்து செல்லாமல் இருந்தால் சரி..’ ஸ்டாலினுக்கு இபிஎஸ் கண்டனம்!</a></p><p>16) விவசாயத்தை பாதுகாக்க இரண்டு முக்கிய அம்சங்கள் அடிப்படையானது. அவை நீர்ப்பாசன மேம்பாடும், விவசாய விளைபொருட்களுக்கு கட்டுப்படியான விலை உத்திரவாதம் என்பவை தான். இரண்டு அடிப்படை பிரச்சினைகளில் ஆட்சியில் இருப்பவர்கள் அக்கறை காட்டவில்லை.</p><p>17) அடிப்படையைச் சரி செய்யாமல்வாக்கு வங்கி அரசியல் நோக்கத்தில் அரசு அறிவிக்கும் மானியங்கள் சலுகைகள் அனைத்தும் விதை, உரம், பூச்சி மருந்து, வேளாண் இயந்திரங்கள் உற்பத்தி செய்யும் கார்ப்பரேட் கம்பெனிக்குப் போய் விடுகிறது. விவசாயிகளின் சுய முயற்சியால் தான் விவசாயம் நடைபெறுகிறது. எனவே விவசாயம் செய்பவர்கள் எண்ணிக்கையும் சாகுபடி பரப்பளவும் குறைந்து வருகிறது.</p><p>18) விவசாயத்தை பாதுகாப்பது, நீர்ப்பாசனத் திட்டங்களை உருவாக்குவது, ஆறுகள் பாதுகாப்பு, அணைகள் தூர் வாருவது, புதிய தடுப்பணைகள் கட்டுவது, ஏரிகள் குளங்கள் கண்மாய்கள் அனைத்து நீர் நிலைகளையும் பாதுகாப்பதற்கு ஒத்த கருத்துள்ள அனைத்து விவசாயிகள் சங்கங்களையும் ஒன்றிணைத்து விரிவான இயக்கங்களை முன்னெடுப்பது என்று இம்மாநாடு தீர்மானிக்கிறது.</p><h2>ஒரு கண்ணில் வெண்ணெய் ஒரு கண்ணில் சுண்ணாம்பு..</h2><ul><li>தமிழ்நாட்டில் கடந்த 50 ஆண்டுகளாகவே சென்னை போன்ற பெருநகரங்களின் வளர்ச்சிக்கு ஏராளமான திட்டங்கள் நிறைவேற்றப்படுகிறது.</li><li>சென்னை இரண்டாம் கட்ட மெட்ரோ ரயில் திட்டம் 65 ஆயிரம் கோடி ரூபாய்.</li><li>5000 ஏக்கர் நிலத்தில் பரந்தூர் விமான நிலையம் 50 ஆயிரம் கோடி ரூபாய்.</li><li>சென்னை மழைநீர் வடிகால் ஒவ்வொரு ஆட்சியிலும் 5000 கோடி ரூபாய்.</li><li>கூவம் நதியைச் சுத்தம் செய்ய ஒவ்வொரு ஆண்டும் 1500 கோடி ரூபாய்.</li><li>உலகத் தரம் வாய்ந்த கார் பந்தய சாலைகள்,</li><li>உலகத் தரம் வாய்ந்த விளையாட்டு மைதானங்கள்,</li><li>உலகத் தரம் வாய்ந்த கலையரங்கம்... என்று ஏராளம் ஏராளம்..</li></ul><p>ஆனால் நீர்ப்பாசன திட்டங்களுக்கும் விவசாயத்திற்கும் நிதி இல்லை நிதி இல்லை என்று புலம்புகிறார்கள்.</p><ul><li>வைகை அணை தூர்வார நிதி இல்லை</li></ul>

Viruthunagar

<p><strong>சிறிய மாநிலம் தெலுங்கானா வழிகாட்டுகிறது..</strong></p><p>தெலுங்கு மொழி பேசும் ஆந்திரா மாநிலத்தில் 60 ஆண்டுகளாக வறண்ட பகுதியான தெலுங்கானா பகுதியில் தண்ணீர் இல்லை, விவசாயம் இல்லை தொழில் வேலை வாய்ப்பு இல்லை வளர்ச்சி இல்லை, முன்னேற்றம் இல்லை. ஆந்திராவில் கோதாவரி ஆற்றில் 500 TMC தண்ணீர் வீணாகக் கடலில் கலந்து கொண்டிருந்தது.</p><p>பி. வி.நரசிம்ம ராவ், சென்னா ரெட்டி, என்.டி.ராமராவ், ராஜசேகர ரெட்டி, சந்திரபாபு நாயுடு போன்ற ஆகப்பெரிய தலைவர்கள் ஆட்சி காலத்தில் செய்ய முடியவில்லை.</p><p>2014 ல் தெலுங்கானா புதிய மாநிலம் உருவானது. சந்திரசேகர ராவ் முதல்வர் ஆனார். 2015 ல் கோதாவரி நீரைப் பயன்படுத்தும் காளேஸ்வரம் பல்நோக்கு நீர்ப் பாசனத் திட்டத்தை கொண்டு வந்தார்.சிறிய மாநிலமான தெலுங்கானா அரசு 80 ஆயிரத்து 190 கோடி நிதி ஒதுக்கியது.</p><ul><li>1852 கிலோமீட்டர் தூரம் கால்வாய் வெட்டப்பட்டது.</li><li>203 கிலோமீட்டர் தூரம் மலையைக் குடைந்து குகை அமைக்கப் பட்டது.</li><li>19 இடங்களில் நீரேற்று நிலையங்கள் அமைத்தனர்.</li><li>147 TMC கொள்ளளவு கொண்ட 20 புதிய ஏரிகள் வெட்டப்பட்டது.</li><li>35 லட்சம் ஏக்கர் நிலம் இருபோக சாகுபடிக்கு தண்ணீர் உறுதி செய்யப்பட்டது.</li><li>விவசாயம் குடிநீர் மின்சாரம் உற்பத்தி ஆகிய மூன்று நோக்கங்கள் நிறைவேறியது. இவ்வளவு பெரிய திட்டம் 2015 முதல் 2019 க்குள் நான்கு ஆண்டுகளில் நிறைவேற்றப்பட்டு நடைமுறைக்கு வந்தது.</li></ul><p>சிறிய மாநிலமான தெலுங்கானா செய்த சாதனையை பெரிய மாநிலமான தமிழ்நாடு செய்ய முடியதா?</p><p>தொழில் வளர்ச்சி வேலை வாய்ப்பு முன்னேற்றம் ஏதும் இல்லாமல் புறக்கணிக்கப்பட்டு வரும் தென் தமிழ்நாட்டிற்கு தெலுங்கானா மாநிலம் வழிகாட்டுகிறது.. தண்ணீர் இல்லாமல் விவசாயம் பொய்த்துப் போகிறது. தொழில் வேலை வாய்ப்பு இல்லாமல் இளைஞர்கள் பிழைப்புக்காக வேலை தேடி வெளியே செல்லும் நிலை. கிராமப் புறங்கள் அடிப்படை வசதிகள் இல்லாமல் பொலிவிழந்து விட்டன. இருக்கிற விவசாய நிலங்களையும் பறித்து சிப்காட் தொழிற்பேட்டை அமைப்பது என்ற பெயரில் கார்ப்பரேட் நிறுவனங்களுக்கு தாரை வார்க்கும் முயற்சிகள் தீவிரமடைகிறது. தென் தமிழ்நாடே விழித்து எழு..! தென் தமிழ்நாடே எழுச்சி பெறு..!</p><p>என்று இந்த விவசாயிகள் எழுச்சி மாநாட்டில் தீர்மானம் நிறைவேற்றப்பட்டது.</p>

‘தமிழ்நாட்டில் கடந்த 50 ஆண்டுகளாகவே சென்னை போன்ற பெருநகரங்களின் வளர்ச்சிக்கு ஏராளமான திட்டங்கள் நிறைவேற்றப்படுகிறது. விவசாய திட்டங்களுக்கு நிதி இல்லை.. நிதி இல்லை என்று புலம்புகின்றனர்’

’வடிவேலுக்கு வந்த கூட்டம் எவ்ளோ தெரியுமா?’ விஜய் குறித்த கேள்விக்கு ராஜேந்திர பாலாஜி பதிலடி!

