Watch: ஒரே ஓவரில் 6 சிக்ஸர் விளாசிய பாகிஸ்தான் வீரர்!

நேற்று குவெட்டா கிளாடியேட்டர்ஸ் மற்றும் பெஷாவர் ஜல்மி இடையிலான ஆட்டம் நடந்தது.

குவெட்டா கிளாடியேட்டர்ஸ் அணியில் பாகிஸ்தான் அதிரடி வீரர் இஃப்திகர் அகமது இடம்பெற்றுள்ளார்.

நேற்றைய ஆட்டத்தில் அவர் கடைசி 20ஆவது ஓவரில் 6 பந்துகளையும் சிக்ஸருக்கு விரட்டி அசத்தினார். மேலும் கடைசி வரை ஆட்டமிழக்காமல் இருந்து 50 பந்துகளில் 94 ரன்களையும் அவர் பதிவு செய்தார்.

அந்த அணி மொத்தம் 184 ரன்களை குவித்தது. அவர் 6 பந்துகளில் சிக்ஸர் விளாசிய வீடியோ சமூக வலைத்தளங்களில் வைரலாகி வருகிறது.

வஹாப் வீசிய 6 பந்துகளையும் இப்திகர் அகமது சிக்ஸருக்கு பறக்கவிட்டார். இந்த ஆட்டத்தில் பாபர் அஸாம் தலைமையிலான பெஷாவர் அணி 181 ரன்களை எடுத்து தோல்வியைத் தழுவியது. பாபர் 32 ரன்களை எடுத்தார்.

முன்னதாக, 2007 ஆம் ஆண்டில், தென்னாப்பிரிக்காவின் ஹெர்ஷல் கிப்ஸ் சர்வதேச கிரிக்கெட்டில் ஒரு ஓவரில் 6 சிக்ஸர்களை அடித்த முதல் வீரர் ஆனார்.

அதே ஆண்டில், இந்தியாவின் யுவராஜ் சிங், டி20 போட்டிகளில் ஒரு ஓவரில் ஆறு சிக்ஸர்களை அடித்த முதல் வீரரானார்.

Tejaswin Shankar: வின்னரான தேஜஸ்வின்! உயரம் தாண்டுதலில் தங்கம் வென்ற இந்தியர்!

இங்கிலாந்தின் ஸ்டூவர்ட் பிராட் வீசிய 6 பந்துகளை சிக்ஸருக்கு விரட்டி அசத்தினார் யுவராஜ் சிங்.

ரஞ்சி கோப்பை கிரிக்கெட்டில் 1984-85 காலகட்டத்தில் பரோடா அணிக்கு எதிராக ரவி சாஸ்திரி ஒரே ஓவரில் 6 சிக்ஸர்களை விளாசிய முதல் இந்திய வீரர் ஆனார்.