ஒருங்கிணைந்த அதிமுகவால்தான் திமுகவை வீழ்த்த முடியும்! நிலைப்பட்டை அறிவித்த பாஜக

இடைத்தேர்தல் நடக்கும் ஈரோடு கிழக்கு தொகுதியில் ஸ்டாலின் அரசு தனது செல்வாக்கை நாளுக்குநாள் இழ்ந்து வருகிறது. ஒரு குடும்பத்திற்காக வேலை செய்யும் திமுக தமிழ் மக்களுக்கு எதிராக உள்ளது. சொத்துவரி, மின்சார வரி, அத்தியவசிய பொருளான பால் விலை ஆகியவை உயர்ந்துள்ளது. 

தமிழ்க்கலாச்சாரம் மீது திமுக அமைச்சர்கள் தொடர் தாக்குதலை நடத்தி வருகின்றனர். பெண்களுக்கு எதிரான குற்றங்கள், கட்டப்பஞ்சாயத்துகள், குற்றங்கள் தொடர்ந்து நடப்பதால் தமிழ் மக்கள் திமுகவிற்கு எதிராக உள்ளனர். பணபலத்தையும், அதிகார துஷ்ப்ரயோகத்தையும் ஏற்கெனவே ஈரோட்டில் பார்த்து வருகிறோம். 

திமுக என்னும் தீய சக்தியை வீழ்த்த ஒருங்கிணைந்த தேசிய ஜனநாயக கூட்டணி, ஒருகிணைந்த அதிமுக கட்டாயம் தேவை.  எங்கள் தேசியத் தலைவர் ஜே.பி.நட்டா சொன்ன கருத்தை இருவரிடமும் வலியுறுத்தி உள்ளோம். ஒருங்கிணைந்த அதிமுகவால் மட்டுமே திமுக கூட்டணியை வீழ்த்த முடியும். 7ஆம் தேதி வரை வேட்புமனுத்தாக்கலுக்கு நேரம் உள்ளதால் ஒருங்கிணைந்த அதிமுகவை வலியுறுத்தி வருகிறோம் என தெரிவித்தார்.