<p>தவெக தலைவர் விஜய்க்கு கூடும் கூட்டத்தை பார்த்து எந்த முடிவுக்கும் வர முடியாது என நகைச்சுவை நடிகர் வடிவேலு உடன் ஒப்பிட்டு அதிமுக முன்னாள் அமைச்சர் ராஜேந்திர பாலாஜி கூறி உள்ளார்.&nbsp;</p><p>தமிழக வெற்றிக் கழகத் தலைவர் விஜய், சிவகாசிக்கு வந்தால் ஓரமாக நின்று அவரது பேச்சையும் செயல்பாடுகளையும் கவனிப்பேன் என அதிமுக முன்னாள் அமைச்சர் ராஜேந்திர பாலாஜி தெரிவித்தார். மேலும், திமுகவை எதிர்க்கும் கட்சிகளுடன் கூட்டணி அமைக்க அதிமுக தயாராக உள்ளதாகவும், எடப்பாடி பழனிசாமியை முதலமைச்சராக ஏற்கும் கட்சிகளுடன் இணைய முடியும் எனவும் அவர் கூறினார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/anbumani-ramadoss-urges-digitalization-of-police-verification-questions-tamil-nadus-stance-on-central-jobs-131745734632667.html">’மத்திய அரசு பணிகளில் சேருவோருக்கு தமிழக அரசே முட்டுக்கட்டைப் போடுவதா?’ விளாசும் அன்புமணி ராமதாஸ்!</a></p><h2>விஜய் பேச்சும் வடிவேலு பரப்புரையும்!</h2><p>ராஜேந்திர பாலாஜி, விஜய்யை ஒரு செல்வாக்கு மிக்க நடிகராகக் குறிப்பிட்டு, “சிவகாசிக்கு அவர் வந்தால், நானும் ஓரமாக நின்று அவரது பேச்சு, செயல்பாடுகள் எப்படி உள்ளன எனப் பார்ப்பேன். ஆனால், கூட்டத்தை வைத்து முடிவுக்கு வர முடியாது,” என்றார். 2011 தேர்தலில் நகைச்சுவை நடிகர் வடிவேலு சிவகாசியில் பிரச்சாரம் செய்தபோது கூடிய கூட்டத்தை கண்டு அரண்டு போனோம். அந்த தேர்தலில் 38 ஆயிரத்து 888 ஓட்டுகள் வித்தியாசத்தில் ஜெயித்தேன். நடிகர்களுக்காக கூட்டம் எம்ஜிஆர் காலத்துடன் முடிந்துவிட்டதாகவும் தெரிவித்தார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/case-filed-by-peelamedu-police-against-tvks-sampath-kumar-and-others-over-unauthorized-gathering-at-coimbatore-airport-131745728707426.html">கோவை விமான நிலையத்தில் அனுமதியின்றி கூட்டம்! தவெக நிர்வாகிகள் மீது வழக்குப்பதிவு!</a></p><h2>எம்ஜிஆரின் வெற்றி மற்றவர்களுக்கு சாத்தியமில்லை&nbsp;</h2><p>எம்ஜிஆரின் அரசியல் வெற்றி தனித்துவமானது என விளக்கிய பாலாஜி, “எம்ஜிஆர் 1957 இல் அரசியலுக்கு வந்து, 1967 இல் சட்டமன்ற உறுப்பினராகி, &nbsp;1977 இல் ஆட்சியைப் பிடித்து 1987-இல் மறைந்தார். 20 ஆண்டுகள் அரசியல் பயணத்தில், திரைப்படங்கள் மூலம் கருத்துகளை வெளிப்படுத்தி, இளைஞர்களை அரசியலில் பக்குவப்படுத்தி, பொதுத்தொண்டு செய்ய வைத்தார். அதன் பின்னரே அவர் அரசியல் அரங்கில் பெருவெற்றி பெற்றார்,” என்றார். எம்ஜிஆர் போல் வெற்றி பெறுவது மற்றவர்களுக்கு சாத்தியமில்லை என்றும், அதற்கு வாய்ப்பே இல்லை என்றும் அவர் தெரிவித்தார்.</p><h2>திமுக எதிர்ப்பே முக்கிய குறிக்கோள்</h2><p>திமுகவை எதிர்ப்பது தங்களின் ஒற்றை குறிக்கோள் எனக் கூறிய பாலாஜி, “திமுகவை எதிர்க்கும் எந்தக் கட்சியுடனும் கூட்டணி அமைக்கலாம். எடப்பாடி பழனிசாமியை முதலமைச்சராக ஏற்கும் கட்சிகளுடன் இணைய எடப்பாடியார் தயாராக உள்ளார். இது அதிமுக தொண்டர்களின் விருப்பமும் ஆகும்,” என்றார். திமுக எதிர்ப்பு கொள்கையுடன் செயல்படும் கட்சிகளை ஒருங்கிணைக்க வேண்டும் என்பதே எடப்பாடியின் எண்ணம் என்றும் அவர் வலியுறுத்தினார்.</p><h2>விஜய்யின் அரசியல் நிலைப்பாடு</h2><p>விஜய்யின் திமுக எதிர்ப்பு நிலைப்பாட்டை வரவேற்பதாகக் கூறிய பாலாஜி, “விஜய் தனது கட்சி நிர்வாகிகளை ஊக்கப்படுத்துவதற்காக போர்வீரர்களாக இருக்குமாறு கூறியுள்ளார். அது சரியான அணுகுமுறை,” என்றார். இருப்பினும், அதிமுகவைப் பொறுத்தவரை, தங்களது பூத் கமிட்டி நிர்வாகிகள் தளபதிகளை போன்றவர்கள். &nbsp;பல தேர்தல்களை சந்தித்து அனுபவம் பெற்றவர்கள் எனவும், திமுகவை தோற்கடிக்கும் வலிமை அதிமுகவுக்கு உள்ளதாகவும் அவர் நம்பிக்கை தெரிவித்தார்.</p><p>மேலும் படிக்க:- <a target="_blank" href="https://tamil.hindustantimes.com/tamilnadu/vijay-takes-charge-to-organize-tvk-party-polling-agents-meeting-in-coimbatore-amid-unruly-crowd-chaos-131745669432640.html">தவெக பூத் கமிட்டி: ’FRIENDS அந்த பக்கம் Wire போகுது..!’ கட்டுக்கடங்காத கூட்டத்தை கனிவான பேச்சால் கட்டுப்படுத்திய விஜய்!</a></p>

”எம்.ஜி.ஆர் இளைஞர்களை அரசியலில் பக்குவப்படுத்தி, பொதுத்தொண்டு செய்ய வைத்தார். அதன் பின்னரே அவர் அரசியல் அரங்கில் பெருவெற்றி பெற்றார். எம்ஜிஆர் போல் வெற்றி பெறுவது மற்றவர்களுக்கு சாத்தியமில்லை”

Virudhunagar: நிலம் ஆக்கிரமிப்பு.. அமைச்சர் வீட்டை நோக்கி ஊர்வலம்.. விருதுநகரில் விவசாயிகள் கைது!

<p>சிவகாசி லவ்லி கார்ட்ஸ் என்கிற கார்ப்பரேட் நிறுவனம் வீரச் செல்லையாபுரம் குமாரலிங்க புரம் ஆகிய இரண்டு கண்மாய்களுக்கு வரக்கூடிய நீர் வரத்து கால்வாய்களையும் வண்டிப் பாதையையும் ஆக்கிரமிப்பு செய்துள்ளதாகக் கூறி, விருதுநகர் மாவட்ட ஆட்சியரிடம், புகார் செய்ததாக கூறப்படுகிறது. விருதுநகர் வட்டாட்சியரும் புலத் தணிக்கை செய்து ஆக்கிரமிப்பு உள்ளது என்று உறுதிப்படுத்தியுள்ளார். மேற்கண்ட ஆக்கிரமிப்புகளை அகற்ற வேண்டும் என்று நோட்டீஸ் கொடுத்து சம்மன் அனுப்பியும் கார்ப்பரேட் கம்பெனி ஆக்கிரமிப்பை அகற்ற முன் வரவில்லை.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/supreme-court-verdict-on-governor-case-followed-by-gazette-notification-of-10-tamil-nadu-bills-as-law-131744443776133.html" target="_blank">Governor vs TN Govt: உச்சநீதிமன்ற தீர்ப்பு எதிரொலி! ஆளுநர் ஒப்புதலின்றி 10 மசோதக்கள் நிறைவேறியாதாக தமிழக அரசு அறிவிப்பு!</a></p><h2>ஆக்கிரமிப்பு அகற்ற உறுதியளித்த நிர்வாகம்</h2><p>லவ்லி கார்ட்ஸ் கார்ப்பரேட் கம்பெனி, மாவட்ட ஆட்சியரை அணுகி ஆக்கிரமிப்பு இல்லை என்று ஒரு கடிதத்தை ஏதோ ஒரு வகையில் பெற்றுள்ளனர். அதன் பிறகு விவசாயிகள் குறைதீர் கூட்டத்தில் பாதிக்கப்பட்ட விவசாயிகள் நீதி கேட்டு மாவட்ட ஆட்சியர் அவர்களிடம் முறையிட்டனர். மாவட்ட ஆட்சியர் சிறப்பு மாவட்ட வருவாய் அலுவலர் அவர்களை நியமித்து புலத் தணிக்கை செய்ய உத்தரவிட்டார். சிறப்பு மாவட்ட வருவாய் அலுவலர் ஆய்வு செய்து ஆக்கிரமிப்பு உள்ளது என்று உறுதி செய்ததாக கூறப்படுகிறது. மாவட்ட ஆட்சியர் அவர்களும் இந்த ஆக்கிரமிப்பை அகற்றலாம் என்று கூறி இருந்தாராம்.</p>

