100 Years of Kalaignar: கருணாநிதி தோற்றம் முதல் மறைவு வரை- சுவாரஸ்ய தகவல்கள்!
Jun 03, 2023 06:45 AM IST
மறைந்த முன்னாள் முதல்வர் கருணாநிதியின் தோற்றம் முதல் மறைவு வரை நடைபெற்ற அனைத்து நிகழ்வுகளின் தொகுப்பு இதோ..!
கருணாநிதி தோற்றம் முதல் மறைவு வரை
இந்திய அரசியலில் தவிர்க்க முடியாத ஆளுமைமிக்க தலைவர்களில் ஒருவரான கருணாநிதியின் 100-வது பிறந்த நாள் விழா இன்று (ஜூன் 3) கொண்டாடப்படுகிறது. இந்நாளில் கருணாநிதியின் தோற்றம் முதல் மறைவு வரை நடைபெற்ற அனைத்து நிகழ்வுகளின் சிறப்பு தொகுப்பு இதோ..!
- நாகப்பட்டின் மாவட்டத்தில் திருக்குவளை என்னும் கிராமத்தில் 1924ஆம் ஆண்டு ஜூன் 3-ல் முத்துவேலர்- அஞ்சுகம் அம்மையார் தம்பதிக்கு மகனாகப் பிறந்தார்.
- வளர்த்தெடுத்த ஊர் திருக்குவளை என்றாலும், கருணாநிதியை அரசியல் ரீதியாக வளர்த்தெடுத்த ஊர் திருவாரூர்.
- தனது 14ஆவது வயதில் சமூக இயக்கங்களில் தன்னை ஈடுபடுத்திக் கொண்டார்.
- 1941: தமிழ்நாடு தமிழ் மாணவர் மன்றம் என்ற அமைப்பை தொடங்கினார் கருணாநிதி.
- 1944 பேபி டாக்கீஸ் என்று அழைக்கப்பட்ட திருவாரூர் கருணாநிதி திரையரங்கில் தன்னுடைய முதல் நாடகமான ‘சாந்தா (அல்லது) பழனியப்பன் ‘ நாடகத்தை அரங்கேற்றினார்.
- 1946: முதல் திரைப்படமான ‘இராஜகுமாரி’ க்கு கதை வசனம் எழுதினார்.
- 1949: சென்னை ராபின்சன் பூங்காவில் கொட்டும் மழையில் திராவிட முன்னேற்றக் கழகத்தை அறிஞர் அண்ணா துவங்கினார். அண்ணாவின் படைத்தளபதியாக விளங்கிய கருணாநிதி திமுகவின் பொதுக்குழு மற்றும் பிரச்சாரக் குழு உறுப்பினராக நியமிக்கப்பட்டார்.
- 1950: கருணாநிதி கதை-வசனம் எழுதிய, எம்.ஜி.ஆர். நடித்த "மந்திரிகுமாரி" திரைப்படம் வெளியானது.
- 1951: திரைப்படப் பணி , கட்சிப்பணி ஆகியவற்றிற்கு இடையேயும் பத்திரிக்கைத்துறையில் ‘மாலைமணி’ இதழின் ஆசிரியராக பொறுப்பேற்றார்.
- 1952: கருணாநிதிக்கு அழியாப் புகழைத் தேடித்தந்த, சிவாஜி கணேசனை திரையுலகுக்கு அறிமுகப்படுத்திய 'பராசக்தி' திரைப்படம் வெளியானது.
- 1953 ஜூலை 14, 15: "டால்மியா" புரம் என்ற பெயரைக் கல்லக்குடி என பெயர் மாற்றம் செய்ய வேண்டுமெனக் கோரியும், குலக் கல்வி திட்டத்துக்கு எதிர்ப்பு தெரிவித்தும் திமுக போராட்டம் நடத்தியது. தண்டவாளத்தில் படுத்து கருணாநிதி போராட்டம் நடத்தினார்.
