Vedasandur: இரும்பு கம்பிகளை திருடி மது அருந்திய திருடர்கள்.. தர்ம அடி கொடுத்த மக்கள்!

இதைக்கேட்டு அதிர்ச்சி அடைந்த கடை உரிமையாளர் அவர்களைத் தேடிச் சென்றுள்ளார். அப்போது அவர்கள் வேடசந்தூர் குங்கும காளியம்மன் கோயில் தெருவில் உள்ள அரசு மதுபான கடையில் மதுபானம் அருந்திவிட்டு கொண்டிருந்தது தெரியவந்தது. அவர்களிடம் விசாரித்தபோது நாங்கள் திருடவில்லை என்று கூறியுள்ளனர். 

இதனிடையே திருடர்களில் ஒருவன் போதை தலைக்கேற சாலையிலேயே படுத்து உருண்டுள்ளார். இதையடுத்து திருடிய இரண்டு நபர்களையும் பொதுமக்கள் தர்ம அடி கொடுத்து விசாரணை செய்த போது, வேடசந்தூர் சாலை தெருவில் உள்ள ஒரு பழைய இரும்பு கடையில் கம்பிகளை விற்றுவிட்டு அந்த பணத்தின் மூலமாக தான் மதுபானம் அருந்தினோம் எனவும் தெரிவித்துள்ளனர்.

இதனைத் தொடர்ந்து காவல்துறையினருக்கு தகவல் தெரிவிக்கப்பட்டது. சம்பவ இடத்திற்கு வந்த காவல்துறையினர் அவர்களிடம் விசாரணை நடத்திய போது ஒருவர் வைரக் கவுண்டனூரை சேர்ந்த ராஜா என்பதும் மற்றொருவர் சந்தப்பேட்டையை சேர்ந்த கௌதம் என்பதும் தெரிய வந்தது. மேலும் மதுபோதை அதிகமானதால் கௌதம் அங்கேயே படுத்து மட்டையானார்.

அதனைத் தொடர்ந்து கௌதம் மீது தண்ணீரை தெளித்து அவரை தெளியவைத்தனர். போதையில் இருந்ததால் இருவரிடமும் விவரங்களை சேகரித்த காவல்துறையினர் பின்னர் காவல் நிலையம் வருமாறு கூறி அனுப்பிவைத்தனர். இரும்புக் கம்பிகளை திருடிய இரண்டு திருடர்களை பொதுமக்கள் தர்ம அடி கொடுத்து காவல்துறையினரிடம் ஒப்படைத்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.