VNR Protest

<p><strong>மேலும் படிக்க |</strong> <a href="https://tamil.hindustantimes.com/tamilnadu/aiadmk-edappadi-palaniswami-right-to-choose-the-bjp-alliance-instead-of-the-vijay-tvk-alliance-was-he-wrong-131744440335053.html" target="_blank">AIADMK: ‘ஜனநாயகன் வேண்டாம்.. தேசிய ‘ஜனநாயக’ கூட்டணி போதும்’ எடப்பாடி கணக்கு சரியா?</a></p><p>அதன் பிறகு எந்த விதமான நடவடிக்கையும் மாவட்ட ஆட்சியர் எடுக்கவில்லை. ஏற்கனவே இந்த பிரச்சினை தமிழ்நாடு வருவாய்த் துறை அமைச்சர் கே கே எஸ் எஸ் ஆர் அவர்களிடம் ஒரு வருடத்திற்கு முன்பு மனுக் கொடுக்கப்பட்டது. மீண்டும் ஒரு முறை மனு கொடுக்கப்பட்டது. அதற்கும் எந்த நடவடிக்கையும் எடுக்கவில்லை.</p><h2>அறிவித்தபடி போராட்டம் முன்னெடுப்பு</h2><p>ஆக்கிரமிப்பை அகற்ற முடியாத மாவட்ட ஆட்சியர் அவர்களும் வருவாய்த் துறை அமைச்சர் அவர்களும் பதவி விலகக் கோரி இன்று விவசாயிகள் அமைச்சர் வீட்டு முன்பு 12-4-2025 காலை முதல் காத்திருப்பு போராட்டம் நடத்தப் போவதாக அறிவித்தார்கள்.</p><p>அதன் படி, இன்று காலை 10 மணிக்கு விவசாயிகள் விருதுநகர் மேம்பாலம் அருகில் இருந்து அமைச்சர் வீட்டை நோக்கி ஊர்வலமாகப் புறப்பட்டனர். காவல்துறை புறப்பட்ட இடத்திலேயே ஊர்வலத்தை தடுத்து நிறுத்தி அனைவரையும் கைது செய்தனர். கைது செய்யப்பட்ட விவசாயிகள் விருதுநகர் உழவர் சந்தை அருகில் லெட்சுமி திருமண மண்டபத்தில் அடைத்து வைக்கப் பட்டுள்ளனர்.</p><p><strong>மேலும் படிக்க |</strong> <a href="https://tamil.hindustantimes.com/tamilnadu/popular-youtuber-savukku-shankar-is-making-fun-of-former-chief-minister-o-panneerselvam-131744436467001.html" target="_blank">Savukku Shankar: ‘இப்படி ஆயிடுச்சே சிவாஜி..’ ஓபிஎஸ்.,யை எக்ஸ் தளத்தில் கலாய்த்து வரும் சவுக்கு சங்கர்!</a></p><h2>தலைமை செயலகத்தில் போராட்டம் நடத்த முடிவு</h2><p>இந்த பிரச்சினைக்கு தீர்வு காணவில்லை என்றால் சென்னை தலைமைச் செயலகம் சென்று போராட்டம் நடத்த விவசாயிகள் திட்டமிட்டுள்ளார்கள். தமிழ் விவசாயிகள் சங்க மாநில தலைவர் ஓ ஏ. நாராயண சாமி அவர்கள் தலைமையில் நடைபெற்றது.</p><p>இந்த போராட்டத்தில் காவிரி வைகை கிருதுமால் குண்டாறு பாசன விவசாயிகள் கூட்டமைப்பு மாநில பொதுச் செயலாளர் எம். அர்ச்சுணன், தென்னிந்திய நதிகள் பாதுகாப்பு சங்கம் தலைவர் பி பி ராமமூர்த்தி, முன்னாள் ராணுவத்தினர் சங்கத் தலைவர் கேசவராஜன், இளம் விவசாயிகள் சங்கத் தலைவர் சௌந்தர்ராஜன், தமிழ் விவசாயிகள் சங்கம் பொருளாளர் கவலூர் சுப்பாராஜ் மற்றும் பெண்கள் உட்பட ஏராளமான விவசாயிகள் கலந்து கொண்டனர்.</p>

<ul><li>ஏற்கனவே இந்த பிரச்சினை தமிழ்நாடு வருவாய்த் துறை அமைச்சர் கே கே எஸ் எஸ் ஆர் அவர்களிடம் ஒரு வருடத்திற்கு முன்பு மனுக் கொடுக்கப்பட்டது. மீண்டும் ஒரு முறை மனு கொடுக்கப்பட்டது. அதற்கும் எந்த நடவடிக்கையும் எடுக்கவில்லை.</li></ul>

Srivilliputhur: ‘பாஜக கூட்டணி.. அதிமுக கூட்டம் ஆனந்தத்தில் மிதக்கிறது..’ ராஜேந்திர பாலாஜி பரவசம்!

<p><strong>Srivilliputhur: </strong>‘எடப்பாடி பழனிச்சாமி தலைமையில் இன்று அமைக்கப்பட்டுள்ள கூட்டணியை பார்த்து விதி பிழிங்கி பதறிப் போய் இருக்கிறது திமுக கூட்டம்.. அதிமுக கூட்டம் ஆனந்தத்தில் மிதக்கிறது..’ என்று முன்னாள் அமைச்சர் கே.டி.ராஜேந்திரபாலாஜி பேசியுள்ளார்.</p><p><strong>மேலும் படிக்க |</strong> <a target="_blank" href="https://tamil.hindustantimes.com/tamilnadu/today-gold-rate-check-out-the-gold-and-silver-price-on-12-april-2025-in-chennai-131744430819629.html">Gold Rate: உலக வரலாற்றில் முதன் முறையாக 70 ஆயிரத்தை தொட்ட தங்கம் விலை! வரலாற்றில் புதிய உச்சம்!</a></p><h2>அற்புதமான கூட்டணி..</h2><p>விருதுநகர் மாவட்டம் ஸ்ரீவில்லிபுத்தூர் அருகே சுந்தரபாண்டியம் பகுதியில் நடைபெற்ற அதிமுக பூத் கமிட்டி நிர்வாகிகள் ஆலோசனைக் கூட்டம் நடைபெற்றது. இதில் கலந்துகொண்டு அதிமுக முன்னாள் அமைச்சர் கே.டி.ராஜேந்திர பாலாஜி உரையாற்றினார். அப்போது பேசிய அவர், ‘‘அதிமுக பொதுச் செயலாளர் எடப்பாடி பழனிச்சாமி ராஜதந்திரத்தோடு அற்புதமான கூட்டணியை அமைத்துள்ளார். எடப்பாடியார் என்ன செய்வார்? என்ன செய்துவிட முடியும்? என்ன செய்யப் போகிறார்? என்று பொதுமக்களும் , செய்தி சேனல்களும் எதிர்பார்த்த இந்த நேரத்தில், அற்புதமான கூட்டணியை அமைத்துள்ளார்.</p><p><strong>மேலும் படிக்க |</strong> <a target="_blank" href="https://tamil.hindustantimes.com/nation-and-world/it-is-important-to-defeat-dmk-quickly-our-alliance-will-do-that-pm-modi-confidence-131744430560001.html">‘திமுகவை வீழ்த்துவது முக்கியம்.. நமது கூட்டணி செய்து முடிக்கும்’ -பிரதமர் மோடி நம்பிக்கை</a></p><p>தமிழகத்தில் ஆட்சி மாற்றத்தை கொண்டு வர முடியும், அண்ணா திமுக ஆட்சியை மலர் செய்ய முடியும் என எடப்பாடி பழனிச்சாமி காட்டியுள்ளார். அற்புதமான ராஜரத்திரத்தோடு கூட்டணி அமைத்துள்ளார்.பங்குனி உத்திரத்தன்று எடுக்கின்ற முடிவுகள் வெற்றி பெறும் என்பது ஐதீகம். இந்த ஐதீகத்தின் அடிப்படையில் வெற்றி நம் கண் முன்னே தெரிகிறது.</p><h2>காட்சிகள் எல்லாம் கண்முன் வந்து செல்கிறது</h2><p>2026 மே மாதம் சட்டமன்ற கதாநாயகனாக முதல்வராக எடப்பாடி பழனிச்சாமி செல்ல இருக்கின்றார். 2026 ல் வெற்றி பெற்று ஜெயின்ட்ஜார்ஜ் கோட்டையில் தேசியக்கொடி ஏற்றி வைத்து பொதுமக்களுக்கு சிறப்புரை ஆற்றுவார் இந்த காட்சிகள் எல்லாம் எங்கள் கண்முன்னே வந்து செல்கிறது.</p><p><strong>மேலும் படிக்க |</strong> <a target="_blank" href="https://tamil.hindustantimes.com/tamilnadu/home-minister-amit-shah-has-announced-that-he-will-contest-the-upcoming-assembly-elections-in-alliance-with-the-aiadmk-131744371899831.html">ADMK BJP Allaiance: ’வரும் தேர்தலில் அதிமுக தலைமையில் பாஜக கூட்டணி’ ஈபிஎஸ் முன்னிலையில் அமித்ஷா அறிவிப்பு!</a></p><p>எடப்பாடி பழனிச்சாமி தலைமையில் இன்று அமைக்கப்பட்டுள்ள கூட்டணியை பார்த்து விதி பிழிங்கி பதறிப் போய் இருக்கிறது திமுக கூட்டம், அதிமுக கூட்டம் ஆனந்தத்தில் மிதக்கிறது,’’</p><p>என்று அப்போது ராஜேந்திர பாலாஜி தெரிவித்தார்.</p>