- 1957: குளித்தலை சட்டமன்றத் தொகுதியில் போட்டியிட்டு முதல்முறையாக எம்எல்ஏ ஆனார்.
- 1961: திமுகவின் பொருளாளராக நியமிக்கப்பட்டார்.
- 1962: தமிழக சட்டமன்ற எதிர்க்கட்சி துணைத் தலைவராக பதவியேற்றார் கருணாநிதி.
- 1967: சட்டமன்ற தேர்தலில் வெற்றி பெற்ற திமுக ஆட்சியைப் பிடித்தது. கருணாநிதி பொதுப் பணித்துறை அமைச்சராகப் பதவியேற்றார்.
- 1969 பிப்ரவரி 10: அண்ணாவின் மறைவுக்குப் பின் , தி.மு.க.வின் தலைவராக தேர்ந்தெடுக்கப்பட்டு தமிழக முதலமைச்சராக முதன்முறையாகப் பதவியேற்றார்.
- 1971: இரண்டாவது முறையாக தமிழ்நாட்டின் முதலமைச்சரானார் கருணாநிதி.
- 1989: தமிழ்நாட்டின் முதலமைச்சராக 3-வது முறையாக பொறுப்பேற்றார்.
- 1996: தமிழ்நாட்டின் முதலமைச்சராக நான்காவது முறையாக பதவியேற்றார்.
- 1996-2001 ஆண்டு காலத்தில் அவர் முதலமைச்சராக இருந்தபோது சமத்துவத்தை முன்னிறுத்தவும் சாதி, மத பேதங்களைக் களையவும் தமிழ்நாட்டில் சமத்துவபுரங்களை உருவாக்கினார்.
- 2006: தமிழ்நாட்டின் முதலமைச்சராக ஐந்தாவது முறையாக பொறுப்பேற்றார் கருணாநிதி.
- 2008: தை முதல் நாளை தமிழ் புத்தாண்டு நாள் என சட்டம் நிறைவேற்றம்.
- பிப்.11, 2009: கருணாநிதிக்கு முதுகுத் தண்டு அறுவை சிகிச்சை நடைபெற்றது.
- மே 19, 2016: திருவாரூர் தொகுதியில் 68 ஆயிரம் வாக்குகள் அதிகம் பெற்று 13 முறையாக வெற்றி பெற்று எம்எல்ஏ ஆனார்.
- டிச.1, 2016: உடல் நலக் குறைவு காரணமாக சென்னை காவேரி மருத்துவமனையில் அனுமதிப்பட்டார்.
- டிச.23, 2016: உடல் நலம் தேறி இல்லம் திரும்பினார்.
- டிச.16, 2017: ஓராண்டுக்கு பிறகு திமுக தலைமை அலுவலகமான அண்ணா அறிவாலயம் சென்றார்.
- ஜூலை 27, 2018: நள்ளிரவுக்கு பிறகு உடல்நலக்குறைவு காரணமாக காவேரி மருத்துவமனைக்கு கருணாநிதி அழைத்துச் செல்லப்பட்டார்.
- ஆகஸ்ட் 7, 2018: காவேரி மருத்துவமனையில் அனுமதிக்கப்பட்ட மு.கருணாநிதி மாலை 6.10 மணியளவில் காலமானார்.
- ஆகஸ்ட் 8, 2018: 21 குண்டுகள் முழங்க ராணுவ மரியாதையுடன் திமுகவின் தலைவர் கருணாநிதியின் உடல் மெரினா கடற்கரையில் அண்ணா சமாதிக்கு அருகே அடக்கம் செய்யப்பட்டது.
டாபிக்ஸ்
மேலும் தமிழ்நாட்டின் சமீபத்திய செய்திகள், குற்றச் செய்திகள் , ட்ரெண்டிங் செய்திகள் , அரசியல் செய்திகளை , இந்துஸ்தான் டைம்ஸ் தமிழ் செய்தி தளத்தின் தமிழ்நாடு பிரிவில் பார்க்கவும்.