<ul><li>Srivilliputhur: எடப்பாடி பழனிச்சாமி தலைமையில் இன்று அமைக்கப்பட்டுள்ள கூட்டணியை பார்த்து விதி பிழிங்கி பதறிப் போய் இருக்கிறது திமுக கூட்டம், அதிமுக கூட்டம் ஆனந்தத்தில் மிதக்கிறது</li></ul>

Virudhunagar

Tamil Nadu News Today: Get the latest Tamilnadu news in Tamil, district-wise and city-wise updates. Stay informed with today's சென்னை செய்திகள் and Tamil Nadu headlines in Tamil.

Tamil Nadu

Tamil Nadu News Today: Latest Tamilnadu News in Tamil, District wise, City wise News in Tamil | Channai News in Tamil

கடகம் ராசி: கல்வியில் அதிக கவனம் செலுத்த வேண்டும்.. கடகம் ராசிக்கு இன்றைய நாள் எப்படி?

<h2>காதல்</h2><p>உறவில் மகிழ்ச்சி இருக்கும். நீங்கள் இருவரும் உங்கள் காதல் விவகாரத்தில் வெளிப்படையாக இருக்க வேண்டும், உங்கள் உணர்வுகளைப் பகிர்ந்து கொள்ள தயங்கக்கூடாது. நாளின் இரண்டாம் பாதி காதல் விவகாரங்களில் ஆச்சரியங்களைக் கொடுப்பதற்கும் நல்லது. உறவில் மூன்றாவது நபரின் தலையீட்டை சமாளிக்க தயாராக இருங்கள், இது ஆபத்தானது. தொலைதூர காதல் விவகாரங்கள் தகவல் தொடர்பு இல்லாததால் சிக்கல்களை சந்திக்க நேரிடும். சமீபத்தில் பிரிந்தவர்கள் மீண்டும் அன்பைக் காண்பார்கள்.</p><h2>தொழில் </h2><p>வேலையில் உங்கள் அர்ப்பணிப்பு இன்று சோதிக்கப்படும். குழு கூட்டங்களில் கருத்துக்களைப் பகிர்ந்து கொள்ளும்போது மூத்த அதிகாரியை  நல்ல மனநிலையில் வைத்திருங்கள், இராஜதந்திரமாக இருங்கள். அலுவலகத்தில் ஏற்றுக்கொள்ளப்படும் புதிய யோசனைகளையும் நீங்கள் கொண்டு வர வேண்டும். சில பணிகள் அச்சுறுத்தலாகத் தோன்றலாம், ஆனால் அவற்றைச் செய்வதை உறுதிப்படுத்திக் கொள்ளுங்கள். மாணவர்கள் தேர்வு எழுதும் போது ரிஸ்க் எடுக்கக் கூடாது.  கல்வியில் அதிக கவனம் செலுத்த வேண்டும், நிச்சயமாக நல்ல முடிவுகளைப் பெறுவார்கள். </p><h2>பணம் </h2><p> எந்தவொரு பெரிய நிதி விவகாரமும் வழக்கமான வாழ்க்கையை பாதிக்காது. ஆனால் செலவுகளைக் குறைப்பது நல்லது, ஏனெனில் வரும் நாளுக்காக சேமிப்பது உங்கள் முன்னுரிமையாக இருக்க வேண்டும். சில பூர்வீகவாசிகள் சொத்து தொடர்பான சட்ட மோதல்களிலிருந்து நிவாரணம் பெறுவார்கள். தங்கள் குடும்பம் அல்லது மூதாதையர் சொத்தை விற்க திட்டமிடுபவர்களுக்கு இது சரியான நேரம். சில பெண்கள் பணியிடத்தில் ஒரு கொண்டாட்டத்திற்கு பங்களிக்க வேண்டியிருக்கும். குடும்பத்தில் திருமணத்திற்கு உங்கள் பங்களிப்பு தேவைப்படும்.</p><h2>ஆரோக்கியம் </h2><p>மார்பு தொடர்பான சிறு பிரச்னைகள் ஏற்படும். நீங்கள் ஒவ்வாமை மற்றும் தொற்று நோய்களைப் பற்றி புகார் செய்யலாம், மேலும் அவை சிக்கல்களை ஏற்படுத்தும். அதிகாலையில் எழுந்து இரவில் சரியான நேரத்தில் தூங்குவதன் மூலம் பல நோய்களை தவிர்க்கலாம். நீங்கள் நண்பர்கள் அல்லது நேர்மறையான சிந்தனை உள்ளவர்களுடன் அதிக நேரம் செலவிட வேண்டும். புரதம் மற்றும் வைட்டமின்கள் நிறைந்த சீரான உணவை உட்கொள்வதும் நல்லது.</p><h2>கடக ராசி அடையாளம் பொருந்தக்கூடிய விளக்கப்படம்</h2><p>இயற்கை நாட்டம்: ரிஷபம், கன்னி, விருச்சிகம், மீனம்</p><p>நல்ல இணக்கம்: கடகம், மகரம்</p><p>நியாயமான இணக்கம்: மிதுனம், சிம்மம், தனுசு, கும்பம்</p><p>குறைந்த இணக்கம்: மேஷம், துலாம்</p><h2>பொறுப்புத் துறப்பு:</h2><p>இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p>

கடகம் ராசி: கடகம் ராசிக்கு காதல், ஆரோக்கியம், தொழில், பணம் உள்ளிட்டவை இன்று எப்படி இருக்கிறது. சாதகமா, பாதகமா ஜோதிடம் என்ன சொல்கிறது என்பது குறித்து இதில் பார்க்கலாம்.

மிதுனம் ராசி: புதிய கூட்டாண்மை குறித்து எச்சரிக்கை.. மிதுனம் ராசிக்கு இன்றைய நாள் எப்படி?

<h2>காதல்</h2><p>இன்று உங்கள் காதலர் நல்ல மனநிலையில் இருப்பதை உறுதிப்படுத்திக் கொள்ளுங்கள். விவாதங்களின் போது நீங்கள் உங்கள் பொறுமையை இழக்கக்கூடாது, மேலும் பிரச்சினைகளைத் தீர்க்க உதவும் திறந்த தகவல்தொடர்பும் இருக்க வேண்டும். உங்கள் கூட்டாளியின் வெற்றியை நீங்கள் பாராட்ட வேண்டும் மற்றும் தனிப்பட்ட மற்றும் தொழில்முறை முயற்சிகளில் அவர்களை ஊக்குவிக்க வேண்டும். நாளின் இரண்டாம் பாதி திருமண முடிவை எடுப்பதற்கும் நல்லது. பயணத்தின் போது சுவாரஸ்யமான ஒருவரை சந்திக்க திருமணமாகாதவர்கள் மகிழ்ச்சியாக இருப்பார்கள்.</p><h2>தொழில்</h2><p>இன்று, உற்பத்தித்திறன் தொடர்பான சிறிய பிரச்னைகள் வரலாம். நிர்வாக பதவிகள் அல்லது ஆக்கப்பூர்வமான பாத்திரங்களைப் பார்ப்பவர்கள் அழுத்தத்திற்கு ஆளாவார்கள். சுகாதார ஊழியர்கள் வெளிநாடு செல்ல வாய்ப்புகள் இருக்கலாம். நீங்கள் ஒரு குழு கூட்டத்தில் இருக்கும்போது புதிய யோசனைகளைப் பகிர்ந்து கொள்ளுங்கள், உங்கள் பரிந்துரைகள் மூத்தவர்களின் கவனத்தை ஈர்க்கும். வங்கி மற்றும் கணக்கியல் பணியாளர்கள் தரவு குறித்து எச்சரிக்கையாக இருக்க வேண்டும். சமீபத்தில் ஒரு அமைப்பில் சேர்ந்தவர்கள் அலுவலக அரசியலில் எச்சரிக்கையாக இருக்க வேண்டும். வணிகர்களும் இன்று புதிய கூட்டாண்மை குறித்து எச்சரிக்கையாக இருக்க வேண்டும். </p><h2>பணம் </h2><p>பொருளாதார வாழ்க்கை செழிப்பாக இருக்கும், பணம் பல வழிகளில் இருந்து வரும். இது அனைத்து பில்களையும் செலுத்த உதவும். வங்கி கடனும் பெறலாம். ஒரு உடன்பிறப்பு அல்லது நண்பர் நிதி உதவி கேட்கலாம், அதே நேரத்தில் வணிகர்கள் புதிய விரிவாக்கத்திற்காக நிதி திரட்டுவதில் எச்சரிக்கையாக இருக்க வேண்டும். சில பெண்கள் அலுவலகத்தில் கொண்டாட்டத்திற்காக செலவு செய்ய வேண்டியிருக்கும்.</p><h2>ஆரோக்கியம்</h2><p>இன்று எலும்புகள் மற்றும் கண்கள் குறித்து எச்சரிக்கையாக இருங்கள். சில ஜாதகர்களுக்கு பார்வை பிரச்னைகள் இருக்கும் மற்றும் பெரியவர்கள் படிக்கட்டுகளைப் பயன்படுத்தும் போது எச்சரிக்கையாக இருக்க வேண்டும். உங்கள் வழக்கமான வாழ்க்கையை பாதிக்கும் தோல் நோய்த்தொற்றுகள் அல்லது ஒவ்வாமை உங்களுக்கு இருக்கலாம். ஜங்க் உணவுகளை தவிர்ப்பது நல்லது. கர்ப்பிணிப் பெண்கள் இன்று சாகச விளையாட்டுகளைத் தவிர்க்க வேண்டும். நாளின் முதல் பாதி அறுவை சிகிச்சை நேரத்தை திட்டமிடுவதற்கும் நல்லது.</p><h2>பொறுப்புத் துறப்பு:</h2><p>இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p>

மிதுனம் ராசி: மிதுனம் ராசிக்கு காதல், ஆரோக்கியம், தொழில், பணம் உள்ளிட்டவை இன்று எப்படி இருக்கிறது. சாதகமா, பாதகமா ஜோதிடம் என்ன சொல்கிறது என்பது குறித்து இதில் பார்க்கலாம்.&nbsp;

ரிஷபம் ராசி: சிறப்பு வாய்ந்த ஒருவர் இன்று உங்கள் வாழ்க்கையில் நுழையக்கூடும்.. ரிஷபம்  ராசிக்கு இன்றைய நாள் எப்படி?

<h2>காதல்</h2><p>உங்கள் காதலருடன் நல்ல உறவைப் பேணுவது நல்லது. நீங்கள் ஒரு நல்ல கேட்பவராக இருக்க வேண்டும், மேலும் முன்னாள் காதலருடனான பிரச்னைகளைத் தீர்க்க வாய்ப்பு இருக்கும், இது மகிழ்ச்சியைத் தரும். சில காதல் விவகாரங்கள் திருமணமாக மாறும், அதே நேரத்தில் நீண்ட தூர காதல் விவகாரங்களுக்கு அதிக தொடர்பு தேவைப்படும். நீங்கள் ஒரு காதல் இரவு உணவைத் திட்டமிடலாம் மற்றும் தற்போதைய உறவில் மகிழ்ச்சியாக இருக்க பழைய உறவை ஒதுக்கி வைக்கலாம். இன்று திருமணமான பெண்கள் திருமண பிரச்னைகளைத் தீர்ப்பதில் எச்சரிக்கையாக இருக்க வேண்டும். சிறப்பு வாய்ந்த ஒருவர் இன்று உங்கள் வாழ்க்கையில் நுழையக்கூடும். </p><h2>தொழில்</h2><p>உங்கள் உத்தியோகபூர்வ பணிகள் முக்கியமானதாக இருக்கும், அவற்றை நீங்கள் நேர்மையாக முடிக்க வேண்டும். சில தொழில் வல்லுநர்கள் வாடிக்கையாளரின் அலுவலகத்திற்குச் செல்வார்கள், அதே நேரத்தில் ஒரு மூத்த அதிகாரி உங்கள் சாதனைகளைக் குறைக்க முயற்சி செய்யலாம், அதை நீங்கள் ராஜதந்திரமாக கையாள வேண்டும். உடனடியாக கையாளப்பட வேண்டிய அலுவலக அரசியல் தொடர்பான பிரச்னைகளும் இருக்கலாம். மூத்தவர்களுடனான உங்கள் நல்லுறவு உங்களுக்கு சாதகமாக இருக்கும். தொழில்முனைவோர் தங்கள் வணிகத்தை வளர்க்க அல்லது நடைமுறையில் இருக்க தயங்கக்கூடாது. உங்கள் நிதி நிலைமையை மேம்படுத்தக்கூடிய புதிய ஒப்பந்தத்தில் கையெழுத்திடுவீர்கள்.</p><h2>பணம்</h2><p>சிறிய நிதி பிரச்சினைகள் இருக்கும், ஆனால் அன்றாட வாழ்க்கையில் எந்த விளைவும் இருக்காது. ஒரு நண்பருடன் பணம் தொடர்பான பிரச்சினைகளைத் தீர்க்க இந்த நாளை நீங்கள் தேர்வு செய்யலாம், மேலும் நீங்கள் தொண்டு நிறுவனத்திற்கு பணத்தை நன்கொடையாக வழங்கலாம். சொத்து தொடர்பாக குடும்ப தகராறு ஏற்படும், இது குறித்து நீங்கள் ஒரு முடிவை எடுக்க வேண்டும். நீங்கள் பங்குச் சந்தையில் முதலீடு செய்யும் போது, உங்களுக்கு சரியான வழிகாட்டுதல் இருப்பதை உறுதிப்படுத்திக் கொள்ளுங்கள். பெரியவர்கள் பிள்ளைகளுக்கு பணத்தை விநியோகிப்பார்கள்.</p><h2>ஆரோக்கியம்</h2><p>ஆரோக்கியம் தொடர்பான உங்கள் அன்றாட அட்டவணையை எதுவும் பாதிக்காது. ஆனால் ஆண் ராசிக்காரர்கள் நெஞ்சு வலி குறித்து எச்சரிக்கையாக இருக்க வேண்டும். இன்று பார்வை தொடர்பான சிக்கல்களும் இருக்கலாம். சில பெண்களுக்கு சுவாசிப்பதில் சிக்கல் ஏற்படும், மேலும் நாளின் தொடக்கத்தில் சாகச நடவடிக்கைகளைத் தவிர்ப்பது நல்லது. காஃபின் அளவைக் குறைத்து அதற்கு பதிலாக கிரீன் டீ குடிக்கவும். நிறைய தண்ணீர் குடிப்பதும், மதுவை விட்டுவிடுவதும் புத்திசாலித்தனம்.</p><h2>பொறுப்புத் துறப்பு:</h2><p>இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p>

ரிஷபம் ராசி: ரிஷபம் ராசிக்கு காதல், ஆரோக்கியம், தொழில், பணம் உள்ளிட்டவை இன்று எப்படி இருக்கிறது. சாதகமா, பாதகமா ஜோதிடம் என்ன சொல்கிறது என்பது குறித்து இதில் பார்க்கலாம்.&nbsp;

மேஷம் ராசி: நிதி விஷயங்களை கவனமாக கையாள வேண்டும்.. மேஷம் ராசிக்கு இன்றைய நாள் எப்படி?

<p>காதல் விவகாரத்தில் அனுபவிக்க பல மகிழ்ச்சியான தருணங்கள் இருக்கும். உத்தியோகபூர்வ சவால்கள் வலுவாக இருக்கும், ஆனால் நீங்கள் அவற்றை தீர்ப்பீர்கள். நிதி விஷயங்களை கவனமாக கையாளுகிறீர்கள் என்பதை உறுதிப்படுத்திக் கொள்ளுங்கள். எந்தவொரு பெரிய உடல்நலம் தொடர்பான பிரச்னைகளும் நாளை பாதிக்காது. </p><h2>காதல் </h2><p>உங்கள் காதலருடன் நேரத்தை செலவிடும் போது வெளிப்பாடுகளில் எச்சரிக்கையாக இருங்கள். உங்கள் வார்த்தைகள் அல்லது அறிக்கைகள் காதலனை வருத்தப்படுத்தலாம், இது காதல் விவகாரத்தில் கொந்தளிப்பை ஏற்படுத்தும். பெற்றோர்களை வாக்குவாதங்களில் இழுக்காமல் கவனமாக இருக்க வேண்டும். சில பெண்கள் தங்கள் காதல் விவகாரத்தில் தங்கள் காதலரின் ஆதரவைப் பெறலாம். நீங்கள் ஒரு விடுமுறையையும் திட்டமிடலாம், இது உறவுக்கு புதியவர்களுக்கு குறிப்பாக நல்லது. நாளின் இரண்டாம் பாதி திருமணத்தை தீர்மானிக்க நல்லது.</p><h2>தொழில் </h2><p>வேலையின் தரத்தில் சமரசம் செய்யாதீர்கள். நீங்கள் அலுவலக அரசியலில் எச்சரிக்கையாக இருக்க வேண்டும், அதே நேரத்தில் மேலாண்மை மற்றும் அரசாங்க சுயவிவரங்கள் உட்பட முக்கிய பாத்திரங்களை வகிப்பவர்கள் நெறிமுறைகளுக்கு எதிராக செல்ல கடுமையான அழுத்தத்திற்கு ஆளாவார்கள். உங்கள் சுயவிவரத்தில் கடுமையான தாக்கத்தை ஏற்படுத்தும் அழுத்தத்திற்கு அடிபணிய வேண்டாம். சமையல் கலைஞர்கள், சுகாதார வல்லுநர்கள் மற்றும் தகவல் தொழில்நுட்பத் துறையில் பணிபுரிபவர்களுக்கு வெளிநாடுகளில் வாய்ப்புகள் கிடைக்கும், அதே நேரத்தில் ஊடக மற்றும் சட்ட வல்லுநர்களுக்கு பிஸியான கால அட்டவணை இருக்கும். வணிகர்களுக்கு, ஒரு புதிய தயாரிப்பு, கருத்து அல்லது யோசனையைத் தொடங்குவதற்கு நாளின் இரண்டாம் பாதி நல்லது. </p><h2>பணம்</h2><p>வாழ்க்கைத் துணையுடன் நிதி சிக்கல்கள் இருக்கும் மற்றும் சில பெண்கள் சொத்து தகராறுகளிலும் ஈடுபடுவார்கள், இது உடன்பிறப்புகளுடன் பிரச்சினைகளை ஏற்படுத்தும். சில பூர்வீகவாசிகள் முந்தைய முதலீடுகளிலிருந்து நல்ல வருமானத்தைப் பெறுவார்கள். இன்று நீங்கள் ஆபரணம், வாகனம் அல்லது புதிய சொத்து வாங்க தயாராக உள்ளீர்கள். பங்குகள், தங்கம் மற்றும் ஊக வணிகங்களில் முதலீடு செய்வதும் ஒரு சிறந்த யோசனையாகும்.</p><h2>ஆரோக்கியம் </h2><p>ஆரோக்கியம் தொடர்பான பெரிய பிரச்சினைகள் எதுவும் இருக்காது. ஆனால் சில ஆண்களுக்கு இதய பிரச்னைகள் இருக்கும், அதற்கு மருத்துவ கவனிப்பு தேவைப்படும். கர்ப்பமாக இருக்கும் பெண்கள் இன்று ஸ்கூட்டர் சவாரி அல்லது சாகச விளையாட்டுகளைத் தவிர்க்க வேண்டும். உங்கள் உணவில் பச்சை இலை காய்கறிகள் மற்றும் பழங்கள் சேர்க்க வேண்டும். சமையலறையில் காய்கறிகளை நறுக்கும்போது நீங்கள் எச்சரிக்கையாக இருக்க வேண்டும்.</p><h2>பொறுப்புத் துறப்பு:</h2><p>இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.</p>

மேஷம் ராசி: மேஷம் ராசிக்கு காதல், ஆரோக்கியம், தொழில், பணம் உள்ளிட்டவை இன்று எப்படி இருக்கிறது. சாதகமா, பாதகமா ஜோதிடம் என்ன சொல்கிறது என்பது குறித்து இதில் பார்க்கலாம்.

சமூகநீதியை நிலைநாட்ட.. சாதிவாரி கணக்கெடுப்பு ஆய்வை உடனடியாக மேற்கொள்ள வேண்டும் - தவெக தலைவர் விஜய் அறிக்கை

<p>இதுதொடர்பாக தவெக சார்பில் வெளியிடப்பட்டுள்ள அறிக்கையில், "சாதிவாரி கணக்கெடுப்பு நடத்தப்பட வேண்டும் என்பது அனைத்து சமூக மக்களின் சமூக நீதிக்கான உரிமை முழக்கம். இந்த கோரிக்கையானது, இந்திய ஒன்றியம் எங்கும் வலுவடைந்த காரணத்தால் ஒன்றிய பாஜக அரசு இறங்கி வந்து, நாடு முழுவதும் மக்கள் தொகை கணக்கெடுப்புடன் சேர்ந்த சாதிவாரி கணக்கெடுப்பு நடத்தப்படும் என அறிவித்தது.</p><h2>வேறு வழியின்றி சாதிவாரி கணக்கெடுப்பு</h2><p>இந்த கணக்கெடுப்பு, இரண்டு கட்டங்களாக நடத்தப்படும் என்று தற்போது அறிவிக்கப்பட்டுள்ளது. தமிழ்நாடு உள்ளிட்ட மாநிலங்களில் 2027 மார்ச் 1ஆம் தேதி தேதி அடிப்படையாக கொண்டு கணக்கெடுப்பு நடத்தப்படும் என்று அறிவிக்கப்பட்டுள்ளது.</p><p>தமிழக வெற்றிக் கழகத்தின் கொள்கை பிரகடன முதல் மாநில மாநாட்டில் சமூக நீதிக்கான எங்களுடைய முழு முதல் கோரிக்கையாக இந்த சாதி வாரி கணக்கெடுப்பு கோரிக்கை வலியுறுத்தப்பட்டது. இதை ஒன்றிய அரசு பல்வேறு அரசியல் காரணங்களுக்காக வேறு வழியின்றி ஏற்றுக்கொண்டிருக்கிறது.</p><p><strong>மேலும் படிக்க: </strong><a href="https://tamil.hindustantimes.com/tamilnadu/tvk-thoothukudi-executive-ajitha-agnel-conflict-between-party-general-secretary-anand-131750061820113.html" target="_blank">விஜய் இருக்கும் மேடையில் துண்டிக்கப்பட்ட நேரலை.. தவெகவில் சலசலப்பு</a></p><h2>முறையாக நடத்த குழு வேண்டும்</h2><p>இந்த சாதிவாரி கணக்கெடுப்பை நடத்தும் ஒன்றிய அரசு, மக்கள் தொகை கணக்கெடுப்போடு சேர்த்து வெறும் கண்துடைப்பு சாதிவாரி தலைக்கட்டு கணக்கெடுப்பாக நடத்த கூடாது. அனைத்து வகுப்பினருக்கும் இட ஒதுக்கீடு மற்றும் உள் ஒதுக்கீடு முறையாக கிடைக்க பெறும் வகையில் நடத்த வேண்டும்.</p><p>இதற்கென்று அனைத்து சமூகத்தின் பிரதிநிதிகளும் உள்ளடங்கிய ஒரு பிரத்யேக் ஆணையம் அல்லது குழு அமைக்க வேண்டும். உரிய தரவுகள் முறையாகவும் முழுமையாகவும் இருக்கும் வகையில் குறிப்பிட்ட கால வரையறை நிர்ணயம் செய்து இந்த மக்கள் தொகை கணக்கெடுப்போடு சேர்ந்த சாதிவாரி கணக்கெடுப்பை நடத்த வேண்டும். அதன் அடிப்படையில் எங்கள் பிரதான கோரிக்கையான விகிதாசார பிரதிநிதித்துவத்தை நடைமுறைப்படுத்த வேண்டும்.</p><p>குறிப்பாக, மக்களவை தொகுதிகளுக்கான மறுசீரமைப்பை நோக்கமாக கொண்டு இந்த கணக்கெடுப்பு நடத்தப்படக்கூடாது. மாறாக அனைத்து சமூகத்துக்கும் உரிய விகிதாசார அடிப்படையில் அவர்களின் பிரதிநிதித்துவத்தை முன்னிலைப்படுத்துவதாக மட்டுமே இருக்க வேண்டும். இதுவே முழு அளவிலான சமூக நீதி ஆகும். இந்த கணக்கெடுப்பின் வாயிலாக உண்மையான சமூக நீதி நிலைநாட்டப்பட வேண்டும்.</p><h2>மாநில அரசும் நடத்த வேண்டும்</h2><p>மக்கள் தொகை கணக்கெடுப்போடு சேர்ந்த சாதிவாரி கணக்கெடுப்பு (Caste Census) நடத்தப்படும் என்று ஒன்றிய அரசு அறிவித்திருந்தாலும், மாநில அரசும் சாதிவாரி கணக்கெடுப்பு ஆய்வை (Caste Survey) நடத்த வேண்டும். அண்டை மாநில அரசுகள் சில தங்களுக்கான அதிகாரங்களை பயன்படுத்தி தன்னிச்சையாக சாதிவாரி கணக்கெடுப்பு ஆய்வு நடத்தியுள்ளன.</p><p><strong>மேலும் படிக்க: </strong><a href="https://tamil.hindustantimes.com/tamilnadu/tvk-leader-vijay-requests-not-to-be-called-ilaya-kamaraj-urges-supporters-to-avoid-comparison-131749793374627.html" target="_blank">என்னை இளைய காமராஜர் என்று அழைக்க வேண்டும்.. தவெக தலைவர் விஜய் வேண்டுகோள்</a></p><p>இந்த ஆய்வு மீண்டும் நடத்தப்படும் என்று சில மாநில அரசுககள் அறிவித்துள்ளன. இந்த புதிய சாதிவாரி கணக்கெடுப்பு ஆய்வில், மக்களின் சமூக, கல்வி, பொருளாதார நிலை உள்ளிட்டவை குறித்த தரவுகள் முழுமையாக சேகரிக்கப்படும் என்று தெரிவித்துள்ளன. இதுதான் உண்மையான சமூக நீதியை நிலைநாட்டும் என்றும் அந்த மாநில அரசுகள் தெரிவித்துள்ளன. மக்கள் மீது உண்மையான அக்கறை கொண்டுள்ள அரசு செய்ய வேண்டியது இதைத்தான்.</p><p>எனவே தமிழ்நாடு அரசு சாதிவாரி கணக்கெடுப்பு ஆய்வு நடத்த வேண்டும். இட ஒதுக்கீடு தொடர்பான பல வழக்குகளில் உச்சநீதிமன்றம் கேட்டுள்ள விகிதாசார பிரதிநிதித்துவம் மற்றும் வகுப்புளின் சமூக, வாழ்வாதார, பொருளாதார, கல்வி வேலைவாய்ப்பு உள்ளிட்ட அனைத்திலும் எந்தெந்த நிலைகளில் தற்போது பின்தங்கி உள்ளனர் என்பதற்கான சரியான தரவுகள் மற்றும் தற்போதயை சமூக நிலை உள்ளிட்டவற்றின் விவரங்களை அதில் சேகரிக்க வேண்டும்.  அந்த ஆய்வானது, அனைத்து சமூகத்துக்குமான பிரதிநிதித்துவத்தையும் சட்டப்படி செல்லத்தக்க, உகந்த உள் ஒதுக்கீட்டை உறுதி செய்யும் வகையிலான தரவுகளை முழுமையாக உள்ளடக்கியதாக இருக்க வேண்டும்.</p><h2>சமூக அநீதிக்கு துணைபோக கூடாது</h2><p>இதை செய்யாமல் மாநில அரசுகள் சாதிவாரி கணக்கெடுப்பை நடத்த வேண்டியதில்லை என்கிற ஒன்றிய அரசின் அறிவிப்பை தங்களுக்கு சாதகமாக்கி கொண்டு, மக்கள் விரோத ஆட்சியை நடத்தி வரும் திமுக அரசு, பாஜகவின் முதுகுக்கு பின்னால் ஒளிந்துகொண்டு சமூக அநீதிக்கு துணை போக கூடாது</p><p>அவ்வாறு ஒளிந்துகொண்டு மாநில அரசு சாதிவாரி கணக்கெடுப்பு ஆய்வை நடத்தாமல் விட்டுவிட்டால், தமிழகத்தில் சாதிகாரி கணக்கெடுப்பு ஆய்வுக்கான கோரிக்கை இன்னும் வலுவடையும் என்பதை மறந்துவிட வேண்டாம்.</p><p><strong>மேலும் படிக்க:</strong> <a href="https://tamil.hindustantimes.com/tamilnadu/edappadi-palaniswami-says-caste-census-is-not-a-cure-all-but-a-necessary-tool-in-article-published-on-english-website-131748500818976.html" target="_blank">சாதி மக்கள்தொகை கணக்கெடுப்பு சர்வ ரோக நிவாரணி அல்ல.. எடப்பாடி பழனிசாமி</a></p><p>அத்துடன் எங்கள் கொள்கை தலைவர் பெரியார் அவர்களின் கொள்கை முழக்கமான விகிதாசார பிரதிநிதித்துவத்தை, கபட நாடக திமுக அரசு பிளவுவாத பாஜக அரசுடன் இணைந்து அமல்படுத்த தவறினால், இந்த மக்கள் விரோத அரசுக்கு,வரும் சட்டப்பேரவை தேர்தலில் தமிழக மக்கள் தக்க பாடம் புகட்டுவார்கள்.</p>

<ul><li>ஒன்றிய அரசு நடத்தும் மக்கள் தொகை கணக்கெடுப்புடன் சேர்ந்த் சாதிவாரி கணக்கெடுப்பானது உண்மையான சமூக நீதியை நிலைநாட்டுவதாக இருக்க வேண்டும். தமிழ்நாடு அரசு ஒவ்வொரு வகுப்புக்குமான விகிதாசார பிரதிநிதித்துவம் மற்றும் அவர்களின் சமூக நிலை குறித்த சாதிவாரி கணக்கெடுப்பு ஆய்வை உடனடியாக மேற்கொள்ள வேண்டும்</li></ul>

குபேரா ரிலீஸுக்கு முன் ஓடிடியில் பார்க்க வேண்டிய தனுஷின் படங்கள்!

<p>தனுஷ், நாகார்ஜூனா, ராஷ்மிகா உள்ளிட்ட பல நட்சத்திரங்கள் நடித்து  வருகிற ஜூன் 20 ஆம் தேதி திரைக்கு வரவிருக்கும் திரைப்படம் குபேரா. மிகப்பெரிய எதிர்பார்ப்பை ஏற்படுத்தி இருக்கும் இப்படத்தை பார்க்கும் முன்னர் ஓடிடி ப்ளே ஓடிடி தளத்தில் இருக்கும் தனுஷின் சிறந்த பெர்ஃபார்மன்ஸ்கள் கொண்ட திரைப்படங்கள் சிலவற்றை இங்கே பார்க்கலாம். </p><h2>காதல் கொண்டேன் </h2><p>கடந்த கால மோசமான சம்பவங்களுடன் போராடும் வினோத்திற்கு திவ்யாவின் அறிமுகம் கிடைக்கிறது. அந்த அறிமுகம் அவன் வாழ்க்கையை மாற்றுகிறது. ஒரு கட்டத்தில் வினோத் திவ்யாவை  காதலிக்க, திவ்யாவுக்கு வேறொருவருடன் காதல் ஏற்படுகிறது. அதன் பின்னர் என்ன ஆனது? என்பது மீதிக்கதை </p><h2>மாரி </h2><p>சென்னையில் மாமூல் வசூல் செய்யும் குட்டி தாதாவாக வரும் மாரிக்கு ( தனுஷ்) ரவுடியிசம் தாண்டி புறா பந்தயத்திலும் ஆர்வம். </p><p>அந்தப் பகுதியில் நடக்கும் புறா பந்தயங்களை தனது கட்டுப்பாட்டில் வைத்திருக்கும் அவரின் இடத்திற்கு மற்றொரு ரவுடியான பறவை ரவி (மைம் கோபி) வர ஆசைப்படுகிறார். அவருக்கு உறுதுணையாக அந்தப் பகுதியின் காவல்நிலையத்துக்குப் புதிய இன்ஸ்பெக்டராக வரும் அர்ஜுனும் கைகோர்த்துக்கொள்ள அடுத்து நடந்தது என்ன என்பது மீதிக்கதை!</p><h2>ஆடுகளம்</h2><p>கறுப்பின் திறமை மீது பொறாமை படும் வாத்தியார் பேட்டைக்காரன் அவனுக்கு எதிராக நடத்தும் துரோக தாக்குதலும், அதற்கு கறுப்பு கொடுக்கும் பதிலடியும்தான் படத்தின் கதை. பல தேசிய விருதுகளை பெற்ற இந்தத்திரைப்படம் தனுஷ் கெரியரில் மிக மிக முக்கியமான படமாக அமைந்தது. வெற்றிமாறன் இயக்கி இருந்த இப்படத்திற்கு இசையமைப்பாளர் ஜிவி பிரகாஷ்குமார் இசையமைத்து இருந்தார். </p><h2>திருச்சிற்றம்பலம் </h2><p>விபத்தில் அம்மாவையும், தங்கையையும் இழந்த தனுஷ் அந்த விபத்துக்கு அப்பாவான பிரகாஷ்ராஜே காரணம் என்று நினைத்து, அவருடன் பல வருடங்களாக பேசாமல் இருக்கிறார்.  </p><p>திடீரென பிரகாஷ்ராஜ்ஜிற்கு பக்கவாதம் வந்துவிட, அப்பாவுக்கு உற்ற துணைவனாக மாறவேண்டிய கட்டாயத்திற்கு தள்ளப்படுகிறார் தனுஷ். அதன்பின்னர், அப்பாவுக்கும் பிள்ளைக்குமான உறவு என்ன ஆனது? தோழில் நித்யா மேனனின் காதல் என்ன ஆனது என்பது படத்தின் மீதிக்கதை!</p>

ஓடிடி ப்ளே ஓடிடி தளத்தில் இருக்கும் தனுஷின் சிறந்த பெர்ஃபார்மன்ஸ்கள் கொண்ட திரைப்படங்கள் சிலவற்றை இங்கே பார்க்கலாம்.

பயங்கர சத்தத்துடன் வெடித்து சிதறிய பட்டாசு குடோன்.. அதிகாலையிலேயே அதிர்ச்சி சம்பவம்

video

<p>விருதுநகர் மாவட்டம் ஏழாயிரம்பண்ணை அருகே முத்தாண்டியாபுரத்தில் ரகுநாதன் என்பவருக்கு சொந்தமான தீக்குச்சி தயாரிப்பு குடோன் கடந்த 2 ஆண்டுகளாக செயல்படாமல் இருந்து வந்துள்ளது. இந்த குடோனில் இன்று அதிகாலையில் பயங்கர வெடிவிபத்து ஏற்பட்டது. சம்பவம் அறிந்து சென்ற தீயணைப்புப்படையினர் நீண்ட நேரம் போராடி தீயைக் கட்டுக்குள் கொண்டுவந்தனர். அதிகாலை நேரம் என்பதால் உள்ளே யாரும் இல்லாததன் காரணமாக பெரும் அசம்பாவிதம் தவிர்க்கப்பட்டது. போலீசார் நடத்திய விசாரணையில், தற்போது வெடி விபத்து ஏற்பட்ட குடோனில் உரிய அனுமதி இல்லாமல் சட்ட விரோதமாக பட்டாசு தயாரித்து பல லட்சம் ரூபாய் மதிப்பிலான பட்டாசுகள் பதுக்கி வைத்திருந்தது தெரியவந்துள்ளது. இதுதொடர்பாக ஏழாயிரம்பண்ணை போலீசார் வழக்குப்பதிவு செய்து விசாரணை நடத்தி வருகின்றனர்.</p>

சிவகாசி அருகே பட்டாசு ஆலையில் வெடிவிபத்து..3 பேர் பலி! 3 பேர் தீக்காயங்களுடன் மருத்துவமனையில் அனுமதி

<p>விருதுநகர் மாவட்டம், சிவகாசி அருகே எம்.புதுப்பட்டியில் செயல்பட்டு வந்த பட்டாசு ஆலையில் வெடி விபத்து ஏற்பட்டுள்ளது.தொழிலாளர்கள் வழக்கம் போல் பணியில் ஈடுபட்டு கொண்டிருந்தபோது திடீரென ஏற்பட்ட வெடி விபத்தில் சிக்கி 3 பேர் சம்பவ இடத்திலேயே உயிரிழந்துள்ளனர். விபத்தில் காயமடைந்த பலரும் சிகிச்சைக்காக மருத்துவமனையில் அனுமதிக்கப்பட்டுள்ளனர். வெடிவிபத்து குறித்து தகவலறிந்து சம்பவ இடத்துக்கு வந்த தீயணைப்பு துறையினர் தீயை அணைத்தனர். மேலும் விபத்தில் சிக்கியவர்களை மீட்கும் பணியிலும் ஈடுபட்டனர்.</p>

Virudhunagar: குடியிருப்பு பகுதியில் பயங்கர தீ விபத்து.. அதிகாலையில் அலறி அடித்து ஓடிய மக்கள்!

<ul><li>விருதுநகர் மேலத்தெரு பேட்டையில் உள்ள ஒரு வீட்டில் அதிகாலையில் சிலிண்டர் எரிவாயு கசிவால் தீ விபத்து ஏற்பட்டுள்ளது. அடுத்தடுத்த வீடுகளில் தீ மளமளவென பரவியது. இதில் 25க்கும் மேற்பட்ட குடிசை வீடுகள் முற்றிலும் எரிந்து சேதமானது. தீ விபத்தால் குடியிருப்புகளில் தூங்கிக் கொண்டிருந்த பொதுமக்கள் அலறி அடித்து வீட்டை விட்டு வெளியேறியதால் பெரும் அசம்பாவிதம் தவிர்க்கப்பட்டது. தகவல் அறிந்து சம்பவ இடத்திற்கு 3 தீயணைப்பு வாகனங்களில் வந்த தீயணைப்பு துறையினர் தீயை அணைத்து விபத்தில் சிக்கியவர்களை மீட்கும் பணியில் ஈடுபட்டனர். அதிகாலை நேரத்தில் குடியிருப்பு பகுதிகளில் தீ விபத்து ஏற்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.</li></ul>

வெடித்து சிதறிய பட்டாசு ஆலை.. 6 பேரின் உடல்கள் மீட்பு.. சாத்தூரில் சோகம்!

<ul><li>விருதுநகர் மாவட்டம் சாத்தூர் அருகே பட்டாசு ஆலையில் ஏற்பட்ட தீ விபத்தில் 6 பேர் பரிதாபமாக உயிரிழந்தனர். அப்பையநாயக்கன்பட்டி பகுதியில் சாய்நாத் என்ற பட்டாசு ஆலையில் 4 அறைகள் தரைமட்டமான நிலையில், இடிபாடுகளில் யாரேனும் சிக்கியுள்ளனரா என தேடும் பணியில் தீயணைப்பு மீட்பு படையினர் ஈடுபட்டுள்ளனர்.</li></ul>

அதிகாலையிலே பட்டாசு ஆலையில் வெடி விபத்து - ட்ரோன் காட்சிகள்

<ul><li>விருதுநகர் மாவட்டம் சாத்தூர் அருகே முத்தால்நாயக்கன்பட்டியில் தனியாருக்கு சொந்தமான பட்டாசு ஆலையில் இன்று (செப்.28) காலை திடீர் வெடிவிபத்து ஏற்பட்டது. பட்டாசுகள் வெடித்துச் சிதறுவதால் சுமார் ஐந்து கிலோ மீட்டர் சுற்றளவுக்கு அதிர்வு ஏற்பட்டுள்ளது. தகவலறிந்த சாத்தூர் சிவகாசி வெம்பக்கோட்டை தீயணைப்பு வாகனங்கள் சம்பவ இடத்திற்கு விரைந்துள்ளன. பத்துக்கும் மேற்பட்ட அரசு மற்றும் தனியார் ஆம்புலன்ஸ் வாகனங்கள் மீட்பு பணிக்காக தயார் நிலையில் நிறுத்தப்பட்டுள்ளன.</li></ul>

Cracker Factory Fire: வெடித்து சிதறிய பட்டாசு ஆலை.. கோரமாக பலியான உயிர்..!

<ul><li>விருதுநகர் மாவட்டம் சாத்தூர் அருகே குகன்பாறை என்ற கிராமத்தில் இயங்கி வரும் தனியாருக்கு சொந்தமான பட்டாசு ஆலையில் எதிர்பாராதவிதமாக ஏற்பட்ட வெடிவிபத்தில் கோவிந்தராஜ் என்பவர் சம்பவ இடத்திலேயே உயிரிழந்தார். மேலும், இந்த வெடிவிபத்தில் படுகாயமடைந்த ஒருவர் சிவகாசி அரசு மருத்துவமனையில் தீவிர சிகிச்சைப்பிரிவில் சிகிச்சைப் பெற்று வருகிறார். இந்த விபத்து தொடர்பாக வழக்குப்பதிவு செய்த போலீசார் பட்டாசு ஆலை உரிமையாளர் மற்றும் போர்மேனை கைது செய்து விசாரணை நடத்தி வருகின்றனர்.</li></